استشارة بخصوص المقاولات

[كويتي 777]

اخواني افكر حاليا في فتح مكتب تجاره عامه ومقاولان يكون متخصص في اعمال هيكل اسود + تشطيبات داخليه....الخ اللي شغال في نفس المجال وعنده خبره ياليت يعطيني النصيحه وشكرا

 

[ابو رجا]

اخوي كويتي يعطيك العافيه الشغل حلو اذا الواحد عنده خلفيه عن الشغل

بس شرايك تاخذ نصيحت اخوك وتبدا شوي شوي

لازم تبدا صح يعني عندك مقاول ويكون فاهم الشغل موحي الله لان الشركه سمعه

اذا مقاولك زين راح يصير في اقبال على الشركه واذا مقاولك الله بالخير عزالله لاشتغلة ولاقاله الله


ونصيحه لاتبطل شركه اذا عندك مقاول ابدا بالعمال اللي باليوميه وبعدين اذا مشيت بطل شركه وصنفها بعد لان التصنيف يفتحلك ابواب مسكره ابسط شي تقدير العماله من الشؤن اذا مو مصنفه يعطونك اربعه واذا مصنفه 15 وطمر الى 25

المقاول يروح خيطان ولا الفروانيه ويحمل اللي يبي من العمال


وتمنالك التوفيق انشاءالله

 

[كويتي 777]

مشكور على الرد بس ..بخصوص العمال يكون الاتصال مباشر بينهم وبين المقاول والمؤسسة اول الفترة ماراح تحول اقامات عليها لأنه توه يديده ..بس هل بالضروره يكون مكان المؤسسة في موقع ممتاز ولا ليس بالضروره .. وذا عندك فكره عن راس المال ؟

 

[ابو رجا]

لا الزين وين ماكن الناس راح توصله بس يبيلك دعايه مثل الوسيط و 808080 الجرايد الاعلانيه

ولوحات بالمناط السكنيه الجديده مثل فهد الاحمد وجنوب الجهراء وغرب الجليب

وراس المال

اذا قصدك تأسيس الشركه روح عند المخلصين لانه مواقل 150 الف يطلعونها لك 350 الى 400دينار

واذا قصدك حق الشغل يبيلك من 3000 الى 4000 دينار

والعمال تعامل معاهم مثل مايتعامل معاك صاحب البيت يعني نظام دفعات يعني اذا وصلتم المرحله هاذي راح عطيكم دفعه جذي لين تخلص ويكونون تحت عينك لو يبني طبوقه وحده

 

[كويتي 777]

مشكوووووووور ياخوي

 

[ابو رجا]

العفو ,,مسويت شي وتمنا اني فدتك

وبالتوفيق انشاءالله

 

[dreeeeb]

الله يجزاك خير يابو رجا
والله انا عندي شركة ولكن نصيحتك قيمة وانا استفدت منها​