مشروع مكتب عقاري

[ابو سلوووم]

يا أخوان

ودي افتح مكتب عقاري

وعندي بعض الأستفسارات


كم يحتاج تكلفة

كم موظف يحتاج

كم العمولة والنسبة من الصفقات

ياليت احد يفيدني
وانا لكم شاكر مقدما​

 

[بو محمود]

السلام عليكم

أخوي بالنسبة لمشروع المكتب العقاري فهو يحتاج التالي :

1- ترخيص ( يكلف تقريبا 300 - 500 دينار )

2- موقع مناسب ( حسب المنطقة اللي تبي تشتغل فيها ) وتتراوح تكاليف المكتب ما بين 1500 - 2000 ( حسب الفرش والديكور )

3- موظف واحد يكفي براتب ( 120 دينار ) وتسلم الموظف موبايل ويفضل تعطيه سيارة وتخليه يفتر ويجيب بنايات وأراضي .... الخ
( بس نصيحة لا تخلي خط الموبايل مفتوح يعني عطيه شهريا 15 دينار كحد أقصى )

4- نسبة العقارات تكون 1 % من قيمة العقار ( وهي تقسم على عدد المكاتب والدلالين المشتركين في البيعة ) إذا كان البايع والشاري مباشر عندك ساعتها بتكون العمولة كلها لك .

5- الموظف تعطيه ما بين 10 % الى 25 % من قيمة العمولة .

6- بالنسبة للأجار فهم ياخذون تقريبا أجار شهر عن كل شقة أو محل يتم تأجيره .

7 - عندك نشاط جانبي وهو ( إدارة أملاك الغير ) وهذي تحتاج وقت ومعارف كتير .

8 - أعتقد ما سبق ذكره كافي


وتقبل مودتي ،،،

 

[شكير]

اخوي ابو محمود
كفيت ووفيت
بس اذا تسمحولي بسؤال
لوكان موظف شريك النص بالنص شنوجدوها مواحسن
يعطي من عمره

 

[louzany]

والله ولد عمي تبي النصيحه الحلو بنسبه للمكتب افتح الرخصه قيمتها 250 دك حلو ولمكتب لا تحط بس روح اشتر خرايط من مكتبت العجيري او دليل الاراضي وبس وروح كم مكتب وتعامل معاهم اخذ منهم اراضي وبيع وحطلك كم اعلان بالجريده وخل شقلك طياري علي العلان تفتك من الاجار عرفت هذي نصيحتي خل شقلك طياري علي التلفونات عرفت وذا علي الموظف انت اشتغل بوحك وخلص شقلك بنفسك وذا زاد الشقل ومشي المكتب عدل حط موظف ومكتب
وذا تبي مكتب اخذ بخيطان او الفروانيه او النمنف وخل يصير عندك معارف
ونسبه علي حسب البيعه 1% من البيعه

 

[ورق خسران]

جزاكم الله خيرا