لو تم تخييرك لتكون وزير أي وزاره تختار وشنو أول قرار تاخذه ؟

[سايق الخير74]

نعيش بشوية احلام ونعرف آراء بعض لو تم تعيينك وزير وتخييرك فأي وزاره تختار وشنو اول قرار تاخذه؟ انا اختار وزارة الصحه واول قرار آخذه التعاقد فورا مع مستشفيات اجنبيه مؤقتا وبجميع التخصصات لإدارة مستشفياتنا مثل ماسوت حكومة ابوظبي وأصدر أوامر بوضع خطه لإنشاء مستشفيات جديده وبمواصفات عالميه بدال لا اخلي اهل الكويت يقطون اللي وراهم ودونهم عالعيادات الخاصه يعني باختصار بعد انتهاء هالخطه اخلي العيادات الخاصه تصفر من الهدوء وتتنافس بالتنزيلات وتقول يامواطنين تكفون تعالو وعلى سبيل المثال اخلي تكلفة خلغ الضرس بعيادة الميدان 5 دنانير بدال السعر الحالي 100 دينار واخلي اقصى موعد لعمل اشعه لمواطن يومين بدال شهور...وعقبها استقيل وانا مرتاح الضمير قبل لايستجوبوني بسبب إفلاس العيادات الخاصه

 

[لندن]

أختار وزير الداخليه وأول قرار أتخذه أخلص معاملتي المرفوضه

 

[zoya_y]

أبــي أصــير وزيرة المالية وحط برصيد كل كويتي رب أســره 20 ألف دينار ...

أبـــي أصــير وزيرة الداخليه وحــل كل مشــاكل التجنيس ​

 

[باب عوود]

يا اصير رئيس مجلس الوزراء والا مابي لاحد يدق علي يترجى رجآ

 

[قلم حر]

أبــي أصــير وزيرة المالية وحط برصيد كل كويتي رب أســره 20 ألف دينار ...

أبـــي أصــير وزيرة الداخليه وحــل كل مشــاكل التجنيس ​

انتي على بالج انتخابات بتقصين علينا
مو نا قص الا تقولين الكويت مو للبيع وصوتك امانه و( نقدر ) والكويت بشبابها
واياك واليأس من وطنك والكويت مسئوليه ووووووووو شعارات رنانه

 

[عاشق سدني]

وزير الصلب والحديد ...

 

[الفايدة للجميع]

وزير التربيه والتعليم لتحسين وضع التعليم بالكويت

ووضع كادر وظيفي للمعلم ....و من أعلى الرواتب فالدوله يتقاضاه المعلم ويحاسب المعلم

حساب عسير في حالة أهماله أو تقصيره في التعليم

 

[قلم حر]

وزير الصلب والحديد ...

تكفا يامعالي الوزير ترى طالعه لي قسيمه والحديد غالي زيدوا الدعم احنا عيالكم وبعدين كلها يوم وماشئ خل نذكرك بخير ياطويل العمر

 

[مغامرجي]

وزير السياحة

 

[ولد البورصه]

وزير التربيه والتعليم لتحسين وضع التعليم بالكويت

ووضع كادر وظيفي للمعلم ....و من أعلى الرواتب فالدوله يتقاضاه المعلم ويحاسب المعلم

حساب عسير في حالة أهماله أو تقصيره في التعليم

صدقنى ماينفع!! عطوهم وعطوهم ومازال التعليم هابط المستوى والمخرجات لك عليها
الظاهر انت مدرس وشابك نت بالعمل!! وتبى علاوه بعد

سلملى على التعليم

 

[ولد البورصه]

نعيش بشوية احلام ونعرف آراء بعض لو تم تعيينك وزير وتخييرك فأي وزاره تختار وشنو اول قرار تاخذه؟ انا اختار وزارة الصحه واول قرار آخذه التعاقد فورا مع مستشفيات اجنبيه مؤقتا وبجميع التخصصات لإدارة مستشفياتنا مثل ماسوت حكومة ابوظبي وأصدر أوامر بوضع خطه لإنشاء مستشفيات جديده وبمواصفات عالميه بدال لا اخلي اهل الكويت يقطون اللي وراهم ودونهم عالعيادات الخاصه يعني باختصار بعد انتهاء هالخطه اخلي العيادات الخاصه تصفر من الهدوء وتتنافس بالتنزيلات وتقول يامواطنين تكفون تعالو وعلى سبيل المثال اخلي تكلفة خلغ الضرس بعيادة الميدان 5 دنانير بدال السعر الحالي 100 دينار واخلي اقصى موعد لعمل اشعه لمواطن يومين بدال شهور...وعقبها استقيل وانا مرتاح الضمير قبل لايستجوبوني بسبب إفلاس العيادات الخاصه

انت ميه ميه
شرايك ياحضره الوزير نحول مستشفى العدان لشركه طبيه امريكيه والاطباء الكويتين يشتغلون مساعدين لهم ويتعلمون منهم
ومستشفى مبارك لشركه طبيه بريطانيه
ومستشفى الاميرى شركه طبيه اريلنديه
ومستشفى الرازى شركه طبيه المانيه
ومستشفى الصباح مسترك مابين الامريكيه والبريطانيه لان فيه بن سيناء والعيون والنطق والسمع والانف والاذن والحنجره
ومستشفى البابطين لشركه طبيه فرنسيه متخصصه بالحروق والتجميل
ومستشفى الفروانيه امريكيه
ومستشفى الجهراء شركه طبيه بريطانيه
ومده العقد 10 سنوات واى خلل بالعمليه الطبيه تتحملها الشركه
بدال هالفلوس اللى يقطونها على بالعلاج بالخارج
والاجانب يتعالجون بمستشفيات للاجانب فقط نخليهم بمستشفى الولاده القديم نحوله لهم

 

[كول^على^طول]

أنا راضي بأي وزاره وما عندي أي مشكله

وأول شي أجيب ربيعي وأعطيهم مناصب , مثل اللي خبركم

حالهم حال غيرهم ​

 

[انطلق2]

وزير التعليم و الصحة والتجارة والأشغال بالئنابة و بس
و الوزارات السيادية خلوها لأهلها الله يعزهم...