هل تكفي 70 الف لبناء ثلاث ادوار ؟؟

[طارق55]

السلام عليكم

عندي ارض .. وأفكر أسويها ثلاث ادوار بمساحه 1050 مساحه اجماليه .. وبشطب تشطيب عادي .. لاهو تجاري ولاشئ ولكن عادي .. بدون مبالغه يعني .. السؤال هل تكفي ال70 الف لبناء ثلاث ادوار ؟؟ لاني بصراحه ماأبي الجأ للبنوك الربويه وأسكن نفسي وأهلي بأموال الربا ..

هل من مشاركه وخاصه من الخبراء ؟؟ جزاكم الله خير مقدما ,,,, ​

 

[louzany]

الله يوفقك

والله ولد عمي اذا تبي افيدك الوالد عنده شركة تجاره عامة ومقاولات وفيه بناء وهسوالف ااذا تبي رقم الشركة ويدزلك المقاول تتفق معاه ويدرس كل شي حاضرين للطيبين

 

[KUWAIT- STOCK]

انا مانى مهندس ولكن 70000/1050=66دينار للمتر المربع
صعبة وايد و انت وايد بانى 1050 متر مساحة كبيرة حيل الا اذا بتسولى اجار ؟ هذا شي ثانى

 

[kwt.to.kwt]

ما تكفي
يا دوبك دورين ونص تشطيب عادي
لاتنس المبلغ 67000 فقط
2000 للأرض
1000 للكهرباء

 

[FLOOD]

اخوى

متعارف بالسوق ان المتر المسطح المبنى على التشطيب يكلف مابين 100 الى 120 دينار على المفتاح

وانت عندك 1050 مسطح بنىاء لو افترضنا انك بتشطب تشطيب عادى 100 * 1050 = 105 الف زايد ناقص شى بسيط و ماسك نفسك بالتشطيب بدون فخفخه

عاد انت احسبها و شوف طاقتك وخلك بالسليم

 

[kuwait25]

مرحبا اخوي طارق
انا بنصحك نصيحة واتمنى من رب العالمين انه يوفقك


خلك معاي خطوه خطوه وحاول تفهمني


طبعا انت عندك مبلغ معين اول شي تبحث عن ارخص شي بالمتر يعني مثلا خلنا نقول انك وجد احد يسويلك المتر 95 دينار

تقسم 70000 على قيمة المتر يطلع معاك مثلا 70000 \ 95 = 736 متر

يعني انت تقدر تبني مساحة 736 متر والباقي من المساحة ممكن انك تخليها حوش للبيت ولما يرزقق الله بفلوس تكمل وتبني الحوش ويكون تصميمك جاهز يعني تحط في بالك انك تضيف البنيان بعد سنه او سنتين او ثلاث على حسب الوقت المناسب تكمل البنيان

واعتقد هذي افضل طريقة لك انك ماتاخذ من البنوك الربوية والله يبعدنا عنها


اتمنى انه كلامي واضح

 

[KUWAIT- STOCK]

عاد تصدقون يا جماعة ما شفت بيت كويتى بانيية عدل الكل فينا يبنى حق الناس و ما يبنى حق عمرة الدور الارضى فى جميع البيوت يتكون ( استقبال و قاعات طعام و صالات استقبال متنوعة) تكلفة عالية جدا و غير مستخدم من سنة لى سنة و راحت مساحة دور من البيت و الدور الاول الوحيد المستخدم ولا يوجد حوش ولا حديقة والله ان طريقتنا غلط بغلط

 

[VISION]

على طاري البنيان

ياجماعه جم يكلف بناء دور ثالث

للعلم بيتي دورين مساحه البيت 400 م

 

[مقاول بناء]

السلام عليكم

عندي ارض .. وأفكر أسويها ثلاث ادوار بمساحه 1050 مساحه اجماليه .. وبشطب تشطيب عادي .. لاهو تجاري ولاشئ ولكن عادي .. بدون مبالغه يعني .. السؤال هل تكفي ال70 الف لبناء ثلاث ادوار ؟؟ لاني بصراحه ماأبي الجأ للبنوك الربويه وأسكن نفسي وأهلي بأموال الربا ..

