معرض العقار بمشرف

[nasser_q8i]

السلام عليكم
يعطيكم العافية
يا جماعة منو شاف المعرض المقام حاليا بارض المعارض؟
ياليت واحد من الاخوان اللي عندهم خبرة يفيدنا ،، شنو انطباعكم ؟

وشسالفة فلل الخيران اللي تارسة الجرايد يوميا صفحات كاملة !!؟ تسوى الخيران يعني ..؟

ياليت اللي عنده فكره عن المعرض عموما يفيدنا
خاصة العقار الكويتي المعروض


وجزيتم خيرا

 

[حبيب]

كل شئ غالى عندهم00

 

[nasser_q8i]

شسالفة فلل الخيران ، اللاجون وغيرها اللي تارسة الجرايد هالايام ؟ ابتداء من 99.000 ؟؟

 

[Bubyan]

شسالفة فلل الخيران ، اللاجون وغيرها اللي تارسة الجرايد هالايام ؟ ابتداء من 99.000 ؟؟

99 هي الطعم لأنها طايره ما يقى منها شيء
والظاهر موقعها تعبان لأن نفس البيت اللي على السطرة المقابلة له على 123 الف!
والبيوت اللي على البحر طارة كلها واسعارها 199 الف.

ملاحظة: في ناس قالوا ان لما الماية تروح السيارات تدخل الجون لكن الموظفين يحلفون بأن بالجزر الماي قايسينها ارتفاعها مترين!! والله اعلم منو اللي صادق..

المهم اني رحت للمنار وبيت التمويل علشان احوله اقساط فقالوا اذا يعتبر الشالية بيت سكني ما راح يعطوني قرض!!!!

 

[Ayoub]

السلام عليكم .. المعرض اخوي العزيز من ناحية اسم معرض عقار .. ترى مهو معرض عقار هذا تجمع عقاري او سوق عقاري لان مافي معرض عقاري بالعالم يتم فيه البيع مباشرة للعميل !!

- وبخصوص فلل الخيران ... هي فلل مفروزة على أساس فلل مشاع على مساحة 1000 مترمربع
وليس كل الفلل مطلة على البحر .

ولكن من ناحية الوضع الحالي في رايي المتواضع اشوف ان المنطقة الجنوبية في تقدم مستمر من خلال ملاحظتي لنسبة التوجه للشراء و الاستثمار في هذة المنطقة .. خاصة ان مشروع لؤلؤة الخيران او اي كان اسنه لان كل شركة مالكة بعض اراضي من المشروع تسمية باسم معين ما هو الا مشروع متكامل لاي طالب سكن خاص او سكن ترفيهي لان خبرك الشاليهات ليست ملك انما بنظام الاجار فهذا النوع يعمل على نوع من الخصوصية .
- يعمل حاليا على الاشتثمار في هذة المنطقة من خلال استغلال ارض تضاعف مساحة مجمع الافنيوز بنسبة 100% تقريبا لاقامة مجمع تجاري حضاري ضخم .
- وتوجه احد الشركات لبناء و انشاء فندق خمس نجوم لاحدى شركات الفنادق العالمية .
آسف على الاطالة واتمنى اني وصلت فكرة بسيطة لاخواني و شكرا

 

[nasser_q8i]

اليوم اتصلت على شركتين من اللي عارضين فلل بالخيران
ومثل ماتفضلوا الشباب
البيوت اللي عالبحر اسعارها تبدأ من 200.000 واشلع
والمساحات 480م
واللي مو عالبحر 160.000 وصاعد

وشركة ثانية ام ال99.000 هم مو عالبحر والمساحة 338م

بس البنيان في الشركتين كان 3 ادوار (ارضي وأول وثاني)

وفيها وثيقة تملك ، يعني مو عقد انتفاع مثل الشاليهات .

المهم بالسالفة أن غالبية اللي يشترون والله أعلم شارينها على أساس شاليهات ..!! الله يرزقنا

يعني جيرانك بس بالويك إند ، ايام الاسبوع الفريج يصفر


السؤال اللي ما لقيت إجابته : هل الفلل مطابقة لشروط بنك التسليف؟

 

[Ayoub]

السلام عليكم
شرط بنك التسليف للانتفاع بمبلغ ال 70000 ينطبق على مساحة العقار الي يكون للبيوت من 375 متر تقريبا و للشقق من مساحة 220 متر تقريبا .. بس هذا ما يعني اذا كان البيت اق من هذة المساحة يتم تمويلك بس مو بمبلغ ال 70000 يكون تقييم من قبلهم

و ان شاء الله تكون معلوماتي صحيحة
وشكرا