للخبراء فى استيراد سيارات .... فقط

[سهم استراتيجى]

للخبراء فى استيراد سيارات .... فقط










اخوانى الاعزاء

ماهى الطرق المتبعة بوزارة التجارة اذا شريت سيارة موديلها 2003 او 2002 من الخارج لى شخصيا هل فية استثناءات للحين ماهو الاجراء
( المعروف ان المسموح خمس سنوات يعنى من 2008 - 2004 )
ومنو عندة حساب فى ebay وجايب سيارات كذا مره

 

[general_q8]

السلام أول شي مايدخل الكويت ألا موديل 2004 وفوق
أما بالنسبه للقديم مايدش ألا من موديل 83 وتحت وأما الأستثناء أنتها من راح وزير التجاره الهاجري كان فاتحها على الأخر للكويتيين جميعهم أما ألحين أنسى يمشيك الطويل وهذا الكلام من خبرتي في المجال وأما بالنسبه للأيباي أنحش منه بس أذا شركه أخذ منها والله الموفق

 

[free777]

السلام عليكم : اذا انت ولا مره جايب سياره من بره اخوى عادى يسوولك كتاب استثنائى وتدخل لانى انا جايب الحين موديل 2001 مستثنيها وانا واقف من غير واسطه . يقولك المثل اسئل المجرب ولا تسأل الطبيب توكل على الله

 

[السوق توافيق]

اذا السيارة موديلها اقدم من 2004 تاخذ معاك بوليصة الشحن وتروح لمكتب وزير التجارة مباشرة في مجمع الوزارات وراح يحولك على الكمبيوتر تحت اذا ما لقوا على اسمك سيارات من قبل يكتبون (لا يوجد) وبعدين ترجع لمكتب الوزير ويقولك السكرتير تعال بعد يومين، بعد يومين تاخذ الموافقة وتنزل تحت صوب الكمبيوتر ويصدرون لك الترخيص.

اما الايباي فنصيحه لا تشتري من هناك لاني شاري سيارة منهم بتاريخ 6/11/2007م والى اليوم ما وصلت وتكلفة الشحن غالي جدا بالمقارنة مع اليابان.

بالتوفيق ان شاء الله.

 

[سهم استراتيجى]

السلام عليكم : اذا انت ولا مره جايب سياره من بره اخوى عادى يسوولك كتاب استثنائى وتدخل لانى انا جايب الحين موديل 2001 مستثنيها وانا واقف من غير واسطه . يقولك المثل اسئل المجرب ولا تسأل الطبيب توكل على الله

مشكور على الرد ومثل ماتوقعت

[QUOTE=السوق توافيق اما الايباي فنصيحه لا تشتري من هناك لاني شاري سيارة منهم بتاريخ 6/11/2007م والى اليوم ما وصلت وتكلفة الشحن غالي جدا بالمقارنة مع اليابان.

مشكور ياريس بس ليش هالتأخير !!!!!! الله يعين يمكن شركة الشحن تعبانه وعلى فكرة عام 2003 صارلى نفس الشىء وتأخرت شاحنة شاريها من المانيا اكثر من ثلاث شهور اتصدق ولا ماتصدق خذيت سيارتى ورحت ودخلت ميناء الشويخ على ابو انى عندى شغل داخل وقعت افتر وافتر لين لقيت شاحنتى مركونة لا ومشلحين ليتاتها ودعاميتها وشغلات اخرى المهم طلع على غرامة تأخير ليش مااستلمتها و دفعة 80 دينار وخذيتهاااا يعنى شركة الشحن مابلغونى بوصولها اخاف سيارتك نفس سالفتى دربالك

 

[kuwaitey]

اخوى سهم استيراتيجى

انا اقدر افيدك لان هذا مجال شغلى من سنو 1997

قول لى شنو تبى بتحديد على شان اقدر اساعدك

 

[السوق توافيق]

مشكور على الرد ومثل ماتوقعت

انا كنت عند مكتب الشحن اليوم الصبح وقالوا ان الباخرة راح توصل بتاريخ 25 مايو والله كريم

والله يوفق الجميع ،،،

 

[ميدار الكويت]

السلام عليكم
يحقلك سياره وحده بس بالعمر كله اذا اول مره عادي يعطونك بدون واسطه

هذي السياره عند الباب توني جايبها واذا تبي احد يطلبلك عندي واحد اعرفه يطلبلك

بس وخر عن الإباي لاتطيح طيحتي انا مبيوق مني 1500 من هكرز عن طريق الاباي

 

[نوط بو 1000]

السلام عليكم
يحقلك سياره وحده بس بالعمر كله اذا اول مره عادي يعطونك بدون واسطه

هالكلام بالنسبه للسياره اللي طاف على موديلاها أكثر من ٥ سنين يعني موديل ٢٠٠٣ و نازل يحقلك مره وحده بالعمر..

لكن تقدر تستورد سياره وحده كل سنتين بشرط ما يكون طايف على موديلها أكثر من ٥ سنين يعني من ٢٠٠٤ و طالع..

إذا أنا غلطان آتمنى أحد يصلح لي.

 

[abdullah6868]

من موديل 2004 وما فوق استثناء مرة واحد بالعمر
من موديل 2003 حتى 1984ممنوع استيرادها
الهاجري الوزير راح اللة يعين على احمد باقر
للطلب اي سيارة من امريكا انا عندي شركات ومكاتب شحن وانا مسؤل عن اي شي
9734896