هل من مشاركه وخاصه من الخبراء ؟؟ جزاكم الله خير مقدما ,,,, ​

هلا اخوي انا مقاول بناء والله 70000 مايكفو لانو المتر المربع المتوسط يكلف من 90الى 100 حسب المخطط وانا ايد راي احد الاخوه انك تبني على قد فلوسك وتخلي الباقي بعدين تلحقو عندما يتحسن الحال

واذا احتجت خدمه اتصل بي على الرقم 99536718

 

[ناصر فيصل]

بناء

اخذ مرابحة وكمل المبلغ

 

[بيبلوس]

شركة تبنى لك 3 ادوار الدواوين والصالات سوبر ديلوكس وغرقة النوم الرئيسية ايضا والباقى عادى بسعر 63 الف دينار والتكييف والاصنصير عليك يعنى كلة 74 اذا تبى رقمهم ادزة للك

 

[الحريه وطن]

الله كريم

 

[BO-MUBARAK]

شركة تبنى لك 3 ادوار الدواوين والصالات سوبر ديلوكس وغرقة النوم الرئيسية ايضا والباقى عادى بسعر 63 الف دينار والتكييف والاصنصير عليك يعنى كلة 74 اذا تبى رقمهم ادزة للك

بارك الله فيك اخوي ممكن تعطيني رقمهم ياخي نبي هالشركه لاني عندي نفس مشكله الاخ
وما ابي مقاولين يبني ربع دور وبعدين دور عليه بسوريا ويعلقك لا تقدر تكمل بنيان ولا شي

بارك الله فيك نبي الرقم اذا تكرمت على الخاص

 

[طارق55]

السلام عليكم

ماشاء الله ردود تفتح النفس ..

الاخ louzany ماقصرت يالطيب .. لكن والله عندي مقاولين .. اثنين حاطهم استاند باي .. بس اخلص من الخريطه .. وراح اعرضها عليهم .. لاخلا ولاعدم ..

------------------------

الاخ KUWAIT- STOCK

لاوالله ياخوي .. ماهي كبيره هذه النسبه المعقوله عندي اولاد .. وبعد فتره راح أأمن لهم شقق عندي .. أنت شايف اسعار الاجار هالايام ؟؟ وين يروحون بعدين .. مجبر اخاك لابطل ..

-------------------

الاخوه الافاضل الاعزاء سأرد عليكم فردا فردا .. قاتل الله العجله ..

 

[مقاول بناء]

الله يسامحك اخوي

بارك الله فيك اخوي ممكن تعطيني رقمهم ياخي نبي هالشركه لاني عندي نفس مشكله الاخ
وما ابي مقاولين يبني ربع دور وبعدين دور عليه بسوريا ويعلقك لا تقدر تكمل بنيان ولا شي

بارك الله فيك نبي الرقم اذا تكرمت على الخاص

والله ما مرى كذبت على حد والله شاهد علي
واصلا شغل المقاول با التقسيط يعني ما يقدر يا خذ دفعه الى يصب الدور
............................الله هو الرزاق ...........................................

 

[ku_ambassador]

السلام عليكم أخوى أنا أنصحك لا تبلش وتتوهق ماشاء الله بنيانك وايد كبير الأسود وصحى وكهرباء راح يكلف حروت ال 50 ألف دينار طبعا قابل للزيادة وبعدين خل نكون واقعين هذا البيت بتسكن فيه مو حق إستثمار علشان تقول ببنيه بنيان عادى لابد بتحط شى زين وعليك الحسبة شى يجر شى بإختصار مثل بيتك راح إكلفك فوق ال 120 ألف وشرط هم راح تحط بعض الشغلات عادية إنت منت مقتنع فيها كلامى هذا قلته حق أخوى قبلك وقالى إنت تبالغ وما عندك سالفة وألحين كل ماإشوفنى إقولى والله إنك صدقت يوم قلت لى إن بيتك بطوف ال 120 ألف وبنيانه أصغر من بنيانك بوايد 3 أدوار بس وتقبل تحياتى

 

[طارق55]

السلام عليكم

الاخوه الاعزاء سأرد عليكم فردا فردا .. ولكن في البدايه عندي اخي الصغير .. بني بيته في غرب الجليب من سنتين ويقول لي تقدر تبني البيت بهذا المبلغ .. ولكن في البدايه عليك دفع دفعات للتكييف من الحين ( الان ) علشان لالاتوهق بتسديد المبلغ كامل بعدين ويكون ( ثقيل ) عليك بعدين ..

