الاوسط برو

[mn7ash]

نظام التداول على الانترنت

بصراحة شفتة عند واحد من الربع يداول وهو في مكتبة

سرعة واللة احسن من السوق الى عنده معلومات اكثر يقول وكون له شاكر

 

[خوش ولد]

الاوسط برو حق الي عندة مبلغ كبير ومخصصة فقط للمضاربة اليومية لكن اذا انت تضارب بشكل اسبوعي او شهري اي استثمار متوسط او طويل ما يحتاج انك تستخدم اوسط برو

 

[شاريه]

ياخوان منو جرب الوسط في البيع والشراء وليس العرض .
السؤال الاول هل البيع او الشراء نفس الوقت ؟

السؤال الثاني علل
كم نسبة عمولة الوسط في البيع او الشراء ؟

السؤال الثالث ضع علامة × عن الاجواب الصحيح

ههههههههه واشكركم على الرد

 

[boalons]

انا من مده سائلهم بس الي اذكره 5 دنانير عموله شراء وبيع غير عموله المقاصه

و20 دينار بالشهر اشتراك

هذا من الذاكره ان شاء الله ما اكون غلطان

 

[الريان]

العموله
ياخذون دينارين ونص لكل عموله


ثانيا التوقيت مباشر على طول الاوامر

 

[قلنا لكم]

في فرق بين تداول الاوسط والوسط برو
الاوسط برو برنامج يعطيك الصفقات لحظه بلحظه
وهذا البرنامج اشتراكه 20 دينار بالشهر
لكن من وجهة نظري الاشتراك فقط بالاوسط زين لانه
تبيع وتشتري تقريبا فرق 5 ثواني فقط
عمولة البيع والشراء 5 دنانير
يعني تشتري 2.5 وتبيع 2.5
ومناسب جدا للي مايقدر يروح البورصه الصبح

 

[المجازف]

أخذو الكلام الأكيد

الاوسط برو برنامج من ذهب لاتروح البورصة وتبتلش بسيارتك وين تصفطها ولا يكلمك الدلال بنفس خايسة والا يقول لحظة معاي خط وانت على اعصابك واقف ولايحتاج تتصل تلفون ويطلع مشغول والا الدلال يطلع بأجازه وترجى غيره وللعلم اسم الشركه اللي يطلع بشريط الصفقات اول حرف يبدا بالطهور بالبورصة بنفس اللحظة يكون على شريط الاوسط برو وانا بالتلفون مع واحد من الربع بالسوق وتأكدت من هالشي وتنفيذ الصفقه بيع والا شرا ينطر منك الظغط علي enter علشان ينفذ لك الصفقه بشكل فوري سواء كانت بيع والا شراء او الغاء امر او تعديله واول شهر اشراك مجاني وبعدين كل شهر 20 دينار والعموله فعلا عن كل صفقه دينارين ونص بالأضافه الى عمولة السوق الي هي قيمة الصفقة مضروبة بـ .00125 بالاضافة الي البونات وانا انصح الاخوه بالاوسط برو وللعلم انه أمااااااان مية بالمية والله يوفق الجميع

 

[mn7ash]

خلاص انا بروح اشترك وقولكم عن الشركة وشلون الشغل بالكميوتر

 

[عجيب]

افتح حساب و لا تتردد

لا تتردد يا أخوي و روح اشترك ، صراحة وايد امريحينك على 2.5 بس ، لا اتروح تستلم شيك او أتسلم شيك ......وأنت قاعد ابمكانك و بالدوام او بالبيت او حتى و انت مسافر سياحة تقدر تشتغل بالبورصة ..........كل هذا ب2.5 يبى عليهم بالعافية

و أتمنى في المستقبل تكون هناك شركات غير الأوسط للتداول الإلكتروني علشان يصير تنافس و تنزل العمولة و تصيير الخدمة فوق الممتاز

 

[المستشـــــــار]

بصراحه برنامج رااااااااااااااااااائع ،،، وأنا من المتداولين عن طريق الأوسط برو

والأسبوعين الماضيين كنت في بيروت ويوميا أروح لمكتب الأنترنت أبيع وأشتري عن طريق الأوسط ،،، وكأني موجود بالبروصه ...

ونفس الشيء ... طلعت من بيروت لسوريا للأردن ... وبكل بلد أدخل لمحلات الأنترنت وأبيع وأشتري عن طريق برنامجهم الرائع ...


