أكورد و لا كامري ولا التيما ؟

[bo5aled]

ياجماعة ودي آخذ سيارة بحدود 5000 الى 6000 مو أكثر شنو تنصحوني بصراحة آنا مجرب الالتيما عيبها وايد تحن و في ريحة تبخير كلما انزل منها وبعض المرات اتحك على المطبات اذا مركب الجهال لكنها ناعمة واقتصادية ، اما الهوندا والكامري ما جربتهم وآنا حطيت الالتيما علشان اذا واحد مجربها و مجرب الكامري أو الهوندا يقولي شنو الفرق بالقيادة والنعومة والقوة
ومشكورين​

 

[basuly.]

اكورد قطع غيارها غالي شوي شوف الكامري

 

[ask_12]

بورش pppPPpp

 

[مهم للغاية]

عليك بصلاة الاستخارة وانا اخوك

بس بصراحة .... TOYOTA ... وبس

 

[bo5aled]

اكورد قطع غيارها غالي شوي شوف الكامري

بورش pppPPpp

عليك بصلاة الاستخارة وانا اخوك

بس بصراحة .... TOYOTA ... وبس

والله كلامكم على عيني وراسي ( بس الاكورد أكشخ واكبر من الكامري ، والكامري سعرها ماسك ، أما قطع الغيار فما فكرت فيها شكرا أخوي بسولي)

للعلم مواصفات الهوندا كيب رنج وبلوتوث موبايل و سنسر خلفي

 

[السبيطي]

شوف السيارات كلها زينة بس الافضل الكامري سعر ما بعد الاستعمال

 

[ناصر الكويت]

فكر بالأوريون

 

[bo5aled]

شوف السيارات كلها زينة بس الافضل الكامري سعر ما بعد الاستعمال

فكر بالأوريون

صح كلامك أخوي السبيطي ولكن آناشايف المواصفات و الشكل للأكورد و أخوي ناصر الكويت الاوريون ممتازة ولكن ميزانيتي من 5000 الى 6000 و أتوقع سعرها أغلى

 

[خالد الرسلاني]

هلا وغلا حبيبي

شوف يالغلا

الاكورد روعه وفخمه وتمام التمام لاكن فكر بقطع الغيار ومثل ماقال اخوي القطع شوي نار

الكامري انا استعملتها والله تمام التمام وماعليها كلام لاكن خذلك كامل فل ابشن افضل وعندك الكامري ذاك اليوم بالحراج باعو 2007 كامل فل ابشن شاشات وسنسر وبلاتوث بـ 3500 دينار
بس فيها والله طقات خفيفه بالرفرف الخلفي لاكن الافضل خذ من مكاتب تاخذ موتر نظيف بـ 5 الاف او 6 مسكت

بالنسبه للالتيما والله روعه وبالاخص ال 2008 نزلت نزله محترمه لاكن عيبها وانا اخوك سعرها بسرعه يطيح يعني سنه سنتين ماتجيبلك شئ

بالنسبه لتيوتا عاما اذا ماجاك كامل الموصفات وبالاخص ال 2007 وال 2008 مايصلح

والاوريون روعه والله ومسكته عند واحد من الربع بس نار سعرها فوق ال 6 الاف عند المدلله

حبيبي دام ماعندك غير ال 5 الاف وحدك 6 دقلك كامري وريح مخك تيوتا كد ومد

وموفق خير طال عمرك وبااذن الله تلقا السياره الي تريحك وتعجبك ويرجع لك القرار بالاول والاخير والي براسك صدقني مااحد يغيره لك لو شوف وشو

 

[OPEN]

كامري وبس
كد ومد وسعرها فيها
الله يباركلك انشالله
شكرا

 

[sound blaster]

خذ لك من الوكاله كامري .. ولاتروح للحراج نصابين ولا يخافون الله .. يحلف بعياله والسياره توها واصلته .. انحش عن الحراج انت بخير ..

