ابي النصيحة جزاكم الله خير

[Sky-Q8]

بغيت نصيحتكم بخصوص شراء ارض في الفنيطيس شارع واحد السعر 90 الف او انطر مزاد الاسكان علي خيطان وبوحليفه او انطر شوي احصل ارخص وشكرا

 

[وافى الوافى]

الله اعلم اين الخيره ...!!!

ولكن .... لو كنت انا مكانك لانتظرت المزاد اللى يقولون محد راح يدخل فيه الا اصحاب الطلبات

الاسكانيه والذين لهم اولويه با الاسكان .....!!!

على الاقل اذا فعلا حصل المزاد اكيد راح تكون الاراضى ارخص واحتمال بعد يطلع لى موقع طيب

وبسعر طيب ...

عطيتك اللى فى بالى يشهد الله ...

والله يوفقك ان شاء الله

 

[Sky-Q8]

الله يجزاك خير يالوافي ويجعله في ميزان حسانتك والدين نصيحة وناطر باقي الاخوان

 

[i6aLy]

هلا اخوي

اخوي اذا شارع واحد ومو موقع اشوف انها غالية واذا شريت فكر تبيع

انت شوف المنطقه الي تبيها واحسلك بالمستقبل وعسي الله يوفقك

وتحصل الي تبيه

 

[qa111qa]

واللة انصحك تنطر شوي لان العقاار في نزول الحييين

 

[من الكويت]

مــــــــــرور

,,, ووووانا كماااااااااان واللة انصحك تنطر شوي لان العقاار ووووماله بنززززول من مصدر عقارى صاحبي الكلاامن فتره يقووول بعت ارض بالمنقف 160 ألف والحين تكفووون 130 ألف للعلم من فتره يمكن الحين 100ألف ,,,,,,,,, ووزين​

 

[على حمد]

والله امس عندي واحد من الشباب صارله فترة يدور ارض يشتريها في العقيلة او بابو فطيرة وكانت كلها اسعار مشعللة يعني كان على كلامة ..ارض شارع واحد في ابوفطيرة لا يقل سعرها عن 110 او 120 الف ...وكان يائس من الشراء

أمس عاد قاعد يقول رحت لمكتب عقار اسأل عن اراضي بو فطيرة فتفاجأ انها معروضة على 80 الف هذا الشارع واحد ...فشوف مستوى الهبوط من 120 الى 80 وانت احكم والجاي انشاءالله اكثر

لأن حركةالتصحيح اللي طالت الاسهم متجهه بقوة للعقار ...والأيام الجاية ببين كل شي

لأن الأسعار الحالية مبالغ فيها جدا ...

وتقبل تحياتي وبالتوفيق والسداد

 

[fayoona74]

كل اصحاب الخبرة بالعقار ينصحون بالانتظار وعدم الاستعجال لان الاسعار في هبوط والله اعلم واللي يعرف مزاد لبيع اراضي بالعقيلة عن طريق المحكمة يقوللي ومشكورين واذا احد عنده ارض بحدود 75 ألف بالعقيلة هم يقول واذا اقل مانقول لا