المؤشر الوزني

[بشااار]

أخواني الكرام
ماهي أهمية المؤشر الوزني وكيف يحسب ؟

ولكم تحياتــــــي

 

[mae2326]

أخوى ما ظنتى أحد يعرف جواب سؤالك لأنه فى هالمنتدى ما يحبون هالأسئله الفنيه الحلوه ( من وجهة نظرى ) بس جاهزين حق الأشاعات السهم الفلانى بيطلع لحقوا عليه والسهم الفلانى بينزل ديروا بالكم منه وكل واحد قاعد يروج اخبار لمصلحة الاسهم اللى يملكها عشان يقطها بالعالى واذا قعد يذم فى سهم تراه حاط عينه عليه بيأخذه بس بينزل سعره ز

وتقبل تحياتى

 

[الخلوري]

لا معرفة لي بكيفية حساب المؤشر الوزني واتمنى من احد الاخوة شرح حساب الوزني
ولكن الذي اعرفه ان المؤشر الوزني يدل على الشراء أي عندما يكون المؤشر بالاخضر يعني هناك شراء وضغ اموال
وارجو ان يفيدونا الاخوان بامور اخرى عن المؤشر ونكون من الشاكرين

الخلوري

 

[أبو عبدالمحسن]

السلام عليكم

المؤشر الوزني يعتبر جديد على السوق الكويتي تم اضافته قبل سنتين تقريبا

هذا المؤشر يفرق عن المؤشر السعري بانه يقيس حجم التداول اي الكميات والقيمه المتداوله مع تركيزه على الشركات الكبيره والممتازه مثل البنوك والاتصالات والصناعات وغيرهم من الاسهم الممتازه
والقياديه تقريبا


اما المؤشر السعري فهو يقيس الاسعار فقط لا غير يعني لو التداول 1 مليون نفس لما يكون 100 مليون المهم السعر لكل سلعه نازل ولا صاعد عن اليوم الماضي وما يفرق بين السلع يعني بيت التمويل نفس الخليج المتحد

اتمنى الصوره واضحه

ارجوا من الاخوان الاضافه اذا وجد نقص

والله اعلم

 

[مضارب سريع]

مثل ما تفضل الاخ بوعبدالمحسن

الؤشر الوزني هي عمليه حسابيه تتضمن :

القيمه المتداوله

كميه الاسهم المتداوله

الارتفاع والانخفاض

يعني سهم ينخفض اويرتفع 100 فلس من 5 الاف سهم مايأثر على المؤشر

وليس له علاقه باسهم معينه (ما يركز على اسهم معينه)

ويعتبر هو المقياس الحقيقي لقوة او ضعف السوق

 

[بشااار]

بارك الله لجميع الذين شاركوا بالرد على الموضوع ، ماقصرتوا وكثر الله من أمثالكم .

 

[mae2326]

الشباب ما قصروا بس يا ليت نعرف الرقم اللى طلع (التغير فى المؤشر الوزنى) بطريقه حسابيه يعنى
1+1=2
اعتقد ان هذه المعادله تغنى عن الشرح .

 

[أبو عبدالمحسن]

هاها

الرسالة الأصلية كتبت بواسطة mae2326
الشباب ما قصروا بس يا ليت نعرف الرقم اللى طلع (التغير فى المؤشر الوزنى) بطريقه حسابيه يعنى
1+1=2
اعتقد ان هذه المعادله تغنى عن الشرح .

هذي عاد يبيلك تصعد لاداره السوق واتحسبها وياهم على كل
حركه للمؤشر

 

[mae2326]

أخوى ترى ما قلت شئ يضحك يعنى انا صحيح مانى مستثمر محترف مثلك بس ابسط شئ اعرفه ان اى رقم يطلع هو نتيجة معادله حسابيه والمعادله فيها ثوابت ومتغيرات أنا يهمنى اعرف الثوابت بس وانا ادرى ان اللى يحسبها برنامج كمبيوتر وما يحتاج اطلع حق ادارة السوق واحسبها وياهم على كل حركه للمؤشر مثل ماتقول
وتقبل تحياتى

 

[أبو عبدالمحسن]

هلا mae2326

يا خوي وسع صدرك سؤالك كان اشويا دقيق جدا

فما حبيت انك تسهر الليل كله ادور على المعادله


مجرد غشمره

بعدين انت انشالله بعد كم يوم راح اتكون مستثمر محترف ماعليك

الا اتكثر من المشاركات

تحياتي