السلة الخلفية حق الجيبات وين احصلها؟؟

[sasa911]

السلام عليكم

سلة العفش الخلفية

شنو اقوى نوع ويتحمل ومنو اللي يبيعة وبكم سعرة؟

وشكرا

 

[شركة قنفذ كمبني]

وعليكم السلام

اخوي اتحصلها عند شركة الغنام للزينه اللي بشارع كندراي عندهم اكثر من نوع

 

[مهم للغاية]

سؤال زايد

الله يوفقك اخوي بس عندي سؤال على طاري هالسلة
انا اشوفها اشكثر في شارع الزينة بالشويخ ... واسعارهم من 18 دينار الى 35 دينار على حسب النوع والكفائة...
لكن انا ودي اسأل كل من جربها ... او عنده خبر عنها...
هل تؤثر على السيارة من ناحية الاستخدام
يعني هل لها مضار او سلبيات ... انا اسمع انها تعور السيارة وتعور الجير والشاصي وغير امنه
وكل من يقول لي هالكلام اسأله انت جربت ؟؟ يقول لي انا سمعت..

تكفون شباب اللي عنده تجربة واقعية لا يبخل علينا ..
شنو تجربتكم مع السلة الخلفية ؟؟

 

[ولد عطا]

يا الحبيب انت مسافر على جيب ليش السله حاط يا اخي اشتر طربال من سوق السلاح وفيه مرابط وحطه فوق سيارتك السله هذي تاثر على عزم السياره تصير ثقيل كانك ساحب سياره ثانيه وانا انصح في الطربال امن من مطر وغبار وفوق السياره لا تاثير على عزم ولابلاش وشكرا للجميع

 

[keepintouch]

السلام عليكم

انا جربت هالنوعية و لمرة واحده فقط عند ذهابي للشاليه على سيارة سوبربان وكان عندي امل انها عملية و يمكن الاعتماد عليها في السفر برا و لكن للاسف كان مصيرها المخزن في البيت بعد مشوار الشاليه

الاسباب:

1 عدم اتزانها اثناء السير وذلك لانها تركب على حمالة ((عامود)) واحده في منتصف السيارة لذا فهي غير ثابته 100/100 (( للعلم توجد نوعية ممتازة في المملكه العربية السعودبة تركب على شاصي السيارة بنفس الطريقة و لكن على عمودين لضمان الاتزان وكذلك لتحمل الاحمال الكبيرة هذا هو الفرق بينها وبين الموجودة في الكويت )).

2. حمولتها ليس كما تتوقع فهي لا تتحمل اوزان كبيرة ويمكنك ملاحظة ذلك عند معاينتها على الطبيعة (( لاحظ سمك الحديد))

3. للعلم فقط: عليها مخالفة سواء كانت مفتوحة او مرفوعه .

4. قابلة للصدء و ذلك لانها مصنعة من الحديد العادي واسال البائع بنفسك.

5. عند المطبات الله يعينك : راح تحس بانك راكب هاف لوري (( بتعيش على اعصابك))

اعود فاقول لك ان كنت ترغب بالشراء انصحك بالسلة المصنعة في السعودية من حيث الثبات والكفاءة.اما المتوفرة بشارع الزينه فتنفعك فقط للاعمال الخفيفة

ارجو ان اكون اعطيتك فكرة واضحة

ودمتمـ بكامل الود

 

[F_16]

يالغالي والله مااانصحك فيها لانها راح تنكسر معاك
اخوي فصل وحده فولاذ بـ165 وانكسرت وهو مسافر فـما انصحك فيها

 

[kw_tahoe]

حبيت اضيف مداخله

ترى السله الخلفيه لها حموله معينه في امريكا يستخدمونها حق رحلات قصيره ويحطون فيها ايس بوكس و وشغلات جدا خفيفه

بس ربعنا يحطون اجناط جامبو حتى طيارات صارو يمنعوهم من حجمها و الوزن اللي فيها

انا اقول السله العلويه اهي افضل مكان للحقائب السفر واكثر تثبيت و امان

 

[مهم للغاية]

بارك الله فيكم ونفع بكم

 

[زفررررر]

يعطيك العافيه يا اخوي في نوع يديد اتحصله في شارع الزينه سله تتركف من الخلف بس مومثل العاديه لا لها قاعدتين تتركب بالشاصي اقوى من العاديه انا عندي العاديه مع الوقت الاستعمال راح تنزل اشوي

 

[sjl71]

السلام عليكم

ياخوي انا شاري وحدة من شارع الزينه

بس تبي الصج مشاويري مو بعيده الشاليه وبس
ولا بسنه مره

بس سفر شكلها تخوف وايد

وانا سيارتي سوبر 25

بس انصحك انا جربت الجنطه الطربال على السلة السياره فوق

احسن وامن وايد
وانت في سفر الله يحفظك

ابعد عن الترهيم

وموفق يارب

 

[aref99]

مشكورين
هذي نصائح قيمه
كنت افكر اركب وحده ووولكن هونت

 

[بـ مـبـارك ـو]

السلام عليكم ....... اخواني افضل سلة للجيب والسوبرمانات اهي التفصيل أم قاعدتين على الشاصي مثل ماتفضل اخونا وقال عنها موجوده بشارع الزينه بالشويخ ب 65 دينار مع طربال وقفل اسم المحل النافوره ثاني تدخل شارع الزينه من صوب الاهليه وثاني لفه وتحصل المحل على ايدك اليمين بعد محلات الاستيكرات .... واذا تبيه من الحداد اعطيكم وصف محل الحداد ولازم ياخذ قياسات وسعره 55 من غير قفل وطربال ....... محل الحداد تدخل شارع الزينه من صوب شركه الاهليه وثاني لفه يمين وعقب ثاني لفه يسار تشوف الحداد على ايدك اليومين بجم محل......... وسامحونا حبينا نفيدكم ............. على فكره السله ام قاعدتين تتحمل 300 كيلو والله اعلم

 

[بور-صا]

مشكور بومبارك على المعلومة ..وياليت اللي جرب من الاخوان اي نوع من هذي السلة يفيدنا اكثر خاصة للسفر والسيارة سوبر مان

 

[saud101]

أخوانى جربت السلة الخلفية من الكويت للامارات والحمداللة ممتازة سواء بالخط أو المطبات وبالعكس أفضل من اللي فوق بتوفير البنزين والثبات فى الخط وترانى مجرب وكيفكم وسألت الوكالة(ميكانيكى خبرة ) قبل لاأركبها ونصحونى اللى بالخلف

 

[بور-صا]

اخوي سعود من وين شاري السلة اللي عندك ؟ وشنو نو ع سيارتك؟

وشكراا

 

[saud101]

أخوي سيارتي تاهو 2007 والسلة شاريها من المجد الاول الشويخ ولا أحسن منها حتي فى تنزيل الاغراض ما تضايق ولا تنسي أني شيكت مع الوكالة قبل أركبها

 

[بور-صا]

الله يباركلك فيها يارب ..والله ياخوك انا متردد في تركيبها ومحتار بين السلة اللي فوق والخلفية ..والله يكتب اللي فيه خير

 

[abdullah6868]

اخوي السلة العلوية احسن

 

[sasa911]

مشكورين اخواني بارك الله في الجميع

 

[صاحب الامتياز]

مساء الخير
اذا فيه احدعنده مستعملة لجيب سفاري تراني شراي(اللي تركب بالشاصي)
وسلامتكم