استفسار بسيط يا إخووووووان ... ! شهادة الدبلوم

[مـضـاررب 2007]

السلام عليكم ورحمة الله وبرركاته .. انا ادرس تخصص محاسبه

بالتطبيقي ؟ وابي اتخرج هالسنه بأذن الله تعالى

لاكن ابي اسألكم اذا اخذت الدبلوم ودخلت الجامعه كم سنه تكون الدراسه

يعني 4 سنوات ادرس وانا معاي دبلوم ولا لا

وشنو رايكم بتخصص المحاسبه ..

ولكم جزيل الشكر والامتنان

 

[بوخالد2009]

تخصصك زين ومطلوب وبامكانك تكمل عليه سنتين داخل الكويت او مصر والاردن وموفق الان ومستقبلا

 

[ali5225]

يعني اذا خلص الدبلوم يكمل سنتين بمصر ويدق البكالريووس ولا شلوون

 

[بو حسن22]

اخ علي في ناس يسون هالشي انهم ياخذون دبلوم من الكويت ويكمل سنتين بي دوله برا مصر ولا الاردن ولا البحرين وتكون معاهم بكالوريس

شكرا.

 

[بو حسن22]

الله يعينك ع ردود الغبيه طبعا اعقب ع كلام بوخالد جزاه الله خير..

انا تخصص محاسبه ادرس حاليا انا اقولك شنو افيد لك طال عمرك تدل ديوان خدمة الموظفين تروحله وتقول انا عندي دبلوم اي وزاره تقبلني برد عليك بيقول كل الوزارات ترد مره ثانيه ونقولك تنطر دور مع هالعالم

تبي الزين تكمل عليها بكالربوس انا واحد من ربع كمل عليها اسبوعين بالديوان وتوظف دقق على كلمة اسبوعين - لما قدم على الديوان قالوله قدامك 30 اسبوعين ودقة عليه احد الوزارات وقالته في ترشيح لك بالوزاره تبي حياك اتمنى اني فدتك

 

[بو حسن22]

سؤال ذكي

يعني اذا خلص الدبلوم يكمل سنتين بمصر ويدق البكالريووس ولا شلوون

انا ابي افهم شهذكاء مشالله عليك سؤال صعب وفيه بنفس الوقت الجواب صباح الخير شنقول من اليوم ...

 

[شاب محترم]

انا كان لي صاحب .. كان خريج تطبيقي تخصص محاسبة ..

راح مصر - جامعة المعادي .. على حسابه ..

بس الي اذكره انه لما راح مصر ..



عادلوا له سنه وحدة بس من التطبيقي ..

ودرس 3 سنين بمصر

واخذ البكالريوس من جامعة المعادي



هالكلام طبعا من جم سنه ..

ما ادري اذا لليلحين نفس النظام ..

لانه سمعت ان بعض الجامعات بمصر لغو الاعتراف فيها ..



ان شاء الله الاخوان الاكثر خبرة يفيدونك بالموضوع ..

ولو تروح تسال وزارة التعليم العالي بالمنطقة الحرة - قسم طلبه مصر .. يكون افضل

بالتوفيق .. تحياتي​

 

[فارس الكويت]

دراسة بكالريووس محاسبة بعد الدبلوم

في
الاردن سنتين
في
مصر ثلاث سنوات
في البحرين
سنتين ونص او ثلاث سنوات
في بريطانيا
سنتين
في امريكا
سنتين

للعلم امريكا وبريطانيا اللغة مطلوبه

والبحرين مكلفه
والاردن المعيشة غالية والتكاليف ايضا

مصر اهون الموجود

والمعلومات اكييده مية بالمية

 

[بوعمر2]

السلام عليكم ورحمة الله وبرركاته .. انا ادرس تخصص محاسبه

بالتطبيقي ؟ وابي اتخرج هالسنه بأذن الله تعالى

لاكن ابي اسألكم اذا اخذت الدبلوم ودخلت الجامعه كم سنه تكون الدراسه

يعني 4 سنوات ادرس وانا معاي دبلوم ولا لا

وشنو رايكم بتخصص المحاسبه ..

ولكم جزيل الشكر والامتنان

السلام عليكم..

تقدر تخلص الجامعه في الاردن خلال سنتين طبعا يعادلون 45 وحده من الدبلوم مالك....واذا تبي افيدك عن الاردن انا حاضر..راسلني عالخاص

 

[الحررر]

السلام عليكم


أخواني اذا احد يعرف جامعة في أمريكا تعادل بشكل كبير دبلوم المحاسبة ياليت يذكر اسم الجامعة وكم عادلت الموضوع مهم


وبارك الله فيكم

 

[الحاجب المنصور]

اخوي فارس الكويت


للمعلومة فقط ...


حسب ما سمعت من اكثر من جهة ومن أشخاص مجربين الموضوع ..
انه اي واحد متخرج من التطبيقي عنده دبلوم يقدر يقدم على بريطانيا لمدة سنة وحده وياخذ البكلريوس ...

وإذا تبي تتاكد أكثر أخو دش موقع اتحاد طلبة المويت فرع بريطانيا وإسألهم يفيدونك بكل شي ..



وعلى فكرة القرار مو من زمان ... صارله بوسنتين اتوقع ^_^ ..



وبالتوفيج ان شاء الله ..