تكفوون فزززعتكم يا النشاما اسفتسار بسيط .

[ali5225]

السلام عليكم ورحمة الله وبركاته . اتمنى ان الجميع يكون بدوام الصحه والعافيه

يا جماعه انا توني مخلص الثانويه وعمري 20 سنه

واستفسار هو :

هل لو اقدم على الديوان يقبلني مثلا بوزارة العدل او الكهرباء او اي وزارة

ثانيه ؟ حتى لو اجيب واسطه مو مشكله ؟

وشنو رايكم تنصحوني اقدم على الديوان ولا اروح للعسكريه ؟

لاني صرراحه مليت من الدراسه وابي اتوظف

ولكم جزيل الشكر والامتنان اخوكم / علي

 

[جي جي]

اخووي الديوان له شروط للتوظيف يا يكون عندك شهادة دبلوم بعد الثانويه او متزوج او عمرك فووق 25 سنه ... فا انته ما تقدر تتوظف لانك توك متخرج و ما معاك دبلوم .. اذا كنت متزوج او مملج تقدر تتوظف .. و صدقني يا اخووي كل الاماكن فييه واسطات بالكويت الاه ديوان الخدمه تنطر دورك و الواسطه تقدر تحط بالوزاره اللي تبيه بس الدور صعبه تغيره عرفت اخووي و اي استفسار ثاني انا حاضر و اتمنه اني وضحتلك بما فيه الكفايه

 

[ناصر فيصل]

تعيين

خذ دورة سنتين تطبيقي ترفعك درجتين و تعدل وضعك افضل .

 

[أبوفلان]

والله بوحسن نصيحتي كمل دراستك باجر ماينفعك غير شهادتك

يبا إدخل الجامعه كلش كلش التطبيقي كمل سنتين تكنولوجيا وبعدين روح مصر إخذ الهندسة بسنتين ونص وتصير مهندس أد الدنيا

والله ترا معاش الي عنده ثانوي حتى لو دبلوم مايوكل عيييش شوفلك شهاد أحسنل وخل عنك الربع والطلعات وأبي فلوس من الحين ترا محد راح ينفعك

 

[bahry_y]

السلاام ...
على سالفه الديواان والله انصدمت صج لانه كل مكان بالكوييت فيه واسطاات وانا من فتره قدمت بالديوان كل مارووح واسطه يقولي اله الديواان تنطردورك تنطر دورك بس الواسطه تفيد باي وزاره يقطونك بس ..

ونصيحتي لك اخووي كمل دراستك لاتندم بعديين وانا دشييت معهد 3 سنيين وطافوو وولاحسييت فيهم والحين انشاءالله بيرفعوون الاعانه يعني اكيد بتكفييك انشاءالله الاعانه

 

[بترولي نشط]

نصيحتي كمل دراستك

و إذا كلش منت قادر ومالك خلق

دش العسكريه بس ها لازم تكمل عقب ما تتوظف وتستقر بدوامك

اخذلك تفرغ دراسي وكمل برا

وعسي الله يوفقك إنشالله

 

[حمود الفشقه]

نصحوك الاخوان
وكفوا ووفوا
المستقبل امامك اخي خذلك دوره بالتكنلوجيا او المعهد التجاري سنتين ونص بالكثير
بعدها توظف وكمل دراستك ورب البيت ماينفعك الا الله ومن ثم الشهاده

**ونصيحه لوجه الله شطب على شئ اسمه عسكري والله يوفقك**

 

[طالبه]

شهاااااااادتك اولى 00 ماراح تحس فيهااا الا بعدين !
انا وحده من الناس قاعده اكمل دراستي بره الكويت واشتغل 00
عسى الله يوفقك ويوفق الجميع00

 

[Business Man1]

دش الحرس رواتبهم ممتازة

او دش التطبيقي احسن

 

[alfares]

اخي العزيز علي 5225 السلام عليكم ورحمة الله وبركاته
اسمحلي ان اعتبرك اخي الصغير وان تتقبل نصيحتي بصدر رحب
انصحك بأستكمال دراستك مهما كانت ظروفك وكما تفضلوا الاخوان لك بإستكمال دراستك لانها هي بوابة العبور الى مستقبل باهر وناجح وانشاءلله لن تندم
اخي العزيز علي 5225 نصيحه لك ابتعد عن العسكريه مهما كانت اغراءاتها في الراتب لان العمل فيه كثير من الجهد التعب ومقيد بأوامر وبدون اي تقدير خذ حريتك بيدك بالبدايه افضلك بإستكمال دراستك الجامعيه.
مع تمنياتي لك بدوام التوفيق والنجاح

 

[i6aLy]

شهاااااااادتك اولى 00 ماراح تحس فيهااا الا بعدين !
انا وحده من الناس قاعده اكمل دراستي بره الكويت واشتغل 00
عسى الله يوفقك ويوفق الجميع00

وين تدرسين بدرس عندكم

 

[بو هباش الكويتي]

كمل دراستك مدامك صغير علشان لاتحسف باجر او شوفلك واسطه عضو او اي احد يدخلك الضباط غير ضابط لاتدخل العسكرية نهائيا

 

[بوخالد2009]

نصيحة لاتفكر بالعسكرية حتى لو يعطونك لواء - حاول تكمل دراستك بأي شكل رغم الظروف واذا تركت الدراسة راح تندم مع تقدم العمر اسال مجرب

 

[life-enginer]

يا خوي الفلبين ماسكروها 300دينار بالسنه وتصير مهندس يا بلاش

 

[bogasem]

السلام عليكم اخوي عسكري اخرتها الضغط وسكر ي وقتك كل في العمل مثل ما نصحوك الشباب ابعد عن شي اسمه عسكريه روح مدني وكمل دراستك موفق خير

 

[abuffaisal]

نصيحة
اذا توظفت راح تنسى الدراسة
لاتتوظف وادرس احسن لك وبس