الحمدلله اني ماشريت

[مشاعل الزنكوي]

توني ماقلت بسم الله ابشتري توني يوم الاربعاء فاتحه حساب في السوق واليوم صاير شلون ها مادري حتى في وحده من الحريم طاحت علينا مغشيه بصراحه خفت لم شفت الاسعاف والعالم يشتكون قلت اروح افتح صالون نسائي افضل او خياط ماقول الا الحمدلله وبصرحه الحين متردده بدخول السوق مره ثانيه .

 

[50 فلس]

اختى مشاعل السوق يبيله قلب ما يتعب

 

[50 فلس]

ولا اقولج مشاعل افتى مطعم كشرى بمصر

 

[mae2326]

والله يا أخت مشاعل أنا خايف يجى اليوم اللى تتحسفين انك ما شريتى فيه لأنه هذا وقت الشراء وقت أنخفاض الأسهم تقدرين تحصلين أسهم بأسعار مغريه ولما ينتعش السوق ويرتفع السهم تبيعينه وهذا الشئ اللى الناس مو راضين يفهمونه لأنهم يشترون والسوق مرتفع ولما ينخفض السوق يبيعون ما أدرى منهو العبقرى صاحب هالنظريه

 

[محمد القطان]

الى ماى أيطيع أيضيع

صح الله السانك ياخوى كلامك عين الصواب نفس كل مرة مثل السنة التى مضت والكل تحسف على عدم الشراء ، أما عن الأستجواب فهى حجة ومثل ما يقملون من ليس له حيله فل يحتال و أطيح على روسنا أحنا ياالأصغار

 

[التكانة]

السالفة يبيلها قلب قوي والله

السلام عليكم

شوفي اختي مشاعل الله يبارك فيج الشراء بالأسهم يبيلها واحد عندة قلب قوي حيل وأول شي يحسب حساب الخسارة ويدش ويتوكل على الله ياخذ السهم المعروف بقوته ومعروف بأدائة ، وأعطيج مثال يعني بالسوق - سوق البورصة - عندهم مقوله اللي مايملك الأنابيب مينون مع إحترامي للجميع والله ترى هذي مو كلمتي ، المهم ليش قالوا جذي لأن هالسهم فعلا قوي وأثبت إن قوي بالنزله هذي اللي احنا فيها ، ومن الأسهم القوية فعلا المخازن وأغلب السوق يتملكها ، ولكن الواحد اللي عندة كاش الحين عسى الله يرزقة لأن إذا ارتفع السوق راح يشلع فوق ولكن مايشتري الحين الواحد ينطر يشوف هل النزول مستمر ولا بعد لي بدى ينطلق اهني وقت الشروة

وفي شي وايد يضيق الخلق يا اخوان اللي عنده اسهم خسران فيها الحين لا يبيع ينطر والله أفضل له وآنا عن نفسي والله لو يوصل السهم فلس ماراح أبيعه أخليه لين يرد فوق السعر اللي ماخذه فيه .

آخر نصيحة كل واحد يحط له سقف معين لي وصل له السهم خل يبيعه ولا يطمع وعلى قولت المثل طير بيدك ولا عشرة بالشجرة وعسى الله يوفق الجميع لما يحبة ويرضاه ويرزقنا وياكم الرزق الحلال

 

[almotaktak]

ارشح هذه الأسهم

في اسهم ممتازة ما تخوف حتى لو سكرت البورصة لا سمح الله كل اخر سنه تاخذين منها ارباح تعادل 10 بالمئة على الأقل يعني ايراد ايجار عقار مثل بيت التمويل عند سعر 1200 والصناعات الوطنية من 570- 600 واسمنت الكويت عند مستوي 520 لأن الهيئة العامة للإستثمار باعت حصتها منه في شهر 5/2003 بسعر 520 وباكتتاب بالبطاقات والتعليمية عند سعر 300 وفي وكل مستثمر له اسهم خاصة يراقبها ويعرف وين توقف بالإرتفاع أو النزول قبل حتى ما تعلن جلوبل بالجريده وشكرا .

 

[zen74]

الصبر مفتاح الفرج....اخوانى انصحكم بالتمسك بالاسهم وعدم التسرع وبيع الاسهم لان الكبار مربحهم الاساسى فى هذه المرحله لان الكل متخوف ووده يبيع حتى لو بخساره هذا الشى الى يبونه

 

[عبدالعزيز]

Re: ارشح هذه الأسهم

الرسالة الأصلية كتبت بواسطة almotaktak
في اسهم ممتازة ما تخوف حتى لو سكرت البورصة لا سمح الله كل اخر سنه تاخذين منها ارباح تعادل 10 بالمئة على الأقل يعني ايراد ايجار عقار مثل بيت التمويل عند سعر 1200 والصناعات الوطنية من 570- 600 واسمنت الكويت عند مستوي 520 لأن الهيئة العامة للإستثمار باعت حصتها منه في شهر 5/2003 بسعر 520 وباكتتاب بالبطاقات والتعليمية عند سعر 300 وفي وكل مستثمر له اسهم خاصة يراقبها ويعرف وين توقف بالإرتفاع أو النزول قبل حتى ما تعلن جلوبل بالجريده وشكرا .

تعقيبي بنسبه للاخ انه تصحيح معلوماته عن اسمنت الكويت حيث انه كان من المفترض ان تبيع هيئه العامه للاستثمار حصتها في اسمنت الكويت خلال تلك الفتره ولكن تم التاجيل اكتتاب الي اجل غير مسمي حيث انه في هذي الفتره شهد السوق انخفاض شديد مما ادي الي نزول السهم اكثر من سعر المعروض للاكتاب فرأت الهيئه عدم الفائده لها من عرض حصتها في الاكتتاب وتم التاجيل
وشكرا لكم

 

[almotaktak]

شكرا أخ عبدالعزيز

أشكرك اخي عبدالعزيز على هذه المعلومة القيمة لأنني سافرت عندما أعلنو عن طرح الإكتتاب بأسمت الكويت والسعر وعدت في شهر 9 وكنت أعتقد أن الإكتتاب تم