اخوي عمر بارك الله فيك وفي جهودك
يعجبني فيك وضع النقاط على الحروف بالشارتات الحلوه
كسر القاع السابق امر بالغ الخطوره ونبهت عليه سابقا
يوم قال يونكس حق واحد من الربع اي سعر تحت هالقاع اشتره
وعارضته في حينه ان الامر فنيا خطأ فادح ينم عن سوء النوايا
بارك الله فيك ولاتخلينا في الساحه وجود بماعندك
الله يجعلها في ميزان حسناتك ان شاء الله
أخوي لا أعلمك الأخلاق فأنت تعرفها, ولا أعلمك العيب فأنت تعرفه ولله الحمد
لكن مايصير تقول يونكس وربعه وتجمعنا وكأننا مسوين شي غلط
أخوي يعني عشان يونكس كتب بالصفحه, انت تشوف هالملايين بالأدنى ؟ حجي العارض يملك كميات كبيره, ومتعمد يضغط السهم, السبب أبدا ماهو يونكس
بالنسبه لطلبك منه بالتوضيح بالشارت, يونكس كان يتكلم عن التحليل الأساسي للسهم أولا, فهذا مايحتاج شارت
وكان ينبه عنه من ال 900 و 800 فلس, والمحظوظ الي سمع كلامه, والله يعين الي مستثمر بالسهم. وبالنسبه لكلامه بأنه السهم عنده هدف 164, سبق وتناقشنا بإستخدام تحليل فني بأن قاع السهم الأخير هو 164, ولهذا اختصر الحديث يونكس وقالك القاع.
بالنسبه لكلامك بأن مؤشرات السهم ايجابيه, انا اقولك هذا الكلام 100% خطأ, ولا تعتمد فقط على متوسطات الأسعار وتجمعها على أنها مؤشرات ايجابيه, أخوي ال MFI بالقمه ولازم ينزل وهذا سلبي, ال Momentum ماشوف فيه شي ايجابي, ال CCI وال RSI ماشوف فيهم شي ايجابي, مؤشر ال Williams ماشوف فيه شي ايجابي لأنه ارتد وصعد السهم وخلص وايجابيته انتهت بالنسبه لي. أخوي انا انصحك تتعلم التحليل الفني اكثر حتى تتقنه, كلنا عندنا سلبيات ويجب ان نصححها, حتى انا عندي الكثير من السلبيات وان شاء الله اصححها, ولكن من خلال قرائتي لمشاركاتك, اشوف ان ينقصك الكثير ياخوي
وشلون الفجوات تصير دعم ومقاومه ؟ للأمانه أول مره اسمع فيها
السهم عنده مقاومة حاليه على 250 فلس, وهو حالياُ يسبح تحت دعم قناة البولنجر باند الوسطيه. ونبهت منها سابقاُ وقلت اذا كسرها خروج, وقلت بأن السهم راح يكون عليه عروض بالملايين بالأدنى من غير طلب, وفعلاُ مثل الي قلته صار
وهناك مقاومات قويه جداً, متى ماتعداها أقول الدخول الآمن ان شاء الله. بالنسبه لي اذا وصل السهم 164 فهو يعتبر مغري للشراء, واذا كسر ال 164 راح يطول تحت والله أعلم. ولكن صدقني اني اتمنى من كل قلبي ان مايوصل هذا السعر عشان اخواني الي شارين السهم مايضيق فيهم الصدر.
وفي النهايه احب اقولك لا يونكس, ولاعشره من اشكال يونكس واشكالي يقدرون ينزلون السهم عشان خسارة شخص.
أذكرك بحديث خير الخلق عليه وعلى آله أفضل الصلاة والسلام:"يا غُلامُ إني أُعَلِّمُكَ كَلِماتٍ: احْفَظِ اللَّهَ يَحْفَظْكَ ، احْفَظِ اللَّهَ تَجِدْهُ تُجاهَكَ ، إذَا سَألْتَ فاسألِ اللَّهَ ، وَإِذَا اسْتَعَنْتَ فاسْتَعِنْ باللَّهِ , وَاعْلَمْ أنَّ الأُمَّةَ لَوِ اجْتَمَعَتْ على أنْ يَنْفَعُوكَ بِشَيْءٍ لَمْ يَنْفَعُوكَ إِلاَّ بِشَيْءٍ قَدْ كَتَبَهُ اللَّهُ لَكَ ،
وَإِنِ اجْتَمَعُوا على أنْ يَضُرُوكَ بِشَيْءٍ لَمْ يَضُرُوكَ إِلا بِشَيءٍ قد كَتَبَهُ اللَّهُ عَلَيْكَ ، رُفِعَتِ الأقْلامُ وَجَفَّتِ الصُّحُفُ "
الواحد يقول الحمدلله على ماكتب والحمدلله على كل حال, ولاتكسب ذنوب بإتهامك لإشخاص قد تكون انت ظالمهم وانت ماتدري
بالتوفيق