‏يوجد شارع في المانيا في ميونخ تحديدا اطلق‏عليه ... ؟

[yoyo1983]

بـلاد‏الخيـر والعطـاء ..


" ‏الكــويـت "


بعض الدول المحبه للكويت ؟

‏وهذي بعض من الشوارع والاماكن‏التي حصلت على معلومات عنها






*‏يوجد شارع في المانيا في ميونخ تحديدا اطلق‏عليه


‏اسم الشيخ جابر وشارع اخر في برلين اطلق عليه اسم الكويت






*‏يوجد مطعم من اكبر المطاعم في هولندا اطلق عليه صاحبه اسم الكويـت


‏حينما سألوه لماذا قال فضل الكويت علينا كبير وتحديدا اسرتي






* ‏توجد‏مكتبه في لندن من اكبر المكاتب في لندن اطلق صاحبها عليها فري كويت


‏قالو‏لماذا اطلقة هاذا الاسم


‏قال اثناء تحرير
‏الكويت انتهيت من المكتبه‏وعجبتني الكويت وسميته الاسم عليها






* ‏يوجد جسر في اليونان مطلقين عليه اسم‏الكـويـت






* ‏وتوجد منطقه سكنيه في اليونان اطلقوا عليها اسم الراحل جابر‏الخير





* ‏يوجد نادي في دولة المكسيك مطلقين عليه اسم الكويت لأن الكويت‏انجزت هذا النادي


‏واحترام لها سموا النادي باسم الدوله






* ‏توجد‏قريه في الصين اطلقوا عليها اسم الكويت لأن الكويت عمرتها من بعد الزلازل






* ‏يوجد متحف علمي في البرازيل اطلق عليه اسم الكويت بسبب عطاء الكويت للبرازييل






* ‏توجد سفينه من اكبر السفن في برشلونه اطلقوا عليها سفينة فري كويت






* ‏توجد حديقه سياحيه من اكبر الحدائق في البرتغال مطلقين عليها اسم الكويت‏




* ‏واخر شي هو كتاب كتبه الكاتب مايكل

‏ميشيل الماني الاصل كاتب اسمه






** ‏الـكويت من افعالها احبها الجميع **


‏اشترا هذا الكتاب12 مليون انسان






((‏يحميـج ربـــ البيـت من كـل طامـع وحـاسد))


‏يا أفضل وطن بالكون


‏الله يرحمك ياشيخنا جابر الخير ويدخلك فسيح جناته يارب .. ​

 

[نوط بو 1000]

هذاك أول و الأول تحوّل..!!

للأسف صرنا شعب منبوذ مادري ليش..

و الدليل سألوا الطلبه إللي يدرسون بالخارج..

ماقول غير الله يرحمك يا بابا جابر.

 

[TAHOE]

اترابج احنا انبوسه ولو يحصل ما اندوسه يالله عساج محروسه يا ديرتي كويت يا ديرتي يا كويت

مشكوره يا سويتوه

 

[برميت]

هذي الكويت صل علي النبي


يعطيج الف عافيه ليلا علي الجهود الطبيه بارك الله فيج

 

[نوط بو 1000]

اترابج احنا انبوسه ولو يحصل ما اندوسه يالله عساج محروسه يا ديرتي كويت يا ديرتي يا كويت

مشكوره يا سويتوه

ديرتنا غاليه علينا مافي شك و بدونها ما نسوا شي و الدليل حالنا وقت الغزو..

لكن أنا أتكلم عن نظرة الشعوب الثانيه تجاه الشعب الكويتي..

ماعتقد حالياً ممكن دوله تسمي منطقه أو شارع بإسم الكويت أو شخصيه كويتيه..

ولا أعتقد في شخص ممكن يسمي محله أو مطعمه بأسم الكويت أو شخصياتها..

أقول هالكلام من واقع تجربتي و تجارب إللي حواليني و إذا تعرفون طالب يدرس في أي دوله سألوه.

