الى الأخوة الخبراء أخوكم يريد الشور والنصيحة

[أبو عزيز]

انا عندي مبلغ حوالي 70000 الف ريال سعودي حطيته في السوق الأمريكي يوم انه النازاك ب 5000 أبشركم

وشريت سهم شركة اسمها optk الله لا يعيدها ب ثمانية دولار ونص

واليحين هي بدولار وكسور ,,,,, طبعا الحين المبلغ ما يساوي ولا عشرة الاف ريال ,,, المهم ما علينا

انا أبغى اعرف نشاط الشركة ووشهي تشتغل فيه ,,, اعرف ان السؤال غريب بس صدقوني انا ما اعرف ولا شي عن وضعها المالي ولا أي شي ثاني ,,

طبعا هذا بسبب اللغة لأن أخوكم ثقافته يابانيةوطاغية على الانجليزي

 

[بريد الكتروني]

وشلون ماتعرف وش نشاطها وهيه شركه يابانيه !!!!!!!!!!

لا ترى ما أدري وش نشاطها ولا جنسيتها ....

 

[هجمه مرتده]

أيش رايك تسلفني ال 10000 هذي وأريحك منها ....... بلا أسهم بلا هم

والله ما أدري أيش نشاطها

 

[أبو عزيز]

يابريد وياهجمة صدقوني ما ادري وش نشاطها انا اعرف انها بزنس تو بزنس ومن هالأمور اللي زي كذا لكن بالضبط ماني عارف ,,,

بعدين انا عندي سؤال الحين كلكم رديتو علي ,,, ما فيه احد منكم يتبرع ويشوف لنا مستقبلها خصوصا انت يابريد ياخي لعلها تعجبك وتشتري فيها يمكن اكون دليتك على شركة ذهب وانت ما تدري

ثانيا انا اختصاصي أسهم محلية بصراحة لكن امريكية انا اعتمد على ما يكتب هنا فقط من قبل الأسماء اللي لها ثقلها في الموقع ( حلوة ثقلها )

ثالثا تعاملي بالأسهم الأمريكية ينحصر ب qqq فقط لاغير ومنذ فترة شريت adct بأرباحي اللي حققتها ب qqq . اتباعا لرأي اخونا بريد لقناعتي بما يكتبه عن السوق المحلي ولو انه شكله طفش من السوق المحلي على ما اعتقد .

 

[AL-ASMARI]

اخي الكريم : بشكل مختصر واكثر وضوحا"ً مجال عمل الشركة انتاج برامج حلول متابعة المعاملات الورقية يعني اذا عندك كم هائل من الاوراق (فاكسات - اوراق - تقارير) فان هذة الحلول تجعل التعامل مع هذا الكم الهائل من الاوراق اكثر تنظيماً واسرع تفيذاً للعمل واقل تكلفة....الخ
يعني برامج الشركة تستخدم عبر النت لمتابعة المعاملات ان صح التعبير ...وسلامتك.
بالنسبة لمستقبل الشركة فانا لست متابع لها ولكن اعتقد ان هناك منافسين اقويا في هذا المجال.
والصورة المرفقة تعطيك وضوح اكثر عن طبيعة عمل برامجها: