تنظيف ليتات السيارة

[سبورتي]

السلام عليكم
ياجماعة الخير ودي أعرف اذا احد يبي ينظف ليتات السيارة شلون ؟ هل في بوليش لتنظيف ليتات السيارة افيدونا جزاكم الله خير وشكرا

 

[ستايل مان]

اخوي روح شارع الزينة وقولهم ابي تنظيف ليتات

 

[AL_ESSA]

فى شارع الزينة بالشويخ يوجد اكثر من محل وحاط اعلان

 

[كبد نمله]

حبيبي ليتاتك بلاستك ولا زجاج اذا بلاستك اي كراج صبغ يسويها اذا زجاج اغسل اييدك

 

[khaled2q8]

حبيبي

اذا بلاستك

انت تقدر تسويها بنفسك

ورق صنفره ناعم تمسح فيه الليتات

اما اذا زجاج الله يعينك على تبديلها ما اعرف ان في شي ينظف الزجاج

سلام

 

[ستايل مان]

اخوي اذا زجاج يم دوار الاكسجين بلشويخ بشارع مطعم بيروت تلقى حاطين اعلانات برة المحل يلمعون الزجاج

 

[Bo-Jarrah]

اخوي روح لوازم العائله في بوليش ناعم ييبه وافرك الليتات ( إذا كان بلاستيك )

أما اذا زجاج مادري ! جرب مو خسران شي دام انه تعبان

 

[باحث الانترنت]

سبورتى انا عندى نفس مشكلتك قالو في طريقه بالليزر يسونها سعرها 4 دنانير بشارع الزينه بالشويخ هذا على كلام الرجال اللى اخذت منه السياره سائل عن سعرها وسيارتى مكسيما 2005 بس مدرى شكلها بلاستك مو زجاج

 

[BADR-1]

اللي يقولون نلمع الزجاج ما عندهم سالفة يحطون لكر علي الزجاج الي ان ينشف ويقولك سوينا سنفرة اما اذا كان بلاستك انت تقدر تسويه بوليش ناعم وورق سنفرة ناعم وافرك ههههههه بس المحل افضل لان عنده ماكينة اقوي تحياتي

 

[سبورتي]

مشكورين ياجماعة الخير شكلي بروح على الزينة وبشوف اذا عندهم مكينة او لا وشكرا مره ثانية ودمتم سالمين

 

[قلم حر]

اخوي فيه تلميع للزجاج بدقيقتين يرش الليت بماده يطلع يلمع جديد
انا سويت الليتات بمغسله بالري اعتقد اسمها العثمان