اسهم لازالت اسعارها مناسبة للشراء

[alsalm]

بنك الخليج السعر الحالي 860 فلس


بنك الشرق الاوسط = 460 فلس


المركز المالي = 230 فلس

التمويلية = 360 فلس

العقارات المتحدة = 280 فلس


اسماك = 206 فلس

==============================

 

[boalons]

مركز سلطان 600

تداوله الاسبوع الي فات يبين انه عليه تجميع يصعد بعدين اخر السوق ينزلونه


الرااااااااااابطه 1080

البورصه وقفوا السهم عن التداول علشان الشركه مسويا عقود ومو معلنه عنها

 

[alsalm]

ولا ننسى اخوي boalons السفن

السفن سهم اعتقد ان سعره مناسب للشراء خصوصا ان الكل عنده قناعة تامة بأن الاشهر الثلاث القادمة هي اشهر حاسمة بالنسبة للشركات ككل 0 ولذلك كل سهم في البورصة يريد ان يبدل مركزه الى الاحسن ومن ضمنهم سهم السفن اتوقع له صعود مفاجأ في الاسابيع القادمة وسوف نراه على 750 الى دينار 0 وكما تفضلت اخوي boalonsان السهم مضغوط عليه وبأنتظار تحرير بعض العقود في السوق الآجل سوف نراه بالسعر المذكور اعلاه ؟؟؟؟؟؟

420 فلس سعره الحالي

=====================================

 

[boalons]

سلطان 700 وانشاء الله الي الدينار



الرابطه 1.260 وما يرده الا 1.500 انشاء الله



يالله ياكريم

 

[بو بدر]

بصراحة أنا أعتقد أن سهم المخازن ما يطوف ,,,,

صحيح أنه أرتفع شوية , 1360 ,,, ولكن للحين فيه نفس وحسب المنطق والعقل يقول حتى نهاية السنه 2004 يفترظ أنه فوق الدينارين

هذا المنطق يقول ,,, ولكن سوق الكويت .. له منطق أخر لا يعلم به الا الله

 

[ابوالحارث]

السلم عليكم .....

كمل يالسالم بعد.. اسمنت الكويت..خرسانة خلوية..عربي قابضة ..صناعات وطنية..سهير زكي..اصول..مجموعةالأوراق..مشمش..أسهم سنة 2004

 

[ابوالحارث]

اعتقد الواحد يشتريهم وينام... السوق صحح بيعدل مافي إشكال عليهم إنشاء اللة وبعدين السوق ما أعتقد انة يصحح الحين لا حقين انشاء اللة على التصحييح التصحييح اعتقد انة في شهر فبراير على شان الجماعة يلموون حق الربع الأول ويبطووووونة باسهمنا الي احنا شارينهاواللة اعلم

 

[alsalm]

هلا بالين الكويتي

ومساك الله بالخير 00



ادري شتقصد بسهير زكي ؟ قصدك سهم السينما


وسهم مشمش ؟ افتكر تقصد سهم الاغذيــــــــة (امريكانا)



اما سهم سهير اعتقد هذا السهم يقول ان الكيبل التلفزيوني مواحسن مني بصعدته00وقول الكيبل هالمكحين يصعد الى600فلس وفوق وانا السينما من على ايام بس يابحر سعري مايتعدى 900 فلس


وسهم مشمش اعتقد والله اعلم قبل لاتنعقد الجمعية العمومية راح نشوفه على 2.800


والعلم عند رب العباد

 

[boalons]

alsalm

اسماك = 206 فلس

الحين 2.65 ولسه

السفن 4.55

ومركز سلطان هالمظلوم

وعربيه عقاريه

 

[alsalm]

هلا اخوي boalons

يسعد صباحك0ومبروك على السفن مابغت تصعد اكيد نشفت ريجك لكن من صبر ظفر0

لكن سيء الذكر مركز سلطان وربعه (اسهم الجناعات)راعين مشاكل
وانا اخوك يبيلنا نحقرهم وما نجيب طاريهم يمكن يصعدون


