الرعاية السكنية

[shorok]

السلام عليكم و رحمة الله و بركاته،،،

طلبي بالرعاية السكنية 1/1996
و حصلت لي اعاقه من سنتين ، هل يحق لي اقدم على طلب اولويه و يجدمون طلبي 3 سنين ، و اذا صار هل يحق لي اني ابيع طلبي و ازيده على قرض التسليف و اشتري لي شقه لأن وضعي المالي مايسمح اني اشتري بيت او ابني ، مشكورين و يعطيكم العافيه على الأفاده

 

[بو_راشد]

اي يحق لك اذاء عندك بطاقة اعاقه عندي واحد من الربع نفس حالتك فيه اعاقه في رجله وسوى لجنه وقدموه 3سنوات

 

[shorok]

يعطيك العافيه بوراشد ماقصرت

 

[q8.1911]

الله يشفيك وياجرك

عندي واحد من الربع كان طلبه سنة 91 ، وتقاعد طبي بسبب إرتخاء في أعصاب اليد وعدوها إعاقة وجدموه 3 سنوات وصار مع طلبات 1989 هذا إلي أنا متأكد منه ، أما باقي السؤال ما عندي أي فكره عنك نتركه للاخوان وماراح يقصرون بإفادتك إن شاء الله

 

[أبومبارك2007]

أولا ماتشوف شر ياخوي بالنسبه للإعاقه أنا عندي أخ معاه أعاقه دائمه ولا ردونا 3 سنوات قالوا بس اللى فيه أعاقه حركيه مثل الشلل وأي شي مرتبط بالحركه بس أنا سألت وقالوا لو عندك واسطه في مستشفي والله ضيعت أسمه الى عند دوار العظام هناك يحولونك الإسكان عليهم وهم اللى يحددون تستحق ولا لا وإنشاء الله أكون ساعدتك بالمعلومه .

 

[fawaz69]

السلام عليكم ورحمة الله وبركاته
اول شي سلامات وما تشوف شر .وبالنسبة لسؤالك يصير بس بشرط قبول اللجنة العليا
الموجودة بمستشفى الطب الطبيعي ويترأسها الدكتور عبدالله عيادة واذا تمت الموافقةلحصولك على الاولية الباقي سهالة كل شغلك راح يكون عند المجلس الاعلى للمعاقين الموجود بالشعب
والله يوفقك

 

[shorok]

الله يسلمكم على ردودكم الطيبة و ماتشوفون شر بغالي

بالنسبة للأعاقه انا عندي اعاقه برجلي اليسار لأنه حصل تهشم كامل لعظم الساق و متبثين لي اياه ب26 برغي و 12 حديده عقب الحادث و حددوا لي نسبة العجز 25% بمستشفى الطب الطبيعي و عقب عطوني بطاقه و شهادة اتباث اعاقة من المجلس الأعلى للمعاقين و ضمن الأمتيازات 5000 ينار لتركيب مصعد في البيت في حالة شراء البيت ، فهل تقصدون اني اعيد اللجنه ثانيه غير الأولية و لا شلون

الله يجزاكم كل خير

 

[اجيليتي]

الله يسلمكم على ردودكم الطيبة و ماتشوفون شر بغالي

بالنسبة للأعاقه انا عندي اعاقه برجلي اليسار لأنه حصل تهشم كامل لعظم الساق و متبثين لي اياه ب26 برغي و 12 حديده عقب الحادث و حددوا لي نسبة العجز 25% بمستشفى الطب الطبيعي و عقب عطوني بطاقه و شهادة اتباث اعاقة من المجلس الأعلى للمعاقين و ضمن الأمتيازات 5000 ينار لتركيب مصعد في البيت في حالة شراء البيت ، فهل تقصدون اني اعيد اللجنه ثانيه غير الأولية و لا شلون

الله يجزاكم كل خير

اخوي عساك ماتشوف شر ان شاءالله
اخوي ماينزلولك 3سنوات الا اذا كانت نسبة الاعاقه فوق 50%الله ايكافيك ويكافينها شرها
وهي تجوز لرب الاسره وزوجه والابناء
عسى العموم مايشوف شر ان شاءالله

 

[fawaz69]

الله يسلمكم على ردودكم الطيبة و ماتشوفون شر بغالي

بالنسبة للأعاقه انا عندي اعاقه برجلي اليسار لأنه حصل تهشم كامل لعظم الساق و متبثين لي اياه ب26 برغي و 12 حديده عقب الحادث و حددوا لي نسبة العجز 25% بمستشفى الطب الطبيعي و عقب عطوني بطاقه و شهادة اتباث اعاقة من المجلس الأعلى للمعاقين و ضمن الأمتيازات 5000 ينار لتركيب مصعد في البيت في حالة شراء البيت ، فهل تقصدون اني اعيد اللجنه ثانيه غير الأولية و لا شلون

الله يجزاكم كل خير

ماتشوف شر يالطيب وان شاء الله اجر وعافية.
بالنسبة لسؤالك انت روح للمجلس الاعلى قسم الاسكان واطلب حق الاولوية راح يعطونك موعد لدخول اللجنة وهذه اللجنة متخصة للاسكان فقط
اذا وافقوا لك ان شاء الله خير وبركة واذا ماوفقوا لك لاسمح الله عندك
خيارين اما تطلب اعادة للجنة الاسكانية او تقدم تظلم عند المجلس الاعلى
للاعاقة لاعادة تقييم النسبة والله يوفقك ان شاء الله .