الصديق الاخر قال لي وهو الان يبني البيت ولم يدخل بالتشطيب .. يقول لي ستكفيك ال 70 الف ان احسنت التصرف .. قلت له نصحوني بأن المبلغ لن يكفي قال : أسألهم كم منهم بني بيتا قبل ان ينصحوك ؟؟ كل الامر هو كلام نظري ولم يجربوا بأنفسهم .. في الحقيقه أن متردد الي الان مابين الاراء المختلفه ..

-----------------------

الاخ بيبلوس

أي والله .. أبعث رقم الشركه الي تقول عنها لي بالخاص لاهنت .. أو حطها اهنيه مافي مشكله ولكن هل جربتهم انت ؟؟ أو أحد معارفك ؟؟

 

[طارق55]

الاخ بيبلوس

أي والله .. أبعث رقم الشركه الي تقول عنها لي بالخاص لاهنت .. أو حطها اهنيه مافي مشكله ولكن هل جربتهم انت ؟؟ أو أحد معارفك ؟؟

===========

الاخوه الاعزاء .. هل بنيتم أنتوا بنفسكم .. أو احد معارفكم .. للتأكيد فقط لاغير وشاكر نصائحكم الغاليه

 

[بوحمود1]

اخوى انا نفس حالتك بالضبط وامس رحت مكتبين مقاولات واخذها من اخوك اذا عندك بس 70

حدك دورين ،، حتى دورين ونص وايد اما 3 ادوار تكلفته تطلع عليك بحدود 100 الى 105 وهذا طبعا غير التأثيث لكن انت اعمل

تخطيط حق البيت 3 ادوار وابنى دورين وان الله رزقك ابنى دور ثالث والاساس عندك يتحمل وكلام الشباب صحيح وانا عندى

نسيبى بنى ثلاث ادوار والبنيان متوسط لاهو غالى ولارخيص طلع عليه مع التأثيث 115 ،، عندك هالمبلغ ابنى ثلاثة ادوار

ولاتحاتى اما اذا ماعندك لاتوهق نفسك

وهذى نصيحة اخو لى ولك ولكل واحد يبى يبنى والله يعيننا على البنيان

 

[الدينار]

أخوى مثل ماقال الأخوان مساحة المسطح عندك كثيرة ولا تعب نفسك ماراح تقدر تبنى 3 أدوار فى 70 ألف أخذها نصيحه منى أنا بيتى تونى داخل التشطيب ومسطح البناء 750 دورين ونصف مصعد وقاعد أكلم نفسى تقول 3 أدوار أستريح طال عمرك

شوف أخوى عشان أفيدك أكثر كلفنى :

حديد 45 ونصف طن
خرسانه جاهزه 455 متر مكعب
طابوق أسود 16400 طابوقه طبعا قياسات متعدده
طابوق هيبل أبيض غسا ن الخالد بحدود 52 متر

أخوى اللى يقولك وفر فى الهيكل الأسود مع أحترامى مايفهم شئ أهم شئ الهيكل الانشائى والصحى والكهربائى أتعب على الزين الباقى التشطيب مفتاحه بيدك وشئ يرجعلك وفى ملاحظه مهمه أهم شئ أختيار المقاول الصح وسأل عن شغله وعاين ولا تستعجل بكتابة العقد وتأكد عند الأتفاق نوع الخشب المستخدم جديد أو قديم وحط بند التأخير الجزائى يعنى من 30 الى 50 دينار بشرط لا تتجاوز 10 % من قيمة العقد الاجمالى وأرجع أنصحك وأقولك ( صحيح تقدر تبنى 3 أدوار أسود لكن اذا أنت شاطر شطب وشوف لا تورط نفسك أخوى اذا ماعندك أبنى على قدك
واذا تبى أى استفسار أنا بالخدمه