تغطية البطاقات عن طريق البنك

[ابوراشد]

شباب شلون اغطي البطاقه عن طريق البن يعني انا الحين عندى 20 بطاقه وانشالله ناوى اغطيهن فى البنك الاسلامى شلون الطريقه ممكن نعرف

 

[غازى]

يا بو راشد تو الناس

للحين ما اعلنوا شئ انطر لين يعلنون عن الاكتتاب وراح يعلنون عن البنوك اللي تقدر تكتتب عن طريقها

تراك ما تحتاج للبطاقات الاصلية الصور تكفي

بالتوفيق

 

[فريد]

وفي الكويت أيضا قرر بنك الكويت المركزي اليوم الموافقة المبدئية على طلب الهيئة العامة للاستثمار الكويتية إنشاء بنك يعمل وفق أحكام الشريعة الإسلامية.

وذكر محافظ البنك الشيخ سالم عبد العزيز الصباح في تصريحات صحفية أن الهيئة ستساهم بنسبة 24% من رأسمال البنك البالغ 100 مليون دينار كويتي (340 مليون دولار أميركي) بما يفوق الحد الأدنى المقرر في القانون وهو 75 مليون دينار كويتي.

وأشار إلى أن من المتوقع أن يتم طرح 76% من رأس المال للاكتتاب العام خلال الربع الأول من العام الجاري.

وأوضح أن الموافقة على تأسيس البنك المذكور تأتي في إطار تنفيذ السياسة المعلنة بشأن الترخيص بتأسيس بنوك إسلامية جديدة والمقررة من مجلس إدارة بنك الكويت المركزي في يونيو/ حزيران الماضي.

إذا صدق هالكلام بطرح 76% من راس المال 100 مليون يعني الاسهم المعروضة للاكتتاب 760.000.000 مليون سهم وبافتراض ان كل الكويتيين ساهموا في البنك بيكون عدد المكتتبين 850ألف عليه يكون نصيب الفرد حوالي890سهم فقط لاغير

السهم المتوقعة : 890 سهم

قيمة تغطيتها : 0.102فلس * 890 سهم = 90.78دينار


توقعي يكون عدد المكتتبين بحدود 700- 750 الف

لهالسبب انصح من يريد الاكتتاب يكتتب في حدود ألف أو ألفين سهم لكل بطاقة بتكلفه مئة أو مئتن دينار

 

[أبو عبدالمحسن]

السلام عليكم

شلونكم يا اخوان

بوراشد شلونك انشالله طيب



اخوي فريد

لاتنسى ان الاكتتاب يشمل الاخوان الخليجيين ايضا

ولا تنسى ان الحد الاعلى بيكون مئه الف سهم وكثير راح يغطون الشهاده بالحد الاعلى

يعني القسمه راح تختلف عن احساباتك بشكل كبير

وبعد لاتنسى انها موضه الاسهم هالايام اهي الدارجه يعني كل لكويت راح تكتتب والخليج

الله يكتب لنا الي فيه الخير

الا انت الخبر من وين جايبه اقصد النص الي انت كاتبه

تحياتي

 

[فريد]

أخوي بو عبدالمحسن

تخصيص الاكتتاب في الكويت يكون نسبة وتناسب حسب عدد المكتتبين وماله علاقة بالعدد اللي تكتتب فيه الناس والرقم اللي هو الحد الاعلى الذي أتوقعه يعني كل ما زاد عدد المكتتبين قل عدد الاسهم المخصصة فلو افترضنا إن عددهم مليون شخص معناتها نصيب الفرد يكون 760 سهم

بخصوص الحد الأعلى للإكتتاب 100 الف سهم ، الوضع حسب طريقة الاكتتاب في الكويت اللي يكتتب بمئة ألف أو بألف نفس الشئ لأنهم ما يحصلون إلا على النسبة المخصصة للفرد واللي تنعرف بعد ما ينتهي وقت الاكتتاب لهالسبب نصيحتي الاكتتاب في حدود ألفين سهم للفرد

ولو إني أتمنى لو إن الحكومة تخصص نسبة من الأسهم ويا ريت نصف الكمية للفئات الأقل دخلا من المواطنين مثل أصحاب الرواتب المنخفضة وأصحاب معاشات التقاعد ومتلقي مساعدات الشئون من العجزة والارامل والمطلقات والايتام وتمنع حق التصرف بالسهم إلا بعد مرور ثلاث سنوات أعتقد مثل هالأمر يكون فيه عدالة اجتماعية وتنفيع فئة مستحقة


الخبر منقول عن الجزيرة نت

الموافقة على إنشاء بنك إسلامي