موضوع للمناقشه

[خدمة الشعب]

السلام عليكم ورحمة الله وبركاته

أخواني الأعضاء أتمنى تفيدوني في شيء مو فاهمه صراحه

الشخص لما يشتري سياره مستعمله ليش يُلزم من طرف البائع بتكاليف الأضافات ؟؟

مثلاً : السياره قيمتها ( 5000 ) وهذا سعرها الطبيعي أنا شعلي من صاحب السياره إذا حاط رنقات أو حمايه أو تأمين ذهبي ؟؟

أنا أقيّم سعر السياره على سعرها بالسوق أن شاءالله الأضافات مكلفه البائع مليون الشاري شنو ذنبه ؟؟

صراحه شيء غريب اللي قاعد أشوفه وفوق هذا أنت تحط سعرك ويرد عليك الأخ يقول أنت شريطي !! ههههههههههههه صراحه شيء يضحك
إذا أنت حاط أضافات لا تلزمني بأضافاتك شيلهم وبيع السياره طبيعيه .

تقبولي تقديري​

 

[صقرالبحر]

يعني سيارة كانت طوس
وحاط لها كيبات نفس الشي ؟
الكشنات كانت مخمل بايخ
وحاط لك جلد شغل عدل
هم نفس الشي

خل شوية عداله

 

[ياتفارق ياتحب]

لاوالله انا الصراحه مع صقر مو شرط في سياره على حطت الوكاله في سيارة لا قاط عليها ومتعوب عليها واخر شي ابيعها نفس العاديه

 

[خدمة الشعب]

صقر البحر - يا تفارق يا تحب

مشكورين على آراءكم وأحترمها

لكن من العداله بعد : أن صاحب السياره مو صاحي ومقصوص عليه من الشق لـ الشق بأكسسوارات تناسب ذوقه الشخصي

و يحاول يبيعا بالسعر اللي ما يدش العقل طيب شنو ذنب الشاري

على العموم لكم الشكر على المشاركه​

 

[Dejavu]

اخالفك الراي عزيزي

السيارة قيمتها ثابته شي صحيح ...

لكن حالة السيارة بالاضافة الى اي شي ثاني مضاف او معمول لها يزيد من سعرها

مو شرط الاكسسوارات

يعني اذا كانت التواير مشلن يديده بتي ... غير تواير كورية مسحكه ... ونفس الشي لباجي الاضافات والكماليات ...

وتبقى المقولة الشهيرة ... بين الشاري والبايع يفتح الله

اهو يحط سعره اغلى من سعر السيارة لان دافع اكثر ... وانت مو مجبور فيها ياخوي

فلوسك عندك وسيارته عنده ...

تحياتي