شاب كويتي يطلب عمل ضروري يا اهل الخير .

[بوعلي_3]

انا شاب كويتي الجنسيه متزوج لدي شهادة دبلوم مكنيكا لحام تخصص نادر وخبره خمس سنوات صالي سنه واكثر مقدم على الديوان ترتيبي الاول ارغب بوزارة الكهرباء والماء وارغب بمساعدة اهل الخير .

 

[بوعلي_3]

معقوله ما كو احد يساعدني ؟

 

[alanzi]

الله يساعدك حبيبي

هني كلها فقاره ههههههه

والله شفيك
يعني شنو تبي توظف يعني

انا الي اعرفه اذا انتا متزوج على طول يوظفونك الديوان واذا ماوظفوك روح لشئون يعطونك معاااش

يبه انتا قاعد بكويت شفيك

 

[BushanaB]

إخوي بوعلي
اذا عندك شهادات مصدقه من معاهد لحام عالميه لها وكيل بالكويت ...ما اعتقد راح يفرطون فيك شركات النفط او اي مقاول يشتغل معاهم ....ويمكن شهادة الدبلوم تكفي ورواتبهم مغريه يعني انت اتشرط عليهم بعد ومثل ماقلت انت تخصص نادر......
سمعت بعض اللحامين ساعتهم توصل 500 دولار يعني تحت ايدك كنز......واتمنى لك التوفيق

 

[Knights]

الله يعينك والله

ديره تعطي البعيد وتنسى القريب للاسف بس الله كريم

 

[بوعلي_3]

الحمد الله توظفة وبوزارة الكهرباء بس ادعولي بالتوفيق وحبيت ارد على الاخوي اللي قال الشؤون والله رحتلهم ما كو فايده وتقول عايش بالكويت وتعرف والله اني اشك انك تعرف صالي سنه وزياده والله يعلم بالحال والحمد الله انا الحين توظفة وهذا خير من ربي ويكفيني انكم سالتوا وشفتوا موضوعي وهذي اخر الاخبار اقبلوني والحين رايح اراااااااااااااااكض بوراق التوظيف. اللهم لك الحمد حمدا كثيرا .

 

[a7md]

الله يوفقك يا رب

 

[alanzi]

الله يرزقك يابو على بتوفيق نشالله


مشكلتك ماعندك واسطه

وله في ناس بدون يداومون في الشئون شفيك

الكويت واسطه

 

[بالي طويل]

اخوي افتحلك محل بلصناعية لحامة واستلم راتب من الشؤن

 

[أحمـــــــد]

عسى الله يوفقك يارب

 

[vvh7]

مالك اله التجاره برقي ولا الخضاره