عندي مشكلة في هيدروليك الـ bmw

[السوق توافيق]

السلام عليكم ،،،،

اليوم رحت ابدل سفايف الـBMW ورفعوها بجيك التمساح وبعد ما نزلوا الجيك الخلفي ظلت السيارة مرتفعه بالهيدروليك وما نزل الا بعد ما مشيت بشوي وكل ما ركبت السيارة وشغلتها ارتفع مره ثانية وبالطريق تناقز بقوة وبعدين تنزل بشكل طبيعي مع العلم ان المشكلة هذي جديده على السيارة وما اعرف سببها ولا اعرف حلها

يا ليت اذا فيه احد يعرف الحل يفيدنا جزاه الله خير.

للعلم الـ BMW موديل 2003 الحجم 745 LI

تقبلوا تحياتي ،،،

 

[السوق توافيق]

للرفع

 

[560SEL]

هذا إحتمال كبير من كور الزيت اللي تنظم دخول الزيت للهيدروليك والله أعلم

 

[bo7amad-q8]

اخوي صاحب الموضوع حبيت اسالك عن استعمال 745 شنو عيوبه ومشاكله لاني ودي اخذ واحد بس خايف منه ياريت لو تفيدني

ومشكور

 

[السوق توافيق]

هذا إحتمال كبير من كور الزيت اللي تنظم دخول الزيت للهيدروليك والله أعلم

شكرا على الرد ولكن يا ليت احد يعرف الحل ،،،؟

تقبل تحياتي ،،،،

اخوي صاحب الموضوع حبيت اسالك عن استعمال 745 شنو عيوبه ومشاكله لاني ودي اخذ واحد بس خايف منه ياريت لو تفيدني

ومشكور

بالنسبة للسيارة ممتازة جدا ولكن بعض المرات لما اغسل السيارة او بالمطر ينزل ماي من الفتحة على ديكور السقف وتبدا بالخرير داخل السيارة ولما رحت لمحل الزجاج قال ان كثير من هالنوع ينزل ماي من الفتحة ولكن حلها بسيط وهوتبديل ربلات الفتحة ،،، اما بشكل عام فالسيارة ممتازة ،،،، والله اعلم.

تقبل تحياتي ،،،

 

[فهد الشاعر]

شغل نظام معونات الكهرباء اومشي عليها انشالله راح تضبط

 

[السوق توافيق]

شغل نظام معونات الكهرباء اومشي عليها انشالله راح تضبط

لاهنت يا فهد على المشاركة.

تقبل تحياتي ،،،

 

[ناصر فيصل]

المعاونات

المعاونات هذه مشكلة في المرسيدس ايضا بس في زر خاص يرفع السيارة شغلة و طفه مرة مرتين ممكن يكون مشكل لان السيارة تناقز لما يكون المعاون مرفوع و طمنا .

 

[السوق توافيق]

المعاونات هذه مشكلة في المرسيدس ايضا بس في زر خاص يرفع السيارة شغلة و طفه مرة مرتين ممكن يكون مشكل لان السيارة تناقز لما يكون المعاون مرفوع و طمنا .

مشكور يا ناصر على المشاركة ،،،
انا اعرف الزر هذا لكن البي ام الجديد مافيها زر للهيدروليك
اليوم ان شاء الله بروح لكراج بي ام واشوف ويكون خير باذن الله

تقبل تحياتي ،،،

 

[ناصر فيصل]

معاونات

طمنا بالحبيب شنو صار على المعاونات

 

[sahran]

السلام عليكم

أخوي ....السوق توافيق

الهيدروليك عندك مافيه شي إن شاءالله....واتوقع برمجه فقط

أما الفتحه فالمشكله مو من الربلات ....المشكله في فتحات مجرى الماء تكون مسكره من الغبار.....لما تفتح الفتحه طالع من فوق راح تشوف فتحتين صغار على الجوانب حق مجرى الماء.....حاول تنفخ المجرى بهواء مضغوط.......وبالتوفـــــــــــيق

 

[P.Engineer]

السلام عليكم ،،،،

اليوم رحت ابدل سفايف الـbmw ورفعوها بجيك التمساح وبعد ما نزلوا الجيك الخلفي ظلت السيارة مرتفعه بالهيدروليك وما نزل الا بعد ما مشيت بشوي وكل ما ركبت السيارة وشغلتها ارتفع مره ثانية وبالطريق تناقز بقوة وبعدين تنزل بشكل طبيعي مع العلم ان المشكلة هذي جديده على السيارة وما اعرف سببها ولا اعرف حلها

يا ليت اذا فيه احد يعرف الحل يفيدنا جزاه الله خير.

للعلم الـ bmw موديل 2003 الحجم 745 li

تقبلوا تحياتي ،،،

كان المفروض تقولة السيارة هيدروليك علشان ما يرفعها بالتمساح .. وأصلا المفروض الميكانيكي أهو يعرف التمساح تخرب الهيدروليك .. انا عندي سيارة فيها هيدروليك كل ما أبي اغسلها أقولها فيها هيدروليك يرفعها بالجهاز الثاني ..