المخازن تبي تسكت كمال السلطان ب12مليون وهو يبي 60مليون دينار
ومخربين على الكل (مركزسلطان- الوطنيةالعقارية)واحناضايعين بالطوشة

 

[alsalm]

بنك الكويت والشرق الاوسط

500 فلـــــــــــــــــــــس


وبعد دخول اولادعبدالرحمن البحر كشركاء مع محمودحيدر بالصفقةراح نقول بعون الله ان السهم هدفه دينارفقط لاغير



طبعا" مو بيوم وليلة انما كأستثمار متوسط من شهرالى ستةشهور

 

[مؤشراتي]

الـمــال

148 ، أو 146 ،

وحـتى 150 ، أو 152 ،

كل هـذه الأسعـار منـاسبة للمـال ( استثمارية )

آآآآآه ـ من يصـغـى ! ؟

 

[zen74]

السالم قوى

اول شى مساكم الله بالخير...الصراحه انا قعدت اتابع توقعات السالم على اسعار بعض الاسهم وطابقت بين توقعاته والاسعار الى وصلت اليها تلك السهم طلعت جميع توقعاته اميه% والله يوفقك ياخوى السالم ولاتبخل علينا بتوقعاتك الذهبيه

 

[alsalm]

الله يقويك اخوي zen74 ويرزقك من غير ماتحتسب وشكرا على الاطراء الجميل 0

 

[ملك التحدي]

مبروك يا السالم عليك الاوسط (ولو اني اخاف منه )لان بعض المضاربين الكبار دشوا فيه

بس مبروك على الارتفاع الصاروخي وان شاء الله يوصل للدينار


والسفن نزول بالاحد الادنى ان شاء الله ما في احد تضرر


واضيف على لسته اسهمك
المصالح 510


والسالم يا zen74

فنان في البورصه

 

[بو بدر]

طيب الأستثمارات الصناعية .... ليش منسيه

420 فلس و اتوقع مع الأعلان راح تطوف 500 لأن نفس الشركة تشتري

أسهمها ......

بصراحة أنا ما أتعامل فيها ,,,, ولكن أحد الكبار بالسوق نصحني فيها

ونظرة سريعةعلى الأيام الماضية تشوف أن السوق نازل و الصناعية

عليها تجميع قوي ,,,,,

وعلى فكرة من المحتمل أن تكون التوزيعة 25 و30 منحة ونقدي

والله أعلم

 

[alsalm]

الله يبارك فيك ياملك التحدي انت استاذنا والله يوفقك بالدراسة وتتفرغ لنا شوي

ومع سهمك المصالح العقارية وسهم الاخ العزيز بوبدر الاستثمارات الصناعية وانظيف عليهم سهم عربي قابضةاعتقد انها خوش محفظة والحسابة راح تحسب والرزق على الله


المصالح العقارية 520 فلس

الاستثمارات الصناعية 420 فلس

عربي قابضة 455 فلس


علينا المتابعة لهذه المحفظة المتكتكة

 

[zen74]

استشاره

اخوى السالم والاخوه رواد المنتدى انا من باكر انشاء الله راح تكون لى اول دخله بالسوق بشنو تنصحونى مع العلم انى افضل الشركات الاسلاميه والمضاربه ولكم جزيل الشكر

 

[alsalm]

الرسالة الأصلية كتبت بواسطة مؤشراتي
الـمــال

148 ، أو 146 ،

وحـتى 150 ، أو 152 ،

كل هـذه الأسعـار منـاسبة للمـال ( استثمارية )

آآآآآه ـ من يصـغـى ! ؟

===============================

صدقت اخوي مؤشراتي

ياريت سمعنـــــــــــــــــــــــــــــــــــــــــا وآآآآآآآآآآآهين

كادت ان تكون ضربة ولا منها اقفال اليوم 156 فلس وان شاء الله الاخ zen74 افتتح دخوله السوق فيها

 

[alsalm]

المصالح العقارية بــــاعت جزء من حصتها في البنك العقاري رايك ياملك التحدي




استثمارات صناعية تداول رهيب اليوم