استفتسار عن عطل في السياره

[بو_راشد]

ممكن احد يفيدني ان عندي براغي التواير انكسرو وين اوديها الحداد ولا الوكاله ولا السكراب وين اروح حسبي الله على السايق ا لظاهر يوم سوى بنشر ما ركب الاسبير عدل للعلم السيارة تويوتا كامري

 

[الكويت غاليه]

لا حول ياخوي مالك غير السكراب والا بيطلع عليك سعر مو طبيعي بالوكاله

 

[xxx]

سعر البرغي بحدود دينار
وأي واحد يركبه الميزان مثلا
شغله ولا اسهل

 

[xxx]

اشوى انها براغي الكامري مش السوبر ولا كان بسحب السومه )

 

[باحث قانوني]

تكفا نصيحتي اشترهم من الوكاله وركبهم برى عند الميزان
لانه التجارى والسكراب ما ينفعونك والفرق بالكثير عشره
وتحافظه على اهلك ونفسك وحلالك ترى البراغي اهم من المكينه
وموفق

 

[بو_راشد]

اشكر الجميع على سرعة الرد والجواب الوافي وهذه العشم فيكم اما ياراعي الاكسات والله ان السايق يعقب ويبطي مايسوق السوبر وباحث قانوني اشكر اهتمامك الشديد وجزاك الله خير انت وجميع من رد على سوالي

 

[kuwaityvip]

السلام عليكم

اذا البراغي مكسورين ونصهم بداخل السياره تروح للمخرطه يطلع لك الجزء المكسور من السياره اما اذا مكسورين برا السياره يعني ما في جزء مكسور منهم بالسياره روح الوكاله وركبهم برا لان البراغي مهمين في السياره وسلامتكم اهم من جم دينار زايدين عن السكراب

 

[بـ مـبـارك ـو]

نعم ممثل ماقال اخونا كويتي المخرطه اول شي

 

[بو_راشد]

ابشرك رحت الشويخ اليوم وصلحت السيارة مثل ما قالو اخواني طلعت الشغل بسيطه والحمدالله اشترية براغي 2 مكان المكسرين والحمدالله اكسر بره وما كلفتني السالفة كلها خمسه دنانير فقط 3 حق البراغي 2 حق التركيب وركبتهم عند راعي الميزان ولو مو وصيت اخواني في المنتدى كان رحت السكراب وقصوى علي ويمكن تطلع علي الشغله غاليه لكن الحمدالله ميزة المنتدى ان فيه رجال تحب عمل الخير ويساعدون كثر مايستيطعون وانا اتقدم بجزيل الشكر للجميع اخواني الي ردو على استفساري ولهم جزيل الشكر وهذي دعوة واحد صائم اسال الله العظيم ان يوفق جميع شخص يسعى للعمل الخير في اي طريقة وجزاكم الله خير