كم سعر الموستنج Lx موديل 93 ؟

[ابوشهاب]

السلام عليكم ..

بغيت اسألكم ..
كم اسعار الموستنجات موديل 93 وجير عادي ؟

وبإنتظاركم ,,

 

[scusa83]

وعليكم السلام
والله ولد عمي على حسب نظافة الموتر و الاغراض الي عليه اسعارهم مابين 1400 الي 3000

 

[KUWAIT-N76]

هلا اخووي اسعارهم من 1400 الي 1900 على حسب النظافه هذا الموتر اذا كان استووك واذا تبي واحد ترى عندي موترين للبيع موديل 93 اسود استووك وهذا رقمي 9708521 ابو دعيج ..........

 

[heart]

بو شهاب حاليا تحصله حتى ب800 حسب الحاله ويوصل لي ال2000

بو800 يمكن مصبوغ يبيله شوي شغلات بس طبعا من يطوف ال1300

لازم يكون على الاقل البدي لنك ويكون عليه اضافات كشنات رنقات ولد ليتات زينه يعني

ملغوم واذا بتستعمل يعني حاب الموتر نصيحه خذ ستوك مكينته ماعليها شي


مو ملغوم اذا انت مو راعي هدات وانت حطله خفايف على كيفك

من هالسوالف بس العادي حده حده اذا مسكت 1200

اهم شي جيك على الشاصي لانه اغلبهم مدعوم لا تستخسر فيه الرمال الذهبيه

الحين الصيف داش يعني تددل ولا برخص بعد اذا مو مستعيل واخيرا لا تاخذ هاتش باك

اخذ بو دبه

 

[ابوشهاب]

الله يعطيكم العافيه على الردود

heart
تسلم يالغالي على هالنصائح
طيب ليش مااخذ هاتش باك <<< غرامه الهاتش باك
يعني احسن بالاستعمال
ولاانت تقصد كرغابه اقوى بودبه
طبعا بودبه مرغوب اكثر من الهاتش باك .. بس شالفرق بينهم كأستعمال وقوه

ويعطيكم العافيه

 

[shadi6477]

اخوي عندي lx بو دبه مجهز للشارع المكينه استروكر 347 جير ترمك معاه رنقات ولد gragar بالكرتون وغطع المكينه جديده بالكرتون كشنات روكارو السياره لم تجرب باالشارع جربة على الداينو

 

[shadi6477]

بو شهاب مافي فرق اذا كانو ستوك الفرق بس بصميم الدبه بو دبه له رغابه والهاتش له رغابه بس طبعا الافضل بوده بالبيع

 

[heart]

بوشهاب اخوي انا بقولك دام لك رغبه بالهاتش باك

اذا تكون حالته اسطوريه ونظييييييييييييييييييييييف

اكثر من الف الف واميه حتى لو عليه شغلات وهم لاتاخذ ملغوم

الا اذا كان فاصل المروحه ومركب رديتر ومروحه تبريد كهربا

مو الي تكون راكبه على الكرنك

معاك من ال600 لي 1000اكثر لاتدفع وهم اقولك بودبه والهاتش باك نفس

المكينه والقير وانتبه ترى هالموديل الي لغايه ال93 جتي ولا ال اكس بانواعه

علته بالقير يعني تخيل حتى قير زد تيربو يركبون عليه ترهيم

وترى مايحمل اللكش واعذرني على الاطاله اذا حصلت موتر وبغيت اي استفسار

ترى انا حاظر وما اقولك انا خبير بس ماكو موديل ما استعملته من الموستنق

واغلب الخرابات مرت علي وشكرااا

 

[ابوشهاب]

الله يعطيك العافيه على هالتفصيل heart
بصراحه ماادري شلون اشكرك على هالنصائح
بس مافهمت قصدك بخصوص القير
يعني تقصد قصة الـLX قيره موشي .. ولابس موديل 93 قيره موشي ؟!

وابي منك خدمه اخيره :>
اذا حصلت لي موستنج LX هاتش باك بـ800 ياليتك تبلغني فيه
وانا اهم شي عندي انه الموتر موحايشته دعمه قوية من قبل ولامستهلك استهلاك قوي
يعني اهم شي الشاصي 100% والقير والماكينة حلوين .. اما الداخلية موشرط نظيفه وحتى البودي مايمنع تكون فيه زلوغ عادي .. بس مثل ماقلت لك اهم شي الشاصي والقير والمكينة
وهذا رقمي .. بأي وقت اتصل
6538033

ويعطيك العافيه يالغالي

 

[heart]

بوشهاب عيوني لك بس ادعيلنا

هذا رقم واحد شفته اليوم بابو حليفه وخذيتلك رقمه

هاتش باك عليه جناح كوبرا الي مرتفع شوي من ورا

المهم مامداني اصوره كنت مستعيل قلت اخذلك الرقم

9854403 دق عليه وشوف جم اخره وقولي

واختصر معاه الموضوع قوله قير مكينه شاصي فحص وجم نهايته

وبالنسبه للسعر الي ب800 قبل اسبوع تقريبا واحد يديد على دوار صباح الناصر

الي بين صباح الناصر والفردوس واحد كان معروض عطاه لاخوي ب800 وماشراه يمكن تحصله

وانا ابشر اذا صادفت بعد باخذلك رقمه حصلت واحد حمر بودبه بس رايح فيها ب400

وبالنسبه للقير الي اعرفه والي استعملتهم 90لغايه93

سواء جي تي او ال اكس كشف ومصندق هالموديل كله مايتحمل اللكش بالقير

يكون مبطل ومصلح او يرهمون عليه قير زد تيربو فا اهم شي افحص القير والشاصي المكينه تبين كمبيوتر بس القير وده راعي كراج موستنقات في واحد اسمه كراج الصحراء مجابل قطع غيار بي ام القديم بتقاطع محطه التماتيك الي بشارع الزينه

واذا بتريح مخك خذلك 98قير عادي حده الف الف وميتين لاحراره ولا يحزنون

ولا تنسانا بدعائك تحياتي

 

[ابوشهاب]

ياليت ننتقل للرسائل الخاصة .. افضل
لأنه حاب استفيد من خبرتك اكثر ..

وتحياتي ,,

 

[heart]

تدلل طال عمرك اي شي تبي 24 ساعه اذا حصلت دزلي وانا اردلك على طول