 

[TAHOE]

ديرتنا غاليه علينا مافي شك و بدونها ما نسوا شي و الدليل حالنا وقت الغزو..

لكن أنا أتكلم عن نظرة الشعوب الثانيه تجاه الشعب الكويتي..

ماعتقد حالياً ممكن دوله تسمي منطقه أو شارع بإسم الكويت أو شخصيه كويتيه..

ولا أعتقد في شخص ممكن يسمي محله أو مطعمه بأسم الكويت أو شخصياتها..

أقول هالكلام من واقع تجربتي و تجارب إللي حواليني و إذا تعرفون طالب يدرس في أي دوله سألوه.

ليش شنو السبب

انا اعتقد ان السبب الرئيسي هو الحسد اللي مالي قلوب شعوب بعض الدول !!!
وله ما في سبب مقنع لهذا الكره

الحمدلله خير الكويت واصل من اقصاها ليه ادناها -- يقولون ان الكويتيين شافين نفسهم ومتكبرين ,, ليش التعميم ,, عاد والله يمكن لو اتلف الارض ما تلقى اطيب ولا انخى من الشعب الكويتي ,, كرم ,, حشيمه ,, ثقافه ,, اصول < مو شركة اصول > اتكيت
بس اهوه الحسسسسسسسسسسسسسسسد

 

[Bo_Fahad_Q8]

سبحان الله على الرغم من الكويت عطت هالدول القليل ،، الا انهم على الاقل ردوا الجميل .. لانهم ناس محترمين والله ..

اما الدول العربية التعبانة ،، ما له داعي اذكر اساميهم ،، كلكم عارفين اي الدول المقصودة ،، يا خذون من الكويت الفلوس ،، وبعد هذا يشتمون الكويت حكومة وشعبا ،، مع الاسف ***** يظل طول عمرة وصخ وما يتغير. (ما ني ذاكر الكلمة احتراما للمنتدى)

هذاك أول و الأول تحوّل..!!

للأسف صرنا شعب منبوذ مادري ليش..

و الدليل سألوا الطلبه إللي يدرسون بالخارج..

ماقول غير الله يرحمك يا بابا جابر.

حبيبي انا ادرس برة ،، انا ادرس في كندا صارلي اكثر من 5 سنوات ،،


والله العظيم وبدون اي مبالغة ،، الناس معاي قمة في الاحترام ،، خصوصا لما يدرون اني من الكويت ،،


لانهم يدرون ان الكويت بلد منفتح ويساعدون الغير ،،


احنا محنا شعب منبوذ بالعكس ،، روح كل دول العالم بالشرق والغرب وتأكد بنفسك ،،


لكن بالدول العربية التعبانة ،، وانت عارف اي دول اقصد ،، هم اللي يحقدون عليك وينصبون عليك ،، ويتمنون زوال نعمتك ،،


اللي بقولك اياه اخوي ،، احنا محنا منبوذين ،، العكس تماما ،، لان الاجانب ناس محترمين والله ،، اما الانذال وناكرين الجميل ،، فهم معروفين للكل هم اللي ينبذونك ويحقدون عليك ..​

 

[نوط بو 1000]

ليش شنو السبب

انا اعتقد ان السبب الرئيسي هو الحسد اللي مالي قلوب شعوب بعض الدول !!!
وله ما في سبب مقنع لهذا الكره

الحمدلله خير الكويت واصل من اقصاها ليه ادناها -- يقولون ان الكويتيين شافين نفسهم ومتكبرين ,, ليش التعميم ,, عاد والله يمكن لو اتلف الارض ما تلقى اطيب ولا انخى من الشعب الكويتي ,, كرم ,, حشيمه ,, ثقافه ,, اصول < مو شركة اصول > اتكيت
بس اهوه الحسسسسسسسسسسسسسسسد

والله ياخوي أنا نفسي ماني عارف السبب و يمكن الحسد يكون سبب رئيسي..

