شركة مجموعة الصفوة ش.م.ك مقفلة قابضة ( الصفوة ) ....5

[abo ali 73]

محد رد

 

[حاطب ليل]

السلام عليكم ورحمة الله وبركاته

الصفوه كما هو بين بالشارت كسرت ثلاث ترندات صاعده وهي في ترند هابط الآن فمن كان ظهره على السعه فالسعه لابارك الله بالضيق ولا دخول إلا بعد كسر الترند الهابط وتجاوز الترند الصاعد الأوسط وبداية ترند صاعد جديد

القاعده الذهبيه

كسر ترند صاعد خروج
كسر ترند هابط دخول

لكن لا تعتقدون أنها سهله يبيلها قلوب رجال

 

[المانع]

ليش مجموعه الصفوه ب ؟؟

السلام عليكم

ياجماعه الخير شنو صاير بمجموعه الصفوه الى
عنده معلومه لايبخل علينه مومعقول وضع السوق مأثر
اكيد فى سبب بوضع هذى المجموعه ؟؟؟

 

[mar022]

السلام عليكم

ياجماعه الخير شنو صاير بمجموعه الصفوه الى
عنده معلومه لايبخل علينه مومعقول وضع السوق مأثر
اكيد فى سبب بوضع هذى المجموعه ؟؟؟

السهم أغلب أرباحه غير محققه !
وهذا شئ سلبي أخوي

 

[الراقي]

ليش يدوخون نفسهم والأجل مستوى على الأخر

 

[أبو باسل]

استفسار

ليش يدوخون نفسهم والأجل مستوى على الأخر

السلام عليكم الراقي

ممكن تشرحلنا معنى الجدول؟؟!!

 

[الراقي]

السلام عليكم الراقي

ممكن تشرحلنا معنى الجدول؟؟!!

تأمر أمر يابوباسل
الأجل ينقسم الى 3اقسام الأول اقل من شهر الله يعينهم
وثاني اكثر من شهر حتى 3شهور
وثالث اكثر من 3شهور
يعني تجمع اللي في الخانة الأولة يطلع معاك كل الأجل اللي راح يحل في اقل من شهر يعني عندك اكثر من 90مليون سهم راح يحل خلال اقل من شهر

 

[harbr2]

90 مليون يعني جم بيوصل السهم

 

[abo ali 73]

يعطيكم العافية على الشرح ولو اني ما فهمت
بس الحين الشورة منكم انا ماخذة ب 200 وكمية حلوة
اخلي ولا ازته بخسارة واذا خليته ممكن يوصل الا سعره قبل نهاية السنه
ومشكورين والله لا يحرمنا منكم

 

[الراقي]

90 مليون يعني جم بيوصل السهم

موشرط ان 90 مليون يبيعون فيهم من يجدد عقده ومع ذالك 90مليون سهم تشكل تقريبآ8% من اسهم الشركة وهي كمية معقولة وهذا شي مايخوف لصفوة لأنها مشهوره بكمية الأجل المرتفعة

يعطيكم العافية على الشرح ولو اني ما فهمت
بس الحين الشورة منكم انا ماخذة ب 200 وكمية حلوة
اخلي ولا ازته بخسارة واذا خليته ممكن يوصل الا سعره قبل نهاية السنه
ومشكورين والله لا يحرمنا منكم

اخي العزيز النزول الرواسي وبهذي السرعة يخوف لكن بماأن الأنتحار جماعي انطر يومين حتى يوم الثلاثاء يقولون السوق راح يتغير (جذابين)

 

[UNIX]

الدعوم القادمة و احتمال الارتداد منها 160 ثم 150 ثم 120 فلس.

السهم كتحليل أساسي وايد زين و أرباحه حلوه، بس لكل سهم دورة في الهبوط و النزول. و لو كنت أملك السهم ما ابيعه.

 

[متداول جديد3]

يعطيك العافيه اخوي الصفوه سهم شعبي

 

[أبو باسل]

يعطيكم العافية على الشرح ولو اني ما فهمت
بس الحين الشورة منكم انا ماخذة ب 200 وكمية حلوة
اخلي ولا ازته بخسارة واذا خليته ممكن يوصل الا سعره قبل نهاية السنه
ومشكورين والله لا يحرمنا منكم

هلا أخوي بوعلي
الي وصلني من احد الواصلين بالشركة ان الاسبوع القادم بيعدلو سعره ولكن بشكل بطيء ...
أما الوعد فهو في آخر السنه وأبشرو بالخير على ذمته.
انا ماخذ السهم 255 ... والكمية طيبة بعد وما افكر ابيع شي الان وانطر الوعد وعساها خير حق الجميع.

