أراضي استثمارية في الدوحة .. فرصه لا تفوتكم

[QATAR vIp]

السلام عليكم ورحمة الله وبركاته
الأخوة والأخوات .. أوجه لكم أطيب تحيه من دوحة الخير ..

وأود إبلاغكم ..إنه عندي أرضين للإستثمار التجاري في مدينة الدوحة الأولى في مدينة الطاقة .. واللي راح تكون فيها بورصة الطاقة العالمية .. وهي على بوابة البورصة مباشرة في وجه شارعين رئيسيين بمساحة 3841 متر مربع .. مصرحه تجاريا للبناء بإرتفاع ثلاثة أدوار مع مواقف السيارات .. الفوت الواحد ب 1900 ريال قطري .. ولا أقبل أي نوع من الوساطات .. التعامل مع المشتري مباشرة ..

والأرض الثانية في منطقة الوسيل التجاريه .. على شارع رئيسي .. ومن مزايا الأرضين قربهم من مدينة اللؤلؤة .. و المارينا .. وهما فرصة للمستثمرين

تقبلوا تحياتي ​

 

[Balool]

اخوي الاولى سعرها 5.5 مليون دينار كويتي عدل؟
شاكر لك

 

[QATAR vIp]

لا .. 6 مليون دينار يا خوي .. أنا بايع .. والله يوفق الشاري
وصدقني يا خوي .. آجار المبنى الواحد بعد ما تبني .. مليونين و500 ألف ريال قطري
هذا في الوقت الحالي .. وطبعا هالسعر لمنطقه قريبه من المنطقه اللي فيها الأرض ..
يعني أكيد إنه السعر راح يكون آكثر .. في مدينة الطاقه

في إنتظار ردك .. ألف شكر لك

 

[Balool]

الله يوفقك اخوي بس كنت حاب استفسر
موفق خير

 

[QATAR vIp]

يعني ما لك نيه في الشراء .. ؟

 

[Balool]

لا والله مالي نية .. يمكن تصير لي نية اذا شلت صفر من المبلغ

 

[QATAR vIp]

الله يوفقك أخوي .. شاكر لك سؤالك

 

[QATAR vIp]

وين المستثمرين

 

[الأرستقراطي]

شكرا اخوي قطر ،،، صارلي فترة أحاول استفسر وابحث عن أراضي في قطر على النت ومالقيت ،،، ودي بأرض استثمارية او سكنية عالبحر من الاراضي اللي لهم مستقبل وا سعارهم تحت ال 10 الف دينار ،،، من 5 سنين كان معروض علي بلوك 8 اراضي ب 50 الف دينار ،،، الحين اكيد سعره دبل ،،، ومشكور ،،،

 

[al.jamly91]

اخوى مافى اراضى اسعارهم تكون بين 10 الى 20 الف
شكرا

 

[QATAR vIp]

الإستقراطي ..
والله يا خوي هالأسعار بأراضي إستثماريه في طر كلها ما في .. أبدا .. اللي عندي هالأراضي اللس لهم مستقبل كبير .. وأهما قريبين من البحر .. لو لك رغبه إحنا حاضرين في اللي تبيه
تحياتي

 

[QATAR vIp]

الأخ الجاملي ..
والله لو استثماريه أو حتى سكنيه .. ما فيه .. يمكن تلاقي هالأسعار في عمان .. وبصراحه الاستثمار هناك ضعيف جدا

 

[QATAR vIp]

العرض لا زال قائم

 

[QATAR vIp]

??????

 

[* مواطن *]

استاذى الفاضل السعر اللى تقوله غالى جدا لو تشوف اراضى ارخص منها ولك منى كل الشكر

 

[الأرستقراطي]

أخوي قطر ،،، أحنا بالكويت نحب نستثمر بالعقار ،،، شوف أراضي راس الخيمة أغلب ملاكها كويتيين على أيام ما كانت الارض 500 متر على 5 الى 8 الاف دينار قبل 3 سنين والحين تحت ال 15 الف دينار ما اتحصل فلو عندك أراضي بعيدة عن المشاريع الحالية ولكن لها مستقبل بحدود ال 10 الى 20 الف دينار راح يطيرون منك بشهر ،،، وآنا أول واحد أبي بلوك كامل ،،، بالتوفيق ،،،

 

[QATAR vIp]

هلا .. اخووي .. والله شووف كلامك صحيح .. بس أنا شخصيا أدور الربح الكبير والسريع في نفس الوقت .. ولو جينا على الأراضي بالقيمه اللي تتكلم عنها ... نعم ممكن تلاقيها في الدوحة ولكن بمساحات لا تتجاوز ال 700 متر .. ومصرحة للسكن فقط .. هل تبحث عن مثل هذه الأراضي موجوده .. في إنتظار الرد

تحياتي

 

[الأرستقراطي]

هلا .. اخووي .. والله شووف كلامك صحيح .. بس أنا شخصيا أدور الربح الكبير والسريع في نفس الوقت .. ولو جينا على الأراضي بالقيمه اللي تتكلم عنها ... نعم ممكن تلاقيها في الدوحة ولكن بمساحات لا تتجاوز ال 700 متر .. ومصرحة للسكن فقط .. هل تبحث عن مثل هذه الأراضي موجوده .. في إنتظار الرد

تحياتي

بالتوفيق أخوي قطر ،،، وأنا أبحث عن سكني شرط اطلالة على البحر و 700 متر في الكويت تعتبر كبيرة ،،، شوف لنا بعض الاراضي السكنية في المناطق الجديدة و القريبة من المشاريع الاستثمارية كالمولات التجارية و الاماكن الترفيهية ،،،
وهذا رابط لجوجل ايرث لتحديد مواقع الاراضي عبر الستلايت نزله على جهازك لأنه مفيد ،،،

http://pack.google.com/intl/en/inte...=en-cdr-earth4&utm_medium=cdr&utm_campaign=en

 

[QATAR vIp]

؟؟؟؟؟؟؟؟؟؟

 

[QATAR vIp]

???
???
???