أنا لما قريت هالموضوع على طول راح في بالي إن هالشي مستحيل يصير الحين،،

و الدليل شوف أغلب الأسامي فري كويت و جابر الخير و هالشي يدل على الفتره الزمنيه إللي تمت فيها هالتسميات..

أنا متألم من هالشي لأني أحس فيه بشكل واضح و دائم لإحتكاكي المتواصل مع الشعوب الثانيه خلال سفري أو أعمالي أو أثناء دراستي.

 

[نوط بو 1000]

سبحان الله على الرغم من الكويت عطت هالدول القليل ،، الا انهم على الاقل ردوا الجميل .. لانهم ناس محترمين والله ..

اما الدول العربية التعبانة ،، ما له داعي اذكر اساميهم ،، كلكم عارفين اي الدول المقصودة ،، يا خذون من الكويت الفلوس ،، وبعد هذا يشتمون الكويت حكومة وشعبا ،، مع الاسف ***** يظل طول عمرة وصخ وما يتغير. (ما ني ذاكر الكلمة احتراما للمنتدى)

حبيبي انا ادرس برة ،، انا ادرس في كندا صارلي اكثر من 5 سنوات ،،


والله العظيم وبدون اي مبالغة ،، الناس معاي قمة في الاحترام ،، خصوصا لما يدرون اني من الكويت ،،


لانهم يدرون ان الكويت بلد منفتح ويساعدون الغير ،،


احنا محنا شعب منبوذ بالعكس ،، روح كل دول العالم بالشرق والغرب وتأكد بنفسك ،،


لكن بالدول العربية التعبانة ،، وانت عارف اي دول اقصد ،، هم اللي يحقدون عليك وينصبون عليك ،، ويتمنون زوال نعمتك ،،


اللي بقولك اياه اخوي ،، احنا محنا منبوذين ،، العكس تماما ،، لان الاجانب ناس محترمين والله ،، اما الانذال وناكرين الجميل ،، فهم معروفين للكل هم اللي ينبذونك ويحقدون عليك ..​

كلامك في جزء كبير من الصحه..

محد ينكر إن العرب لهم نصيب الأسد في كراهيتهم للشعب الكويتي..

و أنا أشوف إن الأعلام المدفوع الأجر من المقبور صدام كان له أثر كبير بتسميم عقولهم ضد الكويت و شعبها..

و بالمقابل إعلامنا الهزيل مو قادر أساساً إنه يقنع الشعب الكويتي عشان يقدر يقنع إللي بالخارج..

و بالتالي نشأ جيل عربي جديد مغسول مخه ضد الكويت من بداية التحرير إلي يومنا هذا.

 

[Bo_Fahad_Q8]

كلامك في جزء كبير من الصحه..

محد ينكر إن العرب لهم نصيب الأسد في كراهيتهم للشعب الكويتي..

و أنا أشوف إن الأعلام المدفوع الأجر من المقبور صدام كان له أثر كبير بتسميم عقولهم ضد الكويت و شعبها..

و بالمقابل إعلامنا الهزيل مو قادر أساساً إنه يقنع الشعب الكويتي عشان يقدر يقنع إللي بالخارج..

و بالتالي نشأ جيل عربي جديد مغسول مخه ضد الكويت من بداية التحرير إلي يومنا هذا.

