5120 نقطه الانطلاقه

[قلنا لكم]

اذا كسر المؤشر حاجز 5120 نقطه
فسيكون بداية الانطلاقه الفعليه للسوق بشكل عام
وستكون 5320نقطه مقاومه بسيطه ويسهل كسرها
المقاومه الشديده ستكون عند 5500
كل هذه التحاليل ستكون من منتصف مايو الى منتص يوليو

 

[أبو مشاري]

اخوي قلنا لكم اشلونك000

ومشكور على الجهد الواضح بس عندي سؤال بسيط وهو00

من وين لك هذا التحليل هل من جريده او من محللين او توقعات هي بس او شنو بالضبط علشان نقدر ناخذ الموضوع والنقاط هذه على محمل الجد اكثر؟

ولك الشكر

 

[bufahad]

قلنا لكم بارك فيك على أي أساس بنيت هذا التحليل

 

[الفهلوي]

اعتقد ان الشارت هو المعيار والحكم


اللون الاخضر هو المقاومة

اللون الأحمر يمثل الدعم

والعلم عند الله سبحانه





.

 

[بشااار]

هذا الشارت قريب من حرف w ويعتبر من أفضل النماذج إذا صدق هذا النموذج فأبشروا بالخير .

لاننسى أنه تكون لنـا قبل فترة نموذج رأس وكتفين وهو واضح بالشارت أو مايسمى هيد آند شلولدرز وهو نموذج سيء للغاية ودائماً يصدق .. وفعلاً هذا ماحصل لسوقنا صحح المؤشر نزولاً من 5350 إلى 4800 تقريباً .

 

[قلنا لكم]

السلام عليكم
اعتقد ان الشارت اللي وضعه الاخ فهلوي يوضح كلامي
بس ممكن فيه بعض الاختلافات البسيطه من حيث الارقام
انا حللت المؤشر بطريقة خاصه فيني انا
وهالطريقة اسميها قراءة افكار الاخرين للمؤشر
تابعت المؤشر من النقطه اللي نزل منها وفيها طبعا فترات ثبات وتذبذب
بناء على ذلك رسمت ملامح التوقع اللي عندي ممكن يصيب وممكن يخيب
لكن اتوقع انه انشالله وبحيل الله راح نشوف سوقنا جيد خلال هالفتره القادمه
مدعوم بنتائج الربع الثاني طبعا ودخول سيوله جديده بعد ان رفع البنك المركزي الدعن على الودائع بالبنوك
والانتهاء من الاكتتاب كل هذي عوامل رفع للسوق