الفاهم يفهمنا

[q81963]

مساكم الله بالخير ياشباب عندي استفسار
1-اذا شريت سياره من السعوديه يسجلونها باسمي وانا كويتي .
2- اذا سجلوها يصير استعملها بالسعوديه والكويت بدون مااغير اللوحات .
3-اذا يصير شلون بالنسبه للتامين هل اروح الخفجي سنويا عشان التامين .
4- واذا بغيت ابيع بعدين لازم اروح السعوديه وهل لازم المشتري معاي .

ومشكورين مقدماُ

 

[q81963]

السلام عليكم

 

[LS1]

السلام عليكم

1-يسجلونها بأسمك .... بس اذا ماتعرف احد اهناك ... راح ايدوخونك ... يبون واحد يكفلك سعودي

وجيب اورقه من المختار انك ساكن عندهم .... بس اذا اتعرف احد يخلصك

2- يصير تستعملها في جميع الدول

3- اذا سيارة جديدة ... يعطونك 3 سنوات مثل الكويت ... واذا شريت من السعوديه

وجيت الكويت .... اول مادش الجوازات روح سو تأمين مدة سنة ... ضد الغير في الكويت

وموترك سعودي .... وحتى اذا انتهى دفترك السعودي وانت في الكويت والتأمين الكويتي

مازال ساري المفعول .. مافي مشكلة انك تقعد في الكويت

4- على حسب الاتفاق ... اذا يبي السيارة سعوديه روح حولها في الخفجي

بس الاحسن ... جيبها تصدير من اهناك وحولها كويتي ... اذا كنت تبي تبيع

معلومه :

اذا السيارة جديدة صدرها من اهناك ... وخلهم يعطونك اوراق المقاصه علشان ماتدفع

ضريبه في الكويت .. واذا مستعمله حاول كثر ماتقدر اتجيب اوراق المقاصه ... يمكن

تدفع 140 دينار كويتي .... طبعا انا اتكلم اذا الموتر يسوى فوق العشرة


ملاحظه : يجوز كلامي كله غلط ... بس هذا الي انا اعرفه .... يمكن غيرو قوانينهم

 

[q81963]

الله يعطيك العافيه ls1 الحين الدفتر ينتهي بعد عندهم
وجم اقصى مده اقدر اجدده

 

[LS1]

اخوي مر مكتب الدالي .... الي بالسالمية اهو يفيدك اكثر مني

الان يجيب من السعودية ... مر عليه اهو مايقصر

مكانه عند دوار الشيوخ

 

[hard]

نصيحه خلها سعوديه عشان المخالفات والكاميرات ماتوصل
وتقبل مروري

 

[q81963]

مشكورين على الافاده

 

[Camaro]

انا شريت سياره سعوديه وطبعا التحويل ماتروح المرور يتم بمكتب السيارات وبالخفجي هالحجي في مندوب يخلصلك اوراقك كلها ويروح عنك المرور والبلديه واذا لوحات السياره قديمه يبدللك اياها ياخذ 100 ريال عمولته غير الرسوم تقريبا 250 او اقل وكانت السياره مستعمله ومديلها 98 والتامين عندهم كل 3 سنوات حتى السيايير القديمه عادي وبدون كفيل وبدون لاتروح المرور ولا شي ولاتنسى السياره لها دفترين حافظ عليهم لأن مره ضاع مني واحد وصارت مشكله واول ماتدش الكويت سولك تأمين سنه ب 19 دينار وخل الورقه عندك واستمتع سفر رايح راد وكل يوم مندي بالحفر وبخاري بالخفجي

 

[الدينار الخليجي]

نصيحه خلها سعوديه عشان المخالفات والكاميرات ماتوصل
وتقبل مروري

وحياتك ليخالفونك عالرخصه ............................

 

[Confused]

اي رخصه يابو الشباب .. يقولك لوحه السياره سعوديه ..

اذا كانت المخالفات مباشره .. راح تكون عالرخصه يا استاذي العزيز ..

وتقبلوا مروري الخفيف

 

[alfares]

اي رخصه يابو الشباب .. يقولك لوحه السياره سعوديه ..

اذا كانت المخالفات مباشره .. راح تكون عالرخصه يا استاذي العزيز ..

وتقبلوا مروري الخفيف

يا ابو الشباب ليش ما سمعت في شيء اسمه المجلس الاعلى للمرور قسم دول مجلس التعاون اذا ما تدري روح الى مرور العاصمه الدور الاول وهم يقولون لك شلون يجيبونك لانه السياره بأسمك بعد الاستفسار من الجهات المعنيه في السعوديه ( المرور ) عن مالك المركبه
وتقبل مخالفاتي اسف اقصد مروري

 

[الدوسري33]

يا ابو الشباب ليش ما سمعت في شيء اسمه المجلس الاعلى للمرور قسم دول مجلس التعاون اذا ما تدري روح الى مرور العاصمه الدور الاول وهم يقولون لك شلون يجيبونك لانه السياره بأسمك بعد الاستفسار من الجهات المعنيه في السعوديه ( المرور ) عن مالك المركبه
وتقبل مخالفاتي اسف اقصد مروري

صحيح كلامك يالغالي وأنا سعودي ووصلتني بعد فتره مخالفات أكتشفت أنها من الكويت والأمارات بس تتأخر ألين توصل لسستم بلدك بس مع الوقت راح تتفاجأ فيها مثل ما صار معي .

 

[مستثمر صغيرون]

المخالفات توصل بس يبيلها وقت
اذا ممكن المكتب اللي بالخفجي او رقم تلفونه
لاني بعت سياره سعودي وماني عارف شلون احولها