بشتري مسباح للوالد من وين اشتري ؟

[يعقوبيان]

السلام عليكم
ابي اشتري مسباح للوالد وما عرف من وين بالضبط
يا ريت للي يعرف محل زين يدلني
ابي كهرب اللي حباته دوائر الحجم الصغير
بكم يسوى تقريبا ؟

 

[دربيل]

السلام عليكم
ابي اشتري مسباح للوالد وما عرف من وين بالضبط
يا ريت للي يعرف محل زين يدلني
ابي كهرب اللي حباته دوائر الحجم الصغير
بكم يسوى تقريبا ؟

حياك الله اخوي

انا اعرف محل بمجمع الصالحية بالدور الاول على ما اعتقد

الي فاهمة انه عنده خوش مسابيح واسعارها غالية شوي

وسامحني على القصور

 

[meshal1974]

السلام عليكم,

في محل اسمه سوق الحميدية في المخازن اسمه أبوعبدالله سوري بس محله كل شي فيه
وعندك محل أبوخليل بعد في الشارع الجديد وين اليوسفي وسوني عند فندق البحرين (بعداد سابقا ) لما تروح هناك اسأل ويعينك الله محل الصالحية وايد غالي مو شوية عند السيد هناك بس خوش ريال والنعم فيه

 

[يعقوبيان]

مشكورين وما قصرتوا..

السلام عليكم,

في محل اسمه سوق الحميدية في المخازن اسمه أبوعبدالله سوري بس محله كل شي فيه
وعندك محل أبوخليل بعد في الشارع الجديد وين اليوسفي وسوني عند فندق البحرين (بعداد سابقا ) لما تروح هناك اسأل ويعينك الله محل الصالحية وايد غالي مو شوية عند السيد هناك بس خوش ريال والنعم فيه

اي واحد فيهم احسن مال المخازن والا الثاني ؟
بعدين اي مخازن تقصد المخازن الكبرى اللي فيها معرض كاسيو تحت ؟

 

[meshal1974]

المخازن الكبرى أخوي واذا تبي مسباح معين لازم تتعب عليه يعني تشوف مني ومناك يعينك الله .

 

[abu_fajer]

مثل ما قالوا لك الشباب

الشي الزين تتعب عليه

وتتراوح اسعارهم الحبات الصغارؤ بين 30 و 50

الله يكون بالعون وبالتوفيق

بوفجر

 

[mb34]

انا عندي مسباح كهرب حشري وعندي مسباح عين النمر

 

[يعقوبيان]

مو مشكلة انا ادور بس وين الاقي اشياء زينة
يعني اللي عنده او يعرف محل معين زين وخوش محل يدلني عليه واروح له

 

[koc-q8]

انا عندي مسباح كهرب حشري وعندي مسباح عين النمر

اخوي اذا مسابيحك للبيع ولا عليك امر تحط صورهم

 

[سعمران]

فيه محل لازق بظهر قهوة الوطن الى بشارع الغربللى راعيه سورى موقعه تقريبا ببداية شارع سوق السلاح يصير على أيدك اليمين وأنت متجهه لمحلات العطور بسوق السلاح .

 

[^^المطيري^^]

اخوي الكريم يعقوبيان
فيه مزاد في جبد اسمه مزاد الرامزي
يبيعون مسابيح جميع الانواع بسعر مناسب جدا
بس يبيلك واحد يعرف للمسابيح عدل
انا شفت المسابيح اشكالها حلوه
والوالد يستاهل
تقبل تحياتي

 

[abanos]

الله يحفظ الوالد

تبي نصيحتي شياب يستانسون للعاج مسباح طيب وسعره وفيه يبدأ من 25 الى 40 دينار

واذا تبي كهارب دور بسوق الديره تحصل الجرام من 1ونص الى دينارين واتعب على البولندي

 

[q8start]

هلا حبيبي

اولا اسعار الكهرمان تبدء للغرام من دينار وانت صاعد

ثاني شي اذا بتاخذ اول شي اخذ بولندي

وكل ماكان البياض فيه مع الاصفر معجن احسن واغلا ومع الايام والسنين يتغير لونه ويعطيك عروق الكهرب

ثالث شي يوم تاخذ حاول انه خرز المسباح تكون كلها متساويه مو متدرجه
وركز انه المسباح يكون كله من عرج واحد يعني من صخره وحده
موعوابر او من كذا صخره مسباح مفروز

رابع شي ابعد عن بوخليل نص بضايعه بلاستك
وشغله مومضبوط
بالمخازن تلقه كذا محل منهم الشايب بومحمد اعتقد اسم محله بوابه الشام
والثاني جباله اسمه مدين
واذا تبي الزين والي مايغشك اتعامل معاه صراحه وماشفت منه غش
بعماره الدوليه اسمه بودعيج بس مااذكر اسم محله والله

 

[saad1975]

اخوي تبي الشي الزين والرخيص ادل سوق المقاصيص ايبيعون ارخص من المحلات

 

[يعقوبيان]

مشكورين اخواني جميعا ما قصرتوا

q8start
صج بو خليل مو شي ؟
بنفس الشارع هذا مال سوني فيه محل داخل مجمع يصير جدام بهبهاني للساعات ، المحل بزاوية لواحد سوري نسيت اسم المحل صراحة ، هذا عنده بعد مسابيح احد فيكم يدله او يعرفه اذا زين او لا ؟

 

[q8start]

وعن تجربه بوخليل موشي
موقطع الارزاق يشهد الله بس واقع حصل معاي


انا عرفته هم زوين وهو توه يديد فاتح

اشتري منه بكلايت او مستكات بس الكهارب ماجربته
منه

معلومه هم لتعم الفايده

ترى خراطة المسباح تفرق بالسعر وايد

فخراطة ناجي غير الخراطه التركيه غير خراطة حميدو

الخ

 

[q8start]

للتوضيح

بس

هالمسباح كهرب بولندي ماعليه كلام عيبه تدرج الحبات بس شوف اول حبات واخر حبات تدرج بسيط
ومايعتبر عيب شرعي بالمسباح بس ينقال عنه بسوق السبح معيوب يعني الحبات الكامله المتساويه بيكون اغلى منه

اسف على الصوره بس عالسريع من موبايل



وشوف الثاني هم بولندي شفاف بس حبات متساويه

 

[abanos]

بو دعيج شغله مضبوط بس اسعاره شوي غاليه اغلى من السوق بشوي

بس الريال مضمون اخذ منه المسباح وانت امغمض

 

[يعقوبيان]

بو دعيج شغله مضبوط بس اسعاره شوي غاليه اغلى من السوق بشوي

بس الريال مضمون اخذ منه المسباح وانت امغمض

مشكووور وطمنتوني

 

[q8start]

abanos

صاج والله وانت مغمض اخذ منه وماشوفه غالي بالعكس سعر السوق ومايحب المفاصل