لاصحاب جيب سفاري...ارجو الدخول

[Nagooshy]

السلام عليكم

ماهيه افضل اطارات لجيب سفاري موديل 2000

علما بأني جربت داين لوب ولكن الاطارات غير ناعمة

وشكراا

 

[BADR-1]

انت راعي بر والا استعمال عادي اذا راعي بر خذ البالون واذا استعمال عادي الدانلوب زين واذا مو مقتنع فية عندك البرجستون واحرص علي تاريخ الصنع

 

[ali5225]

دنلوووب ولا تشاووور

 

[Nagooshy]

ولا والله موراعي بر

 

[Nagooshy]

اشرايكم بتواير ابروجيستون...للسفاري؟؟

 

[wallace]

ابروجيستون ممتازه بس فيه نوعين ناعم وخشن انصحك بالناعم لاني استعملته وممتاز للديره

 

[serfdear]

لايعلى علي التويو ياباني بحت بس اخذ نضام سبورت

 

[الهزاع]

اخوي مافيه علي البرجستون 100/100

 

[باحث الانترنت]

اخوي النقوشى ولا يهونون الربع الجيب افضل شىء له مثل ما قال اخوي serfdear

تويو ليش لان التاير لين وناعم ومايطلع صوت مثل الافلام المصريه ههههههههههههههه

وانا استخدمه للجيوب اما اذا تبي شيء اصلى وماعليه كلام استعمل مشلان الفرنسي بس

 

[saadq8]

اذا مو راعي بر اخذ يوكاهوما مالت الساير وموفقك

 

[al_jaree7]

اخوي غير البرجستون لاتدور صحيح انه غالي وهو يعتبر تحت الميشلان مباشره بس سعره فيه ،،، بالنسبه لي اركب كل سنتين منه ـــ وابعد عن دانلوب صحيح تركيبه خساره لانه مايعمر واسال مجرب ولاتسأل طبيب انا عانيت من هالسالفه

 

[Bo-Jarrah]

ابعدو عن التويووو يا شباب

وحيلكم ب ميشلان وبريلي احسن تواير

 

[alshmmri]

وعليكم السلام ..
اخواني انا عندي سفاري 2008 وتوايره دانلوب من الوكاله ..!!
وخلاصه تجبرتي كانت ::

انحشووو عنننننننننننننننننننننننننننننننننننن الدانلوووووووووووب

انا فكيت التواير على طول وحذفتهن بالبيت !!
الاسباب كثيره ابرزها صوت التواير لم تاخذ فوق تحت ..!!
تقول قاعد تستعرض .. والعااالم تطالع فييك ..!!!
والنعومه انســــــــــــــــــى
الحسنه الوحيده اللي فيها ليا دخلت نفود نسم التواير 15 وروح والقلب داعيلك
وسعرها الرخييص مقارنه بالتواير الثانيه .


افضل تواير معروفه الميشلان وعندي صديق لي مركبهن على سفاري 2002 ويبدلهن كل سنه ونص - سنتين صح ان سعرهن غالي حبتين بس سعرهن فيهن ...



والبرجستون زوين لكن ما جربته تجربه شخصيه ...

والتويو بسرعه يستهلك مو حق دق :>
مجربينه على جمس واحسن مافيه رخيص التاير ب27


خلاصه القول ...
اذا فلوسك كاش وتشتري راحتك لا تدور غير الميشلان
واذا فلوسك على قد الحال وتبي شي زين مثل ما انصحوك الشباب برجستون ..

والله اعلم ...

 

[العساف7777]

السلام عليكم


اخوي انصحك بأثنين ولاتعب نفسك ولا تفكر


1 - ماشيلان :

الاسباب كما يلي :

ناعم على الخط والرقلات ( المطبات الصغيره ) ماكو تنسيم مافي صوت تقحيص عند الافات


2 - البريحستون :

الاسباب كما يلي :

قاسي اشوي على الخط في طبه شوي على الخط بس حلو حق كد ومد وماله صوت على الطريق


تقبل تحياتي