متى يكون سوق الحراج شغال في الاسبوع ؟؟

[BO-MUBARAK]

متى يكون سوق الحراج شغال في الاسبوع ؟؟

ووين مكانه بالضبط ؟

ومشكورين

 

[ali5225]

طال عمرررك الحراج مفتوووح كل يوم لاكن يوم الخميس والجمعه والسبت تجي سيارات واجد

ومكانه طال عمررررك اطلع على السادس لين توصل جسر أمغره اركب الجسر وروح يمين

لين يجيك اول دوار أخذه يمين وامش سيده لين يوقف الخط تلاقي الناس يدشون

والله يوفقكك

 

[ali5225]

واليوم أعتقد راح تجي ناس واجد لانه عطله بعد

 

[م \مبارك]

متى يكون سوق الحراج شغال في الاسبوع ؟؟

ووين مكانه بالضبط ؟

ومشكورين

واضح من سؤالك طال عمرك انك مادشيت هالحراج من قبل ...

الله يعينك وأتمنى انك تاخذ حذرك الحراج مو اللي على خبرك أيام الرقعي والترتيب والدلاله المعروفين اللي من طريقة دلالته تعرف أصله وفصله....لا كل هذا تغير ألحين يغطونك بالماي ويطلعونك ناشف وحركات وقصص عشان البيعه والا الشريه هذا يقط ألعاب بالسياره على بنها سيارة سيدة
وهذا ينزل السياره مع سوري او لبناني ويلبسه بدله على اساس سيارة دكتور
والقصه اللي أنا بغبت أطيح فيها بنغالي لابس غتره وعقال ونظاره شمسيه ومطوع يعني ملامحه ماتبين منزل سياره للبيع والدلال يدلل عليها والمطوه ساكت شلك بالطويله انا شفت السياره وراعيها قلت هذي راح تكون من نصيبي لين شفت واحد من الشباب هناك وشافني ازيد سحبني وقالي السالفه والله مصخره

 

[al_ma6rood]

خوش سؤال سأله اخونا عن الحراج
لاني ما ادل مكانه
بس حبيت اسال اقدر افحص السياره قبل لا ازيد ؟

 

[wzer]

اذا ما تعرف للحراج انحشششششششششششششش
اشتر من ربعك بالدوانية او ربعك بالدوام او من الوسيط وليش تروح بعيد هنى بالمنتدى على الاقل تسوق السياره وتفحصها فوق تحت وانت مرتاح وتشترى عن قناعه .
واذا ما حصلت ولازم تروح للحراج دور على خبير بسوالف الحراج واخذه معاك
واذا ما حصلت خبير انصحك تروح للحراج يوميا لمدة شهر واذا دشيت السوق اختر سياراتين تابع بيعتهم شلون تصير وراقب حركة الدلال وانت راح تعرف ليش قلت لك انحششششششششش.

 

[السوق توافيق]

نصيحه لا تروح للحراج مليان هكره ما يخافون الله والنجش عندهم حلال.

انا كويتي وصار لي اكثر من سنه ما دخلته واذا دخلته لعنت الساعه اللي رحت له فيها.

 

[BO-MUBARAK]

حلو وجزاكم الله عنا كل خير

انا اول بمره بالحراج

بس طريقتي بوقف واحرج على سيارتي قريب من الحراج واحط لوحة والسعر اللي ابيه عليها
ورقم التلفون واللي يبي الموتر يسومه واذا شفت السعر جازلي طلبت العربون وهكذا

ومشكورين