حبيبنا مو بس الاعلام السبب ،،

هم اصلا يكرهون الخليجيين بشكل عام مو بس الكويت ،،

اخذها مني ،، هم يحقدون عليك ،، ليش انت الله رازقك وهم لا .. ؟ ،، ليش انت عندك فلوس وهم لا ؟

والدليل على ان مو بس الاعلام السبب ،، انهم مو بس يحقدون على الكويتيين ،،

هم يحقدون على السعوديين وعلى الاماراتيين وعلى القطريين وكل دول الخليج ،،


على سبيل المثال ،، شوفهم بمنتدياتهم شلون يسبون السعودية والسعوديين ،، ويطعنون بملكهم وشخصياتهم ،، والله العظيم حقد ما بعده حقد ،،


ادخل مواقعهم او اليوتيوب بالتعليقات ،، وشوفهم شلون يحقدون ويشتمون الخليج كله .. بمناسبة او غير مناسبة ،،


مرة ثانية ،، مو بس الاعلام وصدام السبب ،،

هم بالاساس يكرهون الشعوب الخليجية كلها ،، وحقد والله العظيم اعمى ،،


والله ان الغريب الاجنبي محترم ووفي اكثر منهم بمليون مرة ،، ​

 

[نوط بو 1000]

حبيبنا مو بس الاعلام السبب ،،

هم اصلا يكرهون الخليجيين بشكل عام مو بس الكويت ،،

اخذها مني ،، هم يحقدون عليك ،، ليش انت الله رازقك وهم لا .. ؟ ،، ليش انت عندك فلوس وهم لا ؟

والدليل على ان مو بس الاعلام السبب ،، انهم مو بس يحقدون على الكويتيين ،،

هم يحقدون على السعوديين وعلى الاماراتيين وعلى القطريين وكل دول الخليج ،،


على سبيل المثال ،، شوفهم بمنتدياتهم شلون يسبون السعودية والسعوديين ،، ويطعنون بملكهم وشخصياتهم ،، والله العظيم حقد ما بعده حقد ،،


ادخل مواقعهم او اليوتيوب بالتعليقات ،، وشوفهم شلون يحقدون ويشتمون الخليج كله .. بمناسبة او غير مناسبة ،،


مرة ثانية ،، مو بس الاعلام وصدام السبب ،،

هم بالاساس يكرهون الشعوب الخليجية كلها ،، وحقد والله العظيم اعمى ،،


والله ان الغريب الاجنبي محترم ووفي اكثر منهم بمليون مرة ،، ​

بو فهد يمكن أنا ما قدرت أوصل لك وجهة نظري..

بعطيك مثال : منو أكثر شعب خليجي منبوذ من شعوب الخليج الثانيه..؟

شي بديهي الكويتيين منبوذين من كل شعوب الخليج و يسمونا يهود الخليج و أنا ما أعمم لكن نسبه كبيره منهم..

أنا دايماً أحضر مناسبات خليجيه تضم ناس من كل دول الخليج و دايماً أشوف الخليجيين تعاملهم بينهم و بين بعض يختلف عن تعاملهم مع الكويتي و دايماً ماخذين فكره مسبقه عنه قبل ما يتكلم معاهم..

و هالشي دليل على إن الحسد مو هو السبب الرئيسي لأن دول الخليج كلها طافتنا بجميع المجالات و مافي سبب يحسدونا عليه..!!

أنا بس حبيت أنقل لكم إحساسي يمكن ألاقي عندكم سبب لهالكراهيه.

 

[Bo_Fahad_Q8]

اخونا

بو فهد يمكن أنا ما قدرت أوصل لك وجهة نظري..

بعطيك مثال : منو أكثر شعب خليجي منبوذ من شعوب الخليج الثانيه..؟

شي بديهي الكويتيين منبوذين من كل شعوب الخليج و يسمونا يهود الخليج و أنا ما أعمم لكن نسبه كبيره منهم..


اخوي انت حدك حدك حدك غلطان وللمرة الرابعة اقولك اياها انت حدك ،، غلطان ،، وبقوة كبيرة بعد ،، أسالني !


أنا دايماً أحضر مناسبات خليجيه تضم ناس من كل دول الخليج و دايماً أشوف الخليجيين تعاملهم بينهم و بين بعض يختلف عن تعاملهم مع الكويتي و دايماً ماخذين فكره مسبقه عنه قبل ما يتكلم معاهم..