افتحها على ايدك

 

[kwt.to.kwt]

كامري سعر فيه

 

[الحريه وطن]

bmw ذلك العملاق الالماني

 

[كويتي 24]

اخذ كامري الشكل اليديد وتوكل على الله انا عندي موديل 2007 وماشالله ممتازه ومافيها عيوب
ولاتشتري من الحراج ترا كله شريطيه وهني بعد في شويه شريطيه دري بالك منهم

وبسعر 6000 تقدر تاخذ كامري جي ال اكس 2009 روح الوكاله واسالهم عن المواصفات والاسعار
وبالتوفيج لك

 

[bo5aled]

هلا وغلا حبيبي

شوف يالغلا

الاكورد روعه وفخمه وتمام التمام لاكن فكر بقطع الغيار ومثل ماقال اخوي القطع شوي نار

الكامري انا استعملتها والله تمام التمام وماعليها كلام لاكن خذلك كامل فل ابشن افضل وعندك الكامري ذاك اليوم بالحراج باعو 2007 كامل فل ابشن شاشات وسنسر وبلاتوث بـ 3500 دينار
بس فيها والله طقات خفيفه بالرفرف الخلفي لاكن الافضل خذ من مكاتب تاخذ موتر نظيف بـ 5 الاف او 6 مسكت

بالنسبه للالتيما والله روعه وبالاخص ال 2008 نزلت نزله محترمه لاكن عيبها وانا اخوك سعرها بسرعه يطيح يعني سنه سنتين ماتجيبلك شئ

بالنسبه لتيوتا عاما اذا ماجاك كامل الموصفات وبالاخص ال 2007 وال 2008 مايصلح

والاوريون روعه والله ومسكته عند واحد من الربع بس نار سعرها فوق ال 6 الاف عند المدلله

حبيبي دام ماعندك غير ال 5 الاف وحدك 6 دقلك كامري وريح مخك تيوتا كد ومد

وموفق خير طال عمرك وبااذن الله تلقا السياره الي تريحك وتعجبك ويرجع لك القرار بالاول والاخير والي براسك صدقني مااحد يغيره لك لو شوف وشو

كامري وبس
كد ومد وسعرها فيها
الله يباركلك انشالله
شكرا

خذ لك من الوكاله كامري .. ولاتروح للحراج نصابين ولا يخافون الله .. يحلف بعياله والسياره توها واصلته .. انحش عن الحراج انت بخير ..

افتحها على ايدك

كامري سعر فيه

bmw ذلك العملاق الالماني

اخذ كامري الشكل اليديد وتوكل على الله انا عندي موديل 2007 وماشالله ممتازه ومافيها عيوب
ولاتشتري من الحراج ترا كله شريطيه وهني بعد في شويه شريطيه دري بالك منهم

وبسعر 6000 تقدر تاخذ كامري جي ال اكس 2009 روح الوكاله واسالهم عن المواصفات والاسعار
وبالتوفيج لك

شكرا أخواني :
خالد الرسلاني
open
sound blaster
مستثمر كويتي
الحرية وطن
كويتي24

اليوم رحت بعد الفطور معزم على الهوندا وآنا بالطريج لفيت على وكالة الملا و بهبهاني ولا ذاك العرض على الشارجر 2008 ب 5،999 دينار جان أطقه بالكي نت

شباب أدري انه دودج بس الشارجر بالذات يمدحونه ولا تحبطوني

 

[ناصر الكويت]

دامك طقيته

مانقول الا الله يعطيك من خيره ويكفيك شره

 

[بترولي نشط]

انا اظم صوتي مع الشباب نصيحتي اخذلك كامري وريح بالك

 

[RomanticLove]

انا اقول الله يعطيك خيرها ويكفيك شرها .. بس السته لو حاطها على الاوريون كد ومد وقوه وعزم وقطع غيار رخص التراب وايد احسن .. الله يعينك على الدوج اذا سعره ينزل بسرعه انت خذيته ب 6 السنه اليايه اذا تبي تبيعه من 3500 - 4300

 

[بترولي نشط]

لا تحتار و غير الكامري لا تختار

 

[أبوطويل]

الله يبارك لك فيه ويبعدك من شره إن كان فيه شر ((سياره كشخه وسعرها حلو ))
وبالنسبه لإختياري في الياباني
1)) هوندا كشخه وراسيه وطلبها للقطع قليل ولو القطع غاليه
2)الكامري شيكك بمخباك عمليه وفيها قوه
3)
4)
5)النيسان سواء ألتيما أو مكسيما ((مادري ليش ما أواطنهم ))
وأحسن شي سووه العربانات