الموضوع : كسر سوق السياره

[ابو_نايف]

يا جماعه والله فيه ناس تكسر بسعر المواتر
والناس الي تسوم اقل الاسعار
ترا احنا نعرف الاسعار ونعرف السوق ونشتري ونبيع
لكن ياجماعه اشوفلي مثل سياره تسوى الف دينار اهنيه تنسام بميتين دينار ولازم تحطون ضوابط
وانا اطالب المراقبين وصاحب المنتدى انه يحط ضوابط علي هالاشياء
واطالب ايضا بشده المراقبين يجيكون علي الناس الي عندهم نكين ويزودون علي السياره ومايعرف بيع النجش شنو
وتقبلو مني فائق الاحترام والتقدير
اخوكم :ابو نايف

 

[al.jamly91]

اخوى بو نايف
حتى اللى يبى يبيع سياره اذا كانت السياره تسوى الف يعرضها ب2000 دينار
على باله اللى بالمنتدى مغفلين
نبى نحط ضوابط على البايع والمشترى على شان الكل يستفيد
شكرا على موضوعك

 

[السبيطي]

بين البايع والشاري يفتح الله
وخل الوضع كما هو والسيارة عند البايع والفلوس بجيب المشتري والفحص الفيصل

 

[حمود الفشقه]

فقط اقتراح
تحديد مده معينه اسبوع مثلآ ويقفل الموضوع
لتكون جديه للبائع والشاري.

 

[الخليفه]

علم نفسك يابو نايف انت اكبر شريطي بالمنتدى..؟ فورد ماركيز موديل 98 قيمته بالسوق مو اقل من 1000 دينار وجايني تسومه مني بـ 700 دينار ؟ انت حط ضوابط على نفسك قبل لاتحط على الناس

 

[LS1]

في ناس يحطون اعلان بيع سيارة من غير صور ولا اي ضمانات

ويبي سعرها فوق ... مايصير

الناس لما اتسوم اتحسب احساب كلشي .... مثلا يمكن يبيلها تواير ... يمكن تصفيه

يمكن يبيلها تضبيط هيئة ... وغير ان يبي يسترزق الله فيها .... يعني اكيد ابياخذها

غير سعر السوق

وبعدين انا اقترح ان الموضوع لازم لازم ينحط له وقت .... مثلا 3 ايام من نزول الموضوع

مع وجود صور للسيارة ....

 

[العساف7777]

وليش الواحد يزعل لمى يكسرون بسلعته حط سعرك واخلص او حط على السوم ولا تزعل السوم يبدا من دينار ويوصل 100 للشراي

المشكله اللي يحط سعر ويقول انسامة بسعر خيالي او يدش بنكين وويوصل سلعته سعر خيالي


تقبل تحياتي