ليش التوزيع النقدي افضل من اسهم المنحه ؟

[بايعها]

بعد التحية

كنت اتناقش مع واحد من الربع بالدوانية عن اسهم المنحه والتوزيع النقدي

كلامه ان التوزيع النقدي افضل من المنحه مع اني طول هالوقت كنت اظن ان الشركة إلي توزع اسهم منحه اهي الاحسن

مثلا

اذا عندك 10000 سهم مخازن

التوصية اللي صارت ان 25 بالمية نقدي و20 بالميه منحه عدل ؟

تعالوا نحسبها

10000 سهم يعني راح تطلع 250 دينار نقدي
لكن 10000 سهم يعني راح تطلع 2000 سهم منحه

وهالمنحه مع الاسهم اللي عندك من الاول ممكن تبيعها كلها بسعر خيالي بس مع شوية صبر

ف إشلون النقدي بالحاله يصير افضل من المنحه ؟

لو تكرمتم توضحون لنا الموضوع ومنكم نستفيد

 

[الريان]

اولا اوضحلك كل

المنحه على حسب

لها اصول بالتوزيع اذا كانت الشركه تبي تتوسع وما تبي سعر السهم يصير غالي حيل وتصعب على السيطره على الشركه بحيث تكون الكميه كبيره للشركه هذه نقطه

ولكن انت تبي ايهم افضل المنحه ولا التوزيع

لامقارنه التوزيع افضل للسببين

اولا يرتفع القيمه الدفتريه بشكل اسرع للشركه الربحانه


ثانيا يزيد راس مال الشركه بس من غير عبء كبير لام المنحه اذا وزعته الشركه معناتها زادت راس المال وبعمي اخر لازم تربح اكثر من هذه السنه بمثل نسبه المنحه لكي تعادل نسبة الربح السنوي

يعني المخازن ربحانه 39 مليون وراس المال كان 35 صار راس المال الحين 43 مليون وكان ربح 39 بمثابة ربح 112 فلس لكن الحين بعد توزيع المنحه لو فرضنا ان الشركه ربحت 39 مليون يقل ربحها عن هذه السنه لانها بالحاله هذه اربحت 90 فلس شوف كم قل ربح الشركه من 112 فلس الي 90 لكن شركة المخازن غير اذا كانت عندها ثقت تربح اكثر من هالمبلغ يعني ان شاء الله اذا كنات تبي تربح مثل هالسنه 112 فلس لازم تربح 48 مليون


والشركه اللي مو وزعت منحه افضلها مثال الوطنيه العقاريه

رحت 60 فلس تم توزيع 25 فلس باقي 35 فلس اخصم اتعاب واشغال 10 باقي 20 فلس وهي تعادل 9 مليون زادت على اصول الشركه مما يعني زيادت في قيمة السهم وزياده براس المال مما يزيد الربح في المستقبل ويقلل العبء على الشركه بس اذا استمرت الشركه على هالطريه وتربح 60 ويتم توزيع 25 بس لو تستمر 3 سنين يصبح اصل السهم القيمه الدفتريه فوق النص دينار وهو مايرفع السهم فمثال اخر البنك الوطني ولاتمويل والمتنقله لو مايتم توزيع منحه كل سنه اوكل سنتين لاصبح قيمه السهم فوق 5 دنانير لانها تدر عليها ارباح قويه ولكي تقلل قيمة السهم وتزيد ثقلها بالسوق بحيث يصعب التحكم بالشركه يتم توزيع منحه بسيطه كل سنه
واذا في اشي مو فاهمه انا حاضر ومن عيوني بس اتمنى الفكره انها وصلت

 

[بايعها]

اشكرك اخوي جزيل الشكر على هالتوضيح وكفيت ووفيت

لكن انا فهمت من كلامك ان اسهم المنحه تضر بالشركة لانها ملزمة بتحقيق ربح كبير في السنة القادمة مثل ما قلت ان المخازن لازم تربح 48 مليون

لكن اسمح لي اقول لك ان شاري السهم المفروض انه يحط لروحه خطه للبيع والشراء

فعملية المضاربة على الاسهم لا تحتاج منك انك تصبر على السهم كثيرا
اما إلي قصده االاستثمار الطويل فهذا ممكن تفرق معاه اذا اخذنا بعين الاعتبار كلامك عن ان التوزيع النقدي بخصم جزء من الارباح ممكن انه يعطي دفعه قوية لاصول الشركة في السنوات القادمة او حتى عند اعلانات الارباح الربع سنوية

