بالتحديد s40
5350 سعر السياره 2008 وكان سعرها
تقريبا 8 الاف الا !
وفي نفسها كامل المواصفات وزياده سنسر وتكييف مفصوول
تسوى السياره ولا ماتسوى
حجزت لي وحده يوم السبت موعدي تيست درايف لها
ناطر رايكم ليوم السبت
السلام عليكم و رحمة الله و بركاته
و الله ياخوي انا صارلي فترة طويلة مو كاتب بالمنتدى لأسباب شخصية، بس لما شفت موضوعك قررت اني أرد على استفسارك، و يشهد الله انك من أعز الناس عندي في المنتدى.
شوف ياخوي،، فولفو و جاكوار شركات مملوكة حق فورد الأمريكية، و الكل يعرف فورد و مشاكلها المالية و الادارية، حتى ان المشاكل هذي طالت كل منتجات فورد و جاكوار و فولفو، لا جودة و لا أداء، من استراتيجيات فورد يبيعونك السيارة برخص التراب، و بعدين بالسيرفس و قطع الغيار يورونك الويل!.
كانت عندي جاكوار XJ موديل 2005 فل أبشن شريتها ب 19 الف و لما تقارن مواصفاتها مع اي سيارة فخمة راح تلقى ان الجاكوار ارخص ب 6 الاف دينار. بس الصج انهبوني بالسيرفس و قطع الغيار و مشاكل السيارة الألكترونية و الميكانيكية اللامنتهية. فقررت اني ابيعها اول سنة 2008. و فعلا بعتها بخسارة 11 الف دينار و السيارة مو ماشية شي.
أنصحك ابتعد عن السيارات هذي و من شباك وكلاءها.
أنصحك بنفس سعرها تشتري التيما الجديدة، علما بأن 40% من شركة نيسان مملوكة لشركة رينولت الفرنسية، و هذا سبب اقبال الناس القوي في ال6 سنوات الأخيرة على النيسان، أداء ياباني! و تصميم أوروبي.
سيارة تجمع بين العالمين الأوروبي و الاّسيوي.
و لك مني كل تقدير و احترام.