بصراحه مرتاااااااااااااااااااااااااااااح آخر راحه ...

وموقع الشركه /

البنك العقاري " خلف الماكدونالز اللي مقابل عمارة السيارات " الدور العاشر .

لمعلومات أكثر :
WWW.alawsat.com

والشركه أمااااااااااااااااااااااااااااااان ،،، والدليل لها أسهم تتداول بالبورصة ،،، وأفضل مليون مره من المكاتب والذهاب للبورصه لأن هذه الطرق أصبحت طرق جدا
" بدائيه " ...


تمنياتي للجميع بالتوفيق ،،،

 

[ابودانه]

تكملت معلومات

يعطيكم العافيه علي المعلومات
حبيت اتأكد هو بنك الكويت والشرق الاوسط (الاوسط برو)
وهل يجب ان يكون حسابك عليه

وهل يوجد عموله غير عموله البيع والشراء 2.5 2.5 وعموله المقاصه 500

وهل الراتب شرط يكون عليهم

شاكرلكم مشاركاتكم الطيبه

اسمحولي كثرت عليكم الاساله

 

[عجيب]

الأوسط

بودانة......هذي شركة الكويت والشرق الاوسط الإستثمارية و مدرجة في سوق الكويت للأوراق المالية و ما عليك إلا انك نملي طلب لتفتحلك حساب و طبعا ليس له علاقة بالبنك ، و العمولة هي بس إلي تفضلت و ذكرتها انت 2.5 شراء 2.5 بيع 0.5 دينار البون و عمولة السوق 1.250 لكل ألف و بحد ادنى 5 دنانير
و موقعهم هو www.alawsat.com

رقمهم 2245129 - 2245130 - 2245131 2245099

اخوك ............ عجيب

 

[المستشـــــــار]

يعطيكم العافيه علي المعلومات

حبيت اتأكد هو بنك الكويت والشرق الاوسط (الاوسط برو)

لا يختلف .


الأول هو : بنك الكويت والشرق الأوسط (ش.م.ك)‏

والثاني هو : شركة الكويت والشرق الأوسط للاستثمار المالي (ش.م.ك.مقفلة)‏وهل يجب ان يكون حسابك عليه

ماله شغل الحساب ،،،


1- انت في البدايه تفتح ملف عندهم ( صورة بطاقتك المدنية + بطاقة السحب الآلي لبنكك ) ...
ياخذون صورة بطاقة السحب الآلي لحسابك علشان لما تحب تحول فلوس من حسابك بالمحفظه لحسابك في البنك تدخل عن طريق صفحتهم بالنت وتحول المبلغ لحسابك بالبنك ... وتروح تسحب ببطاقة السحب الآلي وانت مرتاح ...

وعلشان ترتاح أكثر افتح حساب خااااااااااااااااااااااااص بس للبورصه .. يعني غير حساب الراتب ...اذا كنت موظف ...علشان لا يختلط الحابل بالنابل ...

2- تحط فلوسك بايداع بحساب الشركة .

والشركه لها حساب بجميع البنوك ،،، تسوي ايداع بحسابهم وتجيب لهم الوصل ،،،


وهل يوجد عموله غير عموله البيع والشراء 2.5 2.5 وعموله المقاصه 500

أول شهر مجانا ومن الشهر الثاني يبدأ الاشتراك 20 دينار شهريا ...

وهل الراتب شرط يكون عليهم

الراتب ماله شغل نهائيا ...


شاكرلكم مشاركاتكم الطيبه

اسمحولي كثرت عليكم الاساله

حاضرين وبخدمتك ...

 

[ابودانه]

مشكورين

مشكورين وايد علي الرد (عجيب) وشكر خاص (المستشار) وخطه الحلو



الله يوفقكم



وتحياتي لكم

 

[mn7ash]

شي عجيب انتر كل شي بيدك

 

[ربحت]

الحقيقه خدمة الاوسط برو فوق الممتازه بس فيه مشكله وحده وهى اذا حاولة الاتصال فى خدمة العملاء وخاصه اذا هنق الجهاز محد يرد عليك او يلطعونك شويه ...بس اجمالا انصح الجميع الاشتراك فيها وانا عن نفسى مشترك من حوالى 3 شهور