والقرار الاخير لك بالبيع والشراء

بالتوفيق ملاك السهم.
أخوكم / بوباسل

 

[فنان999]

هلا أخوي بوعلي
الي وصلني من احد الواصلين بالشركة ان الاسبوع القادم بيعدلو سعره ولكن بشكل بطيء ...
أما الوعد فهو في آخر السنه وأبشرو بالخير على ذمته.
انا ماخذ السهم 255 ... والكمية طيبة بعد وما افكر ابيع شي الان وانطر الوعد وعساها خير حق الجميع.

والقرار الاخير لك بالبيع والشراء

بالتوفيق ملاك السهم.
أخوكم / بوباسل

الله يعينك ويعوضك ما شريته الا في قمة صعوده هذا سبب قلة الخبرة الله يعوضك تدري كم راس مالها 130 مليون دينار وأرباحها ورقية
الواحد مرات يسبب الخسارة لنفسة وبعدين يقعد يلوم السوق الواحد أولا يلوم نفسة وبعدين يلوم الآخرين
ودمتم

 

[abo ali 73]

يعني جد الله يعطيكم العافية ويرزقكم على قد نياتكم والله انا من كلامكم ارتحت نفسيا وموناوي ابيع بخليه وعسى الله يرزقنا وياكم
ومشكورين يا اخوان بدون استثناء احد

 

[حمدان]

سهم »الصفوة« يقاوم عند مستوى 196 نقطة



حققت الصفوة ارباحا للنصف الاول تحمل زيادة بواقع %148 عن نفس الفترة للعام الماضي وقد صرح العضو المنتدب للشركة عادل الصقعبي في الجمعية العمومية عن نية الشركة هذا العام للتخارج من بنك يونيكورن الاستثماري بالبحرين وعن تأسيس الصفاة للاستثمار في مصر، وقد قامت الشركة بزيادة رأسمالها بواقع %20 بسعر 125 فلسا والتي انتهت فترة اكتتابها في منتصف يونيو الماضي.



التحليل الفني



في منتصف مارس ارتفع السهم من سعر 166 فلسا واستمر في الارتفاع حتى وصل الى اعلى قمة له في اواخر يونيو وهي 275 فلسا التي سرعان ماتراجع منها ليواصل انخفاضه حتى تداولاته الحالية والتي تشكل 180 فلسا دعمه الاول بينما 166 فلسا الدعم الثاني و124 فلسا الدعم الثالث له بينما 196 مقاومته الاولى و212 فلسا المقاومة الثانية له و242 فلسا الثالثة.



تاريخ النشر 14/09/2008

 

[abo ali 73]

اخوان شنو تتوقعون حق السهم في نزول بعد
الله يستر انا قلبي يبي يوقف
وشكرا

 

[damei67]

سلامة قلبك

اخوان شنو تتوقعون حق السهم في نزول بعد
الله يستر انا قلبي يبي يوقف
وشكرا

سلامة قلبك يا معود لا اتفاول على نفسك جذيه السهم مثل ما ينزلونه اكيد بصعدونه بس يبيلنا صبر

 

[Spring Son]

أرباح غير محققه

شباب اللي اعرفه ان الشركه ارباحها عن النصف الاول 35 فلس وهو ربح طيب بس أغلبها ارباح غير محققه

والمشكله ان هالارباح صج شكلها ماراح تتحقق لان الشركات اللي استثمرت فيها الصفوة خسرانه مثل الصفاة

فا مادري هل تحليلي هذا منطقي ولا لأ .... حدها اقبست

 

[ابوعايض]

شباب اللي اعرفه ان الشركه ارباحها عن النصف الاول 35 فلس وهو ربح طيب بس أغلبها ارباح غير محققه

والمشكله ان هالارباح صج شكلها ماراح تتحقق لان الشركات اللي استثمرت فيها الصفوة خسرانه مثل الصفاة

فا مادري هل تحليلي هذا منطقي ولا لأ .... حدها اقبست

ارباح الصفوه في النصف الاول 38 مليون منها 34 مليون غير محقق
35 فلس منها تقريبا 30 فلس غير محقق


يعني ارباح الصفوه 5 فلوس المحققه التي يستفيد منها المستثمر والباقي اصول ما يستفاد منها الى عند بيعها
سهم الصفوه مرتبط مع المؤشر بحكم ان شغل السهم اغلبها اصول

الى خلى جيزان ينزل من 4 دنانير الى 126 فلس يخلي الصفوه تنزل الى 126