العقار في الكويت

[al_buloshi_32]

ناوي ارد اطقطق باالعقار بس السوق يخوف
لا من اجار ولا من بيع

لا من داخل الكويت ولا بره


واللي عنده نصيحه يقول

يا اهل العقار


انا شغال فيه اخرها قبل سنتين ​

 

[louzany]

؟

والله ولد عمي اذا لك مجاجه وعندك تجار يشترون فوري دش وذا ماعندك مادري شقولك اذا ماعندك مشكله تدفع فلوس دش لانه السوق محد قاعد يشتري اذا في بشهر اكثر من 10 بيعات علي مستوي الكويت زين

 

[مشاري بو ناصر]

قبل فتره كان عدد المكاتب بحدود 5 آلاف مكتب عقار ...

شوف جم دلال بالسوق طياري بدون مكتب من الجنسيات إللي خبري خبركم ...

 

[q8_kwt]

يقولون الاسعار بتنزل اكثر لكن لو تسأل اهل الخبره يكون احسن

 

[al_buloshi_32]

صح القول
وانه العقار بينزل اخر السنه
والسوق واقف بس
الحركه بركه الصبح دوام و ماكو شغل العصر
وكل شي واقف بالعقار لا من بيع ولا شرى
او اجار

 

[عبدالله1967]

لا اعتقد من ناحية الايجارات السوق واقف فالناس اذا ماتشتري اكيد تبي اتأجر

السكن مثل الاكل والشرب شئ لابد منه

واعتقد بتوقف العمران الجديد بسبب القوانين والازمة المالية فالايجارات نحو الاستقرار ومن ثم الصعود اذا استمر معدل البيع بنفس الصورة الضعيفة بالوقت الحالي

 

[متعب طلال]

هذي الايام تخوف الان المستقبل مجهول هو في صحيح تغيير بس اما فوق اما تحت واكثر الظن تحت والله يستر

 

[q8_kwt]

حتى لو تنزل الاسعار وين الشراي؟

 

[متعب طلال]

كلامك صحيح الازمه الماليه للحين ماوصلت جايه بالطريق اليوم في خبر عن جنرال موتر خفظت انتاجها 30% والحبل علي الجرار

 

[al_buloshi_32]

في خبر يقول الوضع التعيس هذا راح يتم لمده مادون السنتين او اكثر
والله يستر ياجماعه