من يشرح لنا هالشغلة ؟

[بايعها]

السلام عليكم

نبي نعرف متى أبيع السهم إلي عليه ارباح

ابيعه قبل انعقاد الجمعية العمومية ؟؟ ولا بعد توزيع الارباح ؟؟

او ابيعه عند ذروة صعود السهم يوم انعقاد الجمعية ؟

لأن المعروف ان السهم بعد توزيع الارباح ينزل من قيمته بالسوق بنفس

قدر الربح تقريبا !!!

لاني بصراحة

شاري بالمخازن كمية حلوة وما ادري متى ابيعها خاصة انه في

طراطيش كلام ان الارباح على هالسهم قوية

هل انتظر تحصيل الربح واسهم المنحة بعدين ابيع ولا ابيع الحين ؟

فما هو التكتيك المناسب لجني اكبر ربح ؟

ودمتم

 

[saeed]

السلام عليكم

بما انه عندك كميه لاباس فيها انصحك تاخذ الوسط اذا شفت السهم وصل للذروه بيع جزء منهم واحتفظ بالنص الثانى وجذى انت مريح روحك ومرتاح وخير الامور الوسط
طبعا هذا الراي يعتمد على سعر شرائك للسهم والربح اذا كان مقنع وقت الذروه



والله الموفق

 

[قلنا لكم]

لاتبيع

نصيحتي لك اخ بايعها لاتبيع
صج انه راح ينزل بعد ان تعلن الشركه
يعني راح يتفصخ السهم بس لاتنسى ان اعلانات الربع الاول قريبه جدا جدا واعتقد انك سمعت عن ان ارباح المخازن بالربع الاول تعادل ارباح السنه الماضيه باكملها وهذا كفيل برفع السهم الى اسعار جديده
يعني اتظر لك شهر او شهرين بالكثير وراح تبيع وتاخذ الارباح وباسعار حلوووووووووووووووووووووووووووووه
وانت فكر اذا بعت وين راح تروح اكيد تبي تنتظر او تبي تدور على شركه جديده ومردك على المخازن فانا اقول احسن من انك تبيع وترد تشتريه بسعر غالي انتظر احسن
وعلى فكره الاعلان عن الارباح دايم يكون بعد التداول يعني
مثلا اذا اعلنت السبت وانت بعت السبت ماراح تاخذ الارباح
فانا اقترح عليك الانتظاااااااااااااااااااااار احسن
ولو نزل مايهم كلها جم يوم ويد وضعه الطبيعي
ولاتنسى ان الارباح قويه وحرام تفوتك

 

[الريان]

الارباح التي توزع هي هي التي يتم خصمها من السهم وانا عندي طريقه وراي بالنسبه للكميه القليله التي اقل من 50 الف سهم يبيع ويشتري من جديد اما الاكثر وخاصه التي يصعب تصريفها فا البيع مو زين له لانه لو باع ممكن مايحصل وايتعب على مايجمع السهم مره ثانيه وارجو تكون الصوره واضحه

وشكرا

 

[مستثمر فقير]

نعم

السلام عليكم


اذا كان الاستثمار علي المدي القصير ينصح ببيع السهم قبل تداول السهم بدون ارباح اما اذا كان الاستثمار علي المدي البعيد يمكن اخذ الارباح وانتظار حتي ينتعش السهم مره اخري

بغض النظر عن الكميه


المشكله انك ماتقدر تطبق اي نظريه علي جميع الاسهم لانه كل سهم له موال وان كان جميع الاسهم ملزومه بتنزل السهم بعد ما يتفسخ بس بعض الشركات ما تصدق خبر يخفسون بالسهم خفسه عنيفه مثل بيان

 

[بايعها]

شكرا شكرا يا شباب

اظن ان الصورة اصبحت واضحة الحين

ما قصرتم والله كفو