مثال بسيط عن اسهم المنحه ممكن اكون صح فيه او خطأ ومنكم نتعلم

جيزان العقارية
تخيل واحد شاري بجيزان العقارية على ايام ما كانت بدينار ونص مثلا
خلنا نقول 10000 سهم
الشركة وزعت اسهم منحه 200 بالمية معناته اسهمك صارت 30000 سهم
وبعد النزول الرهيب إلي صار للسهم لكن الى الان انت في مأمن لان السهم الى الان ما وصل لدينار ونص ولو ابيع الحين الـ 30000 سهم بسعر اليوم لا شك ان ربحي راح يكون كبير جدا

مع مراعاة انه ما يهمني وضع الشركة مستقبلا تربح ولا تخسر .
اصولها عالية ولا متدنية .ربحية السهم زادت ولا مازادت . الارابح تشغيلية ولا مو تشغيلية . راس مالها زاد ولا انخفض مو مهم المهم اني ابيع بسعر اليوم

ولا اشرايك ؟؟؟

 

[الريان]

السلام عليكم



اخوي كلام صحيح بالنسبه لللمضارب ماتفرق معاه بس ممكن يتضرر المضارب اذا كانت الشركه اصغيره واقرت توزيع منحه واردو الملاك ان يبيعوا فراح تصير مشكله بالنسبه للشركه الكبير مافي مشكله لانه هم المشتثمر يحب انها تتوسع مدام انها تقدر وعندعها ثقه بنفسها الشركه


اما بالنسبه للجيزان هناك تعليق بسسيط للتوزيع اذا كنت مضارب وليس مستثمر الشركه راح توزع 200 بالميه منحه وكلامك بالتوزيع صحيح بس نسيت شغله الا وهي تفسيخ السهم كم راح يصير بعد التفسيخ والسعر راح يتقسم الي ثلاث اجزاء لان سعر السهم راح يتم خصم منه 66 بالميه من قيمته وعدد الاسهم راح تصير واجد بالسوق لانه راح يصر عدد اسهمه من 39 مليون سهم 120 مليون سهم تقريبا

وتقريبا المضاربين ويشكلون خمسيه بالميه راح يبيعون لانه يبون يربحون فسعر السهم راح ينزل يعني مثل توصحي سعر السهم 3 دنانير

وعطوك 200 % صار عندك مثلا اذا انت شاري 1000 سهم صاروا 3000 سهم السعر راح يكون 1دينار لا اكثر هذا سعره بعد التفسيخ والشركه بعد التفسيخ راح ينزل سعره لانها حملت نفسها عبء اكبر

لانها لازم تربح السنه القادمه اكثر 12 مليون حتي تستطيع توزيع 100 اول اقل لانها هذا التوزيع هو اللي يحافظ على سعر السهم بالدينار

واتمني من الفكره انها اوضحت

وهذا ليست توصية شراء بالبيع او الاحتفاظ بل التاكد من مشاريع الشركه بالمستقبل وحسبة القيمه الدفتريه لها

وانا حسبت قيمتها الدفنتري اتذكر انها لن تتجاوز 300 طبع بعد توزيع المنحه ولليس قبلها وشكرا

 

[بايعها]

مشكور اخوي الريان وانا من اول رد قلت لك انت كفيت ووفيت بصراحه

ماشاء الله عليك مو مقصر

ويبقى النقاش حلو وفيه فايده وانا بصراحه استفدت الكثير

 

[الريان]

حياك حبيب قلبي حنا للطيبين حاظرين

 

[فال خير]

افيدونا جزاكم الله خير

هل توزيع النقدى او اسهم منحه للمكتتبين المساهمين فقط ام حتى اللي يملكون اسهم عن طريق التداول في البورصة وشكرا

 

[boalons]

الاخ فال خير


لو تشتري قبل الجمعيه العموميه بيوم وتبيع بعد الجمعيه تاخذ ارباح

اهم شي يكون عندك السهم وقت الجمعيه العموميه