شرايكم بالانفوي ؟

[Maxima]

السلام عليكم ورحمة الله وبركاته
بغيت استشارتكم بالانفوي
قريت اعلان بهبهاني اليوم بالجريدة وكان سعر الانفوي 5995 دينار موديل 2009
شرايكم بالسعر والجودة والاعتمادية
وهل هو 6 سلندر؟
ومشكورين اخواني

 

[rachelsteak]

wella s3r mnaaaaasb
o wayd zain
bs der balk tra kafala bs 60000
aw 3 snen

o 3gb 60000 km etblsh 5rabat 9aaaaa7
es2l mjrb
o y9rf wayd banzen
o yby ynzl shkl yded sna el yaya
hatha shkl mn 2002
jeep ford egde wayd 7lo b 7000 kd 3rdh mswen

 

[Maxima]

rachelsteak
مشكور اخوي ماقصرت

 

[كويتي 777]

يصرف بانزين صح + استعماله زين لابأس فيه .. بس مو مال سفر ثباته موذاك الزود انا كنت مأجره وكان زين معاي بس ما افكر اشتريه

 

[xokx]

حبيب قلبي

اذا انته راح تاخذه اقساط راح تدفع قسطين قسط لسيارتك وقسط بانزين يشرب شرب مو طبيعي
الشي الثاني خله يولي غير ثابت ومشاكله كثيره جدا وفيه تنسيم وديكوراته بسرعه تقرقش عليك

حبيب قلبي
اشتر تويوتا مستعمل برادوا بالسعر هذا ولاتاخذ انفوي راي الشخصي

 

[مساهم11]

انا استعملت اخوه ابن امه وابوه الي هو تريل بليزر
عيبه التشويش ونازل حييييل وكأنك راكب صالون باقل مطب عالي او بالبر راح يعلق
من تشتريه وتفكر تبيعه احسب نص سعره طاح
يشرب بنزين
انا صراحه ما عجبني وتندمت اني شريته وبعد 6 شهور بعته باقل من سعره


نصيحه لك اشتر تويوتا لاند كروزر او برادو وان خذيتهم مستعملين بس سعر ثابت واستعمال قوي

 

[rachelsteak]

9a7 elsank msahem

 

[AL_ESSA]

1- السعر أكثر من ممتاز لأننى شريت 2007 أصفار قبل شهرين تقريبا من الوكالة 5565 دينار كاش وكانوا مسويين عرض

2 - قبل لا تشترى انفوى اشترلك محطة بنزين فالسيارة تشرب بنزين مو طبيعى واذا استفسرت منهم فى الوكالة جوابهم سوف يكون : لا تشغل المكيف ولا تمشى فى الزحمة

3 - السيارة غير ثابتة اطلاقا وكأنك راكب وانيت بس مسكر

4 - تقدر تنزل من عن اى رصيف بس راونى شلون تطلع ( صدقنى الكولت أشرف )

5 - يوجد نوع من البلاستيك الشفاف فوق الديكور الداخلى ( تحصله على الابواب وعند المسجل وفتحة التكييف ) يطلع اذا وقفت السيارة بالشمس
وتراجع الوكالة بالاول يمشورونك شوى وبعدين يطلبون لك القطعة من أمريكا
مع الرفض القاطع انهم يعلمونك عن موعد الوصول
لغاية ما انك تمل وتطيح السيارة من عينك او ان يقضى الله امرا كان مفعولا

6 - انت ونازل من السيارة لازم تاخذلك لسعة كهرباء من الابواب وتسألهم فى الوكالة يقولك انت كهربتك زايدة

7 - السرفس عندهم وايد حلو -- لا ويغسلون لك السيارة بعد

اكتشفت هذا كله والسيارة ماشية 2100 كلم فقط