اول مرة بحياتي اسمع هالكلام ،، العكس تماما تماما ،، شوف اخوي انا راح اجاوبك من واقع تجربه طويلة ،، الاماراتيين يحبون الكويتيين بشكل مو طبيعي ،، يحبونهم اكثر من السعوديين والقطريين ،، ونفس الشي السعوديين ،، يحبون الكويتيين بشكل كبير ويفضلونهم كتعامل عل كل البلدان الخليجية ،، ونفس الكلام بالنسبة للبحرينيين ،، وايد وايد يحبون الكويتيين. كلامك هذا اول مرة اسمعه بحياتي ! فعلا غلط * غلط !!



و هالشي دليل على إن الحسد مو هو السبب الرئيسي لأن دول الخليج كلها طافتنا بجميع المجالات و مافي سبب يحسدونا عليه..!!


لا سلامتك اخوي ،، بالنسبة للتطور ،، استثني فقط الامارات وقطر ،، اما البحرين - السعودية - عمان ــ الله يكون في عونهم والله ،، وين طافونا ،، السعوديين والبحرينيين مساكين مو لاقين وظايف ولا معاشات ،، عندي صداقات كثيرة بالبحرين والسعودية ،، وين سابقينا الله يهداك ،، صحيح انه الكويت تراجهت وايد ،، لكن الى الان ما تقارن الكويت مع السعودية او البحرين او عمان ،،



ثانيا .. حبيبي انا كنت اكلمك بمشاركتي السابقة عن حقد وحسد الدول العربية الغير خليجية للكويت والخليج ،، ما هو ان الخليجيين يحقدون على الكويتيين !


أنا بس حبيت أنقل لكم إحساسي يمكن ألاقي عندكم سبب لهالكراهيه.


اخوي انت احاسيسك فيها اخطاء جسيمة وكلها غلط مع احترامي لك ،، انا اول مرة بحياتي اسمع هالكلام ،، العكس تماما هو الصحيح !

 

[نوط بو 1000]

اخونا

بو فهد لاحظ بكلامي إني ما عممت عالجميع و أنا أدري إنك كنت تتكلم عن العرب لكن أنا حبيت أضرب لك مثال على الخليج عشان أستبعت الحسد من الموضوع..

انا مابي أبين لك مستوى تعاملي مع الإخوان بالخليج ولا صلة القرابه إللي تربطني فيهم..

و يمكن لأني حيل قريب منهم يطلع إحساسهم الحقيقي بدون أقنعه و يصارحوني بشعورهم تجاهنا..

المشكله إن بعضهم في البدايه ما يتنزل يسلم و دايماً المبادره تكون مني و لما تطيح الميانه يقول لي ياخي نسمع عنكم وايد مغرورين أرد عليه منو المغرور فينا إنت مريت يمي ما سلمت و أنا جيتك لين عندك أسلم عليك يقول لي من كثر الكلام إللي سمعته عن غروركم خفت أبادرك بالسلام و ترد ببرود أو غرور..

في ناس ما تعاملوا مع الكويتيين لكن تلاقيه ماخذ فكره مسبقه عنا أن مغرورين و شايفين نفسنا و ما عندنا غاريه على أهلنا (طبعاً من إللي يشوفونه بالمسلسلات)..

تدري إن كلهم يستغربون لما يدرون إن الكويت مافيها بارات و مراقص..؟! يقولون كل هالفساد إللي نشوفه بمسلسلاتكم و ما عندكم شي..؟!

بالنهايه أستنتجت إن فكرة غرور الكويتيين جايه أكثر شي من أحتكاك الطلبه الكويتيين بالخليجيين بالخارج أيام الدراسه و بصراحه معاهم حق أغلب الطلبه الكويتيين و خصوصاً إللي يدرسون على حسابهم بالدول الأجنبيه يكون فيهم غرور حتي على ربعهم الكويتيين و ما يعرفون المواجيب ولا الأصول و هذول فئه أظن تعرفونها هي إللي سببت هالنظره للكويتيين عند إخواننا الخليجيين فتلاقيه يرجع ديرته بهالفكره و ينقلها لأهله و ربعه و أغلب معارفي الخليجيين إللي درسوا بالخارج قالولي عن مواقف صارت لهم مع كويتيين أيام الدراسه و سبحان الله كل ما أسأل عن إسم هالكويتي يكون من نفس الفئه أو الطبقه إللي الكل صاير له موقف مع المنتمين لها..!!

 

[rakan_yes]

برلين
اممممممممممممممممممممم

ماعمري سمعت فيه هالشاارع

كنت في المانيا وبصراحه اترد عليها بين فتره وفتره

تقبلي مروري
ابورااشد

 

[rakan_yes]

مينشن يعني ميونخ بالدويتش

لا مافي

والله اعتقد مو متاكد بس انا لفيتهاا
انجان مسمينه بشارع صغير مو معروف الله اعلم

تقبلي مروري
وتصحيحي

 

[zoya_y]

منهو مثـــــــــل الكويت ... أكبر من المحنه ... الله عليك ياوطن
منهو مثـــــل الكويت ماينحني أبدا إلا لرب البـــيت

وشكرا للأصدقاء في العالم شكرا ... كويت فري كويت

 

[نوط بو 1000]

منهو مثـــــــــل الكويت ... أكبر من المحنه ... الله عليك ياوطن
منهو مثـــــل الكويت ماينحني أبدا إلا لرب البـــيت

وشكرا للأصدقاء في العالم شكرا ... كويت فري كويت

غبااااااااااار

Thanks For All The Friends In The World.. Thanks

ميرسي .. جوتي بدون دلاغ .. ميرسي <-- توهق البطل

والله صج أيام كانت أيام التحرير

الإنسان بدون وطن ما يسوا شي والله الحمدلله على هالنعمه.

 

[جورج المطيري]

والله الاوضاع كلها تغيرت وعمر الفلوس ماتشترى النفوس الناس محتاجين مواقف مو فلوس
والدليل ايام الغزو اول ناس خونوا الى احنا عطيناهم بالهبل سياسة التسمين فشلت
الحب بوقتنا هذا يجي من الرياضه من الانجازات العلميه من مواقف سياسية ثابته من الاعلام من تعاون اقتصادي وعلى سبيل المثال لا الحصر انا اجزم ان اكل يحترم جنوب افريقيا اسئل نفسك ليش راح تلقي الاجابه كفاح نيلسون مانديلا كفاح رئيس خلاك تحب البلد كله او على الاقل تحترمه
الكل يحترم البرازيل والسبب كرة القدم وكذلك الارجنتين لنفس السبب الكل يحترم مصر مع ان شعبها مش ولا بد لكن رئيسهم مواقفه السياسية ثابته وصادقه عشان جذى حبينا مصر

 

[نوط بو 1000]

والله الاوضاع كلها تغيرت وعمر الفلوس ماتشترى النفوس الناس محتاجين مواقف مو فلوس
والدليل ايام الغزو اول ناس خونوا الى احنا عطيناهم بالهبل سياسة التسمين فشلت
الحب بوقتنا هذا يجي من الرياضه من الانجازات العلميه من مواقف سياسية ثابته من الاعلام من تعاون اقتصادي وعلى سبيل المثال لا الحصر انا اجزم ان اكل يحترم جنوب افريقيا اسئل نفسك ليش راح تلقي الاجابه كفاح نيلسون مانديلا كفاح رئيس خلاك تحب البلد كله او على الاقل تحترمه
الكل يحترم البرازيل والسبب كرة القدم وكذلك الارجنتين لنفس السبب الكل يحترم مصر مع ان شعبها مش ولا بد لكن رئيسهم مواقفه السياسية ثابته وصادقه عشان جذى حبينا مصر

 

[yoyo1983]

Tahoe


الفعو طال عمرك