MOHAMMED11
عضو نشط
السلام عليكم ورحمة الله وبركاته
شلونكم اخواني ان شاء الله بخير وامورك طيبه
اخوكم محمد يسألكم الدعاء
والسبب اني مريض والمرض تعبني نفسيا
مريض لاكن ماادري شنو فيني ؟!!!
الله المستعان
من مدّة صار فيني عزكم الله كثرة تبوّل
يعني كل شوي تكرمون اروح الحمام
واللي اكثر شي يضايق ،اني اكون بعز وحلات النوم
واقعد من النوم على شان الحاجة للبول عزكم الله
يعني طوال فترة رمضان مانمت نومع عدله
اول مااغط بالنوم بعد ساعتين لازم اقعد واحيان ساعه
واحيان اذا خلاص تعبت ومن التعب مااحس ممكن انام اقصى حد
اربع ساعات ، لو كت سهران يومين نفس الشي
اقصى اربع ساعات ثلاث ساعات
وهالشي صراحه تعبني نفسيا
راجعت المسالك بالمستشفى ، مبدئيا سوّولي تحليل للإتهاب
طلعت النتايج سليمه
سوينه زراعه اطلعت سليمه
سويت منظار ( المنظار سالفته سالفه ) الله يبعده عنكم
الله آمين
قالوا لازم نسوي منظار على شان نشوف اذا فيه
ضيق في مجرى البول
سويت المنظار والنتيجه ايجابية ومافيه شي
قاللي الدكتور مافيييييييييك ولا شي
قلت انا ماانام وكل شوي اروح اقضي حاجتي
اذا مافيني شي اجل هذا اللي فيني شنو
قال كإحتمال مُبعد يكون مكروب بالبروستاتا
وعطاني دوا
واستمريت على الدوا من اول شهر رمضان لي نصفه يمكن
ومن غير نتيجة ، مافي اي تحسن
رجعت للدكتور على موعدي معاه
وقلت له دكتور العلاج مانفعني بالشي والحاله بالعكس صارت اسوأ
من قبل العلاج
سوالي فحص بروستاته ، وبعد اسبوع اطلعت النتيجة ايضا ايجابية
قالي مافيك شي مبروك
قلت يبا انا ماانام ، وكل شوي رايح الحمام ،والمشكة دفع البول
كل ماله يقل ،
عطاني علاج للمثانه ، طبعا بعد ماقلت له انا ، ولا اهو قالي
خلاص مافيك شي ،قلت له يعني مافيه علاج ، قال لا مافيك شي
عاد تذكرت اخونا محمد اللي سولف عن ابوه ومشكلته مع انقباض
المثانه ، قلت له عطني شي حق المثانه يمكن السبب
من المثانه
كتب لي دوا للشي هذا ،، وانا للحين مستمر عليه من اكثر من اسبوع تقريبا والمشكله الحال قاعد يصير اسوأ ، واليوم صار فيني عوار
من الجنب الايسر ، ماادري اهي الكلية ولا شي ثاني
الله المستعان
امس رحت عياده خاصه ، حسيته نفس صاحبنا مايفهم شي
وماارتحت له
ورحت الدكتور اللي قال عنه اخونا محمد بعمارة مطعم شلاويط
بس للاسف ماكان مداومين
وحالتي ونفسيتي اتعبت حيييييييل صراحه
قمت اهوجس واوسوس ، ونوم ماانام ، ولا لي خلق شي
كسرت خاطر نفسي ، واحترت في نفسي الله المستعان
وناطر العطله اتخلص واخذ ملفي من المستشفى واروح اعابل
بعمري عند عياده خاصه
هذا السالفه باختصار
واسألكم الدعاء بارك الله فيكم
اخوكم
محمد المطيري