ما هو الحل

[فهد الشاعر]

السلام عليكم اخواني

موضوعي اللي ابي رايكم فيه هو انا ابي اخذ سيارة بالاقساط بس مافي بنك راضي يعطيني طبع هذا بسبب سياسة البنك المركزي اللي وهقنا في البداية مع البنوك مع عدم الرقابة بعد فوات الاوان.

المشكلة انا شخص راتبي 714 دينا على مديونية في البنك 2900 مجموع اقسادي 249 طبعا على سنة تقريبا انا الحين صاري تقريبا 6 شهور ماعندي سيارة رحت البنك قلت ابي اخذلي سيارة قسطها مايتعدى 50 دينار مارضي يعطيني بحجة راتبي مايسمح اخذ شي طبعا طلبت منة اسباب الرفض
قال لسببين
1- انت كافل شخص
2- عندك فيزا وماستر كار

ارجو من الاخوان الرد ابداء المشورة او النصيحة

 

[i6aLy]

اقول نصيحه رتب حياتك ولاتعيش علي الاقساط القرض يبي والماستر يبي والفيزا تبي
والتلفون يبي يعني ماصفي من معاشك شي

علي فكره تحمل لما يطحون الاقساط وتعلم من غلطك والله يجزا البنك المركزي خير
علي قوانينه وموفق خير اخوي

 

[خالد الرسلاني]

الله يعينك

صافي من راتبك 465 دينار

بس في حل انك تروح الاخوك او الاي واحد تمون عليه وواثق فيه تروح انت وياه الاي شركه عندك سهاله ولا مدلله وتاخذ الموتر الي يعجبك واسعارهم حلوه ومواترهم تستاهل وتحطه بااسمه وتدفع انت له شهريا او تسوي استقطاع من حسابك لحسابه دايركت

او انك تاخذ من الحراج وتحولها اقصاد لاكن نفس طريقه الاوله تجيب واحد يحطها بااسمه الين تخلص الاقصاد

والله يعينك واذا تبي نصيحتي

حاول ترتب حياتك من اول وجديد وانا اخوك والله يوفقك ويرزقك وجعل راتبك يصير دبل عشان تدقلك بانوراما ههههههههه

موفق يالغلا

 

[stingray74]

لا حول ولا قوه الا بالله الله يعينك يالغالي ومثل ما تفضلوا الاخوان عيد احساباتك من اول وجديد

ورتب حياتك وعسى ربي يفك ظيقتك انشاء الله ونصيحة اخو لاخووووه افتك من الفيزا والماستر

ترى خراب بيوت الا حق السفر اوكي واستخدامها بالحد المعقول. قبل انا اقول الفيزا والماستر

الرفيج اللي ما تستحي منه بس للاسف استخدمتها بطريقه غلط وطلعو الرفيج اللي يدمر رفيجه

والصاحب ساحب تقبل مروري وعسى ربي يفك ضيقة كل مسلم ومسلمه موفقين انشاء الله

 

[kuwaity-23]

اخوي روح التسهيلات يعطونك تقريباا 4500

توكل على الله يبا روح

 

[BO NASER]

أخوي في شركتين أعتقد يمشونك

1- شركة الغانم بالري ( تقدر تحول سيارة على الغانم نفسه )

ويمكن لازم السيارة منهم مومتأكد

2-الشركة الدولية للمرابحة

هالشركتين عندهم تجاوز

وسلامتك

 

[باحث قانوني]

السلام عليكم اخواني

موضوعي اللي ابي رايكم فيه هو انا ابي اخذ سيارة بالاقساط بس مافي بنك راضي يعطيني طبع هذا بسبب سياسة البنك المركزي اللي وهقنا في البداية مع البنوك مع عدم الرقابة بعد فوات الاوان.

المشكلة انا شخص راتبي 714 دينا على مديونية في البنك 2900 مجموع اقسادي 249 طبعا على سنة تقريبا انا الحين صاري تقريبا 6 شهور ماعندي سيارة رحت البنك قلت ابي اخذلي سيارة قسطها مايتعدى 50 دينار مارضي يعطيني بحجة راتبي مايسمح اخذ شي طبعا طلبت منة اسباب الرفض
قال لسببين
1- انت كافل شخص
2- عندك فيزا وماستر كار

ارجو من الاخوان الرد ابداء المشورة او النصيحة

نصيحتي ومن القلب للقلب
اخذ سيارة الايجار بالتملك سنه ولا سنتين
لانك لو تشتري سياره ويصير عليها شي لا سمح الله بعدها تروح فيها
ولكن الإجار عليه تأمين شامل ولو يصير عليها اي شي قطها عليهم واخذ غيرها وانت واقف
يعني ما عندك إلا البانزين والقسط وريح بالك
لين تنفك كربتك وتشتري من الوكاله وكاش إن شاء الله
عسى ربي يوفقك
وتقبل مروري فديتك

 

[ابو سالم1]

عسالله يفرجها انشالله ان مع العسر يسرا
اخوى اذا متضايق روح مكت اجار سيارات واتفق معاهم اجار شهرى وبيعطونك سيارة اقصاد لين الله يفرجها اهم شى اتقف معاهم عداد مفتوح .

 

[sahran]

الله يفرج ضيقتك إن شاءالله

روح مكتب اسبشل كار بالسالميه بمجمع المبرور ....أتوقع يقدرون يحولون